|
[ هرجة البن والهيل ] !
أخر قصيده نظمها القلم أتمنى ترتقي للمستوى المطلوب ..
بين الدلال وبين ذيك المعاميل=دنيت من بيض الورق ما صفالي هز الحنايا صوت رجف الفناجيل=لانه على نفسي عزيزن وغالي وذكرت دن حجيلها والخلاخيل=لامن تهزع مشيها بالرمالي يا قيس وإسمع هرجة البن والهيل=ومسامرة نار الحطب للدلالي راع الهوى له مع سناها تعاليل=لا صار ما قلبه من الوجد خالي وإسال ليال الجدي وش عقب سهيل ؟=غير الضمى وإسال عن الترف حالي فرقا العيون الناعسات المذابيل=من خمرتن في كاس خده ثمالي تسل حالي وأتبع الويل بالويل=وأنعى وصاله بالدموع الغوالي وجدي عليه إنكان بالوجد تحصيل=وجد العجوز إللي جفوها العيالي أو وجد حادي خيل قومه على الخيل=خلوه يومن جندلوه الرجالي لا يا نديمي لا تلوم المهابيل=كود إن منهم ذاق مرّ الليالي لا شحت إيدين الهوى بالمواصيل=يا قرب درب أهل الهوى للهبالي وإللي قبالك مرتكي داوي الحيل=باقي على عهد الليال الخوالي عشقن قديم مأملته المقابيل=غصونه ليان يلاعبن الشمالي لو طالت الفرقا على ساهر الليل=عيا على صوت الجفا بالسؤالي والسدره إللي ما جرف عرقها السيل=من عام للمتعوب فيها ظلالي لليوم يرقب في فجوجه تساهيل=تسمح ويطويها حنين الرحالي / سطام الشمري / |
نعم هنا شعر حقيقي
صح لسانك وعلا شانك أبدعت وأمتعت بهذه الجزله الرائعه سعدت كثيرآ بأحتلالي للمقعد الامامي أمام هذه الدره |
اقتباس:
صح الساانك ولا هنت وااافيه من راااس وااافي لا عدمناك .. تقبل تحيّتي وتواضع مروري . دمت بحفظ الله ‘‘ |
الله عليك قصيده رائعه تقبل مروري في انتظار جديدك |
يعطيك العافيه أخوي سطام
على القصيده الجميله وتقبل مني تحياتي وأشواقي |
سَطَآم .. يآ وَطَـــن القَصِيْد .. كَتَبْت .. فَـ/ آنسْتَ الحَرْف وأَوْقَدْتَ شُعْلَـــة الخَيَآل ْ وَأشْرَعْتَ نَوَآفِذْ السّطُوْر \ صَحّ لسَآنك |
قصيد جزله امتعتنا بها اخ سطام لااااااااهنت
تقبل مروري المتواضع لك تحيتي |
صح لسانك يعطيك العافيه عى البيات الجميله
|
| الساعة الآن 01:06 AM. |