|
ابوصالح وبــــــــــس
أبو صالح و أبو راشد قاعدين يطالعون الأخبار في بلدتهم بريدة في القصيم. أبو راشد - وش قاعد تفكر فيه يا بو صالح؟ أبو صالح - أفكر بهالدين العظيم اللي انتشر من أقصى الأرض الى أقصاها. ناظر هالمسلمين الصينيين. - و الله أنك صادز (صادق) يا أبو صالح. - بس ترى هذول ما يعرفون من الدين الا القشور. طبايعهم زي الأجانب، بس يصلون. المسلمين الصدز هم العرب اللي يفهمون القرآن و الأحاديث. - و الله أنك صادز يا أبو صالح. - و بعد ترى موب كل العرب مسلمين صحيحين. عندك هالشوام و المصاروه و المغاربه و الله حتى ما يصلون صلاة ربي. ان بغيت المسلمين الصدز تراهم أهل الجزيرة و الخليج. - و الله أنك صادز يا أبو صالح.. - و موب بعد كل الخليج.. ترى كل هالدول تسمح بالخمر و بالكنايس، الدين الصدز هو ديننا حنا يا أهل السعودية. - و الله أنك صادز يا أبو صالح. - بس عندك بعد أهل الشرقية فيهم شيعة و حريمهم ما يغطون وجيهم، و أهل الغربية حريمهم بعد ما يتغطون و يشيشون، و أهل الشمال حريمهم ما يتغطون عن رجالهم و يجلسون معهم و يضيفوهم. و أهل الجنوب مثل ما انت خابر عندهم بدع واجد. الدين الصدز هنيه عندنا في الوسطى و القصيم. - و الله أنك صادز يا أبو صالح.. - بس ترى عندك هنا في الوسطى الناس يتتنون (يدخنون) و يسمعون موسيقى و العياذ بالله. الدين الصدز هنيه ببريدة. - و الله أنك صادز يا أبو صالح.. - بس بعد في بريدة موب كل حارة زي الثانية، ترى أكثر أهل بريدة مركبين دشوش و يشوفون القنوات الماجنة. ما فيه مثل حارتنا مافيها و لا دش واحد. - و الله أنك صادز يا أبو صالح... - بس الله يهديهم جيراننا موب دايم تشوف عيالهم في المسجد، و لا تشوفهم دايم في صلاة الفجر. الصراحة يا بو راشد ما فيه في الحارة يصلون الفجر دايم في المسجد الا أنا و انت. - و الله أنك صادز يا أبو صالح.. -بس أشوفك يا بو راشد هالأيام ما تخشع زين في صلاة الفجر...! كل هذا دعابه لااحد يزعل والي بيزعل عنده اقرب جدار خخخخخخخخخخخـ |
هههههههههههههههههههههههههههههههههههه
حلوه رمز اقرب جدااار يسلمو على هيك دعااابه |
حركات الشياب
كل واحد فيهم هو الصح |
- و الله أنك صادز
ههههههههههههههههههههههههههههههههههههههههههههههه هههههههههههههههههههههههه يسلموو |
هههههههه كل واحد يزكي نفسه
تسلمين رمووووز ربي لايحرمنا من ابداعاتكـ |
هههههههههههههههـ ههههههههههههههههههـ والله تقطيع والله انتس صآدزه يارمز .. يعطيك العافيه غلآي ^^ |
اقتباس:
والاحلى مرورك الله يسلمك ياقمر منوره خيتووو |
اقتباس:
منوره ياعسل لاعدمنا هالطله |
اقتباس:
دوم الضحكه يارب الله يسلمك نورتي خيتوو |
اقتباس:
لاعدمنا هالطله يارب منوره خيتووو |
| الساعة الآن 04:38 AM. |