أقوى بكى سجل على مر الأزمـان=تبكيلك احداً مادرى ويـش يبكيـك
وأقوى ظلم في وسط الأضلاع سكان=ان الذي يظلمك يسألـك وش فيـك
هذي ثلاث سنيـن والدمـع هتـان=والوقت صرفه للألم ياصـل بشيـك
ياروح روحي يابعد كل مـن كـان=ارحم وخفف جرح من ميتـاً فيـك
غنيتلك بسـم الغـلا كـل الالحـان=وصخرتلك مجمـل بيوتـاً تحاكيـك
وأعطيتك الشهد القراحي بلاثمـان=وتوجت عنقـك بالمحبـه تناجيـك
جيتلك تايه فالزمـن مالـي احـزان=ومعك بنيـت لعالمـي مايراضيـك
وشاركت معك بقصتاً كلها اشجـان=ودايم اعيـد ازيـد واروح واجيـك
اسنين مرت يالغـلا شأنهـا شـأن=حتى وصل يوماً برى حـال مغليـك
فيه الفراق وفيه تشخيص الاذهـان=وفيه البعاد اللي يقصـر خطاويـك
وفيه ابتديت اعيش واقـول لوكـان=وفيه ابتديت احلم واناجي واناديـك
قصة عشيقاً عايشاً ظلـم حرمـان=لين ان عرف بإن العوض مايساويك
باقي وبالله الأمل فيك مليـاااااااااان=وباقي على مبـدأ وقايـع هقاويـك
وباقي على حباً سرى وسط شريان=وباقي على ذاك العهد ليـن الاقيـك
قصة عشيقاً عايشاً ظلـم حرمـان=كتبتها ياروح روحي وانـا ابكيـك