ما دريتي ليه ما نامت عيوني ليه فارقت المخدة=ليه نومي ما وقف حتى على حد المحاجــــر
ما دريتي ليه أنا ضيقي وصلت لحد حـــــــــــده=ليه قلت إن الزمن غدار وإن الحب كافــــــر
ليه وقتي أنعكس من بعد لينه صار شــــده= ليه صرت أشوف كل الكون قدامي مخاطـــــــر
ليه صرت أكره طريق الحب وألعن جد جـــــده=ليه جيت اقول ليت اني معك كاذب مشاعر
ليه صرت أقول حبي للأسف ما أنتي بقـــــــده=وأدعي الله شملنا الليلة يهده قبل باكــــــــــر
ما سمعتي بالوفا شرطٍ من شروط المـــــــودة= أو سمعتي بالمحبة ما لها إلا قلب طـــــــــاهر
ليه أنا كنت أعشقك من كل قلبي قبل مــــــــدة=ليه صرت أقول لك ها لحين ما لي فيك خاطـر
الهوى غصبٍ علي ما هو بيدي صرت ضده=صعب جداً رغم ظلمك لي عليك أعيش صـــابر
قالها اللي ذاق منك هم حتى باح ســــــــــده = لا وربي لو تقولي نتفق ما قول حــــــــــــاضر
قلبي اللي لك فتح بابه وبيدك حط يـــــــــده=قلت ربي يجبره فيما فقد ماضي وحـــــــــاضر
وعمري اللي سلم لدمع الشقا والضيم خــده =للأسف ما يحسب إنك له مجرد حظ عاثـــر