|
قصه تموت ضحك..
جرت احداث هذه القصه في بلده صغيره في ولايه لويسيانا *rحتى ولو بدت احداث هذه القصه كقصص الفرد هتشهوك لكنها حقيقيه هذا رجل كان واقفا على جانب الطريق يريد ايقاف سياره للذهاب للبلده المجاوره في ليلة شديدة الظلام في وسط العاصفه الليل مر ببطء ولم تمر سيارة عابره كانت العاصفة شديده لم يكن يستطيع ان يرى وطء رجليه اخيرا .. (مرت سيارة تسير ببطء كانها شبح (مهب الشبح المرسدس شبح صدقي خرجت من خلف الظلام مرت ببطء متجهة اليه حتى توقفت عنده ركب الرجل داخل السيارة واغلق الباب !!بعدها تأكد انه لا يوجد سائق لهذه السياره السيارة بدأت تتحرك ببطء مرة اخرى بدأ الرعب يدب في قلب الرجل وبدأت السياره تسرع قليلا اقتربت السياره من منعطف خطير جدا الرجل بدا يدعو ربه من اجل البقاء على قيد الحياة لا محالة السياره سوف تخرج عن الطريق وسوف يواجه الموت ! فجأه قبل المنعطف بقليل دخلت يد من النافذه وامسكت الدركسون وقادت السياره عبر المنعطف بأمان اصبح الرجل فرحا مع وجود الخوف والرهبه في قلبه الرجل اصبح يرى اليد تدخل من النافذة مرات متكررة كلما وصلوا إلى احد المنعطفات اخيرا .. قرر الرجل الهروب من السياره فقفز من السياره وذهب الى اقرب بلده وكان مبتلا وفزعا ذهب الى احد البارات وبدأ يخبر قصته المخيفه والمرعبه للجميع بعدما تأكدوا من هيئته انه غير سكران او ناقص العقل وكان الجميع ينصت للقصه في اثناء ذلك وبعد حوالي نصف ساعه دخل رجلان الى نفس البار وعندما شاهدوا الشخص المرعوب قال احدهما للاخر: اقول بوبا موب هذا هو الدلخ اللي ركب بالسياره وحنا كنا ندفها؟ هههه ان شاء الله عجبتكم سلملم |
خخخخخخخخخخخخخخخخخخخخ
اجل كانوا يدفونها هههههههههههههههاااااي من جد جررررررة مالها داعي :D ثانكس كونان |
العفو اخوي ميشو
بس كيف فصه مخيفه "هههه" سلملم |
مشكور على القصه الظريفه
|
تحداااكم ما تضحكون..بس اقرووا القصه
ا تحداااكم ما تضحكون..بس اقرووا القصه بصوت عالي.. هذي قصة راعي ديك منسم خخخخخخخخ المهم اقولكم القصة : فيه ولد طفران (ماعنده ولا ريال) راح لابوه وقاله : عطني 15 ريال,,ودي اشتري كوره الاب : أقول إنقلع عني تراها واصله معي الولد : تكفا يبه,,بس 15 ريال والا اقولك خلها عشرة ريال الاب : ماعندي فلوس ... إذا تبي فلوس رح بع الديك حقك المريض اللي بالحوش .. الولد :بس هذا مريض ومحد بيشتريه الاب : ماعلي منك,,,دبر نفسك والله الولد استسلم للأمر الواقع واخذ الديك أول واحد قابله في وجهه اكيد أبوه....قاله الولد: تشتري الديك؟ الاب : اقول بتنقلع عني ولا أقوم اتوطا في بطنك؟ الولد :خلاص خلاص لاتنفخ طلع الولد من البيت ومعه الديك في محاوله يائسه إن الديك ينباع عرض الديك على أهل الحاره كلهم ولا واحد فيهم قبل إنه يشتري الديك قال الولد: ممممممممم, والله مالي إلا فلانه,,عقلها خفيف وأكيد بقدر ألعب عليها بسهوله فلانه هذي كانت وحده متزوجه بس للاسف كانت رايحه فيهاوتلعب بذيلها من ورا زوجها راح لها الولد عشان يبيع عليها الديك الولد :تشترين الديك تكفين؟ هلا والله بحبيبي .. تعال قرب مني عشان ابوسك بوسه خفيفه الولد :اقول مانيب فاضي لك .. خذي مني الديك وخليني اروح تروح مين ياعمري!! انا ماصدقت إني شفت رجال عندي في البيت ... الولد :ومنهو اللي قالك إن انا رجال؟ خذي مني الديك وخلينا أنقلع شوي الا الباب يدق خافت الحرمه وقالت للولد تعال إندعس هنا في الدولاب لايطلع زوجي ثم نروح فيها. حطت الولد في الدولاب وراحت فتحت الباب إلا وطلعلها صديقها اللي تخون زوجها معاه .. الحرمه:هلا والله بعمري وحياتي الرجال: يا هلا فيك عمري ما أمدا الرجال يكمل كلمته إلا والباب يطق الحرمه: ياويلي ويلاه,,هذا شكله زوجي,,,تعال وادخل في الدولاب دخل خوينا في الدولاب وفجاه في عز الظلام سمع صوت يكلمه داخل الدولاب ويقوله: تشتري الديك؟ الرجال: اصصصصصصصص,,,,رخ صوتك الله يرحم والديك لاتفضحنا الولد :أقول تشتري الديك؟ الرجال: ياخوي خلاص بشتري الديك بس قصر على حسك تكفا,,, الولد :طيب الرجال: بس بكم تبيعه؟ الولد :ب100 ريال الرجال: ايش!!!!!!!!!!!! هالديك المنتوف المريض ب 100ريال!!!!!!!!!!!! الولد :تبي تشتري ولا ارفع صوتي؟ الرجال: لا لا خلاص,,ابشتري وأمري لله جلسو 5 دقايق الولد :تبيع الديك؟ الرجال: توك بايعه على يابن الحلال!! الولد :تبيعه علي ولا ارفع صوتي؟ الرجال: لا لا خلاص,,اببيعه وأمري لله,,بكم تشتريه؟ الولد :بريال الرجال: أيش!! بريال!!!! انا مشتريه منك ب 100 ونت تشتريه مني بريال!!!!! الولد :تبيعه علي ولا ارفع صوتي؟ الرجال: لا لا خلاص,,اببيعه وأمري لله جلسو 5 دقيق الولد: تشتري الديك؟ الرجال: ياخوي توني مشتريه منك! الولد :تبي تشتري ولا ارفع صوتي؟ الرجال: لا لا خلاص,,ابشتري وأمري لله,,,بكم تبيعه؟ الولد :ب200 ريال الرجال: الله يمحط بك انشالله,,,,توني مشتريه منك ب 100 ريال! الولد :تبي تشتري ولا ارفع صوتي؟ الرجال: لا لا خلاص,,ابشتري وأمري لله جلسو 5 دقايق الولد :تبيع الديك؟ -الرجال: انا لله وإإنا إليه راجعون,,,,,بكم تبي تشتريه؟ الولد :بريال الرجال: وش تبيني أقول!! تبيني أبكي ولا أشقق هدومي,,,,يالله خذ الديك وببلاش بعد اخذ الولد الديك شوي ألا الحرمه فاتحه عليهم الدولاب وقالتلهم: يالله بسرعه انحاشو دام إن زوجي في الحمام,,بس واحد ورا الثاني وبشويش عشان لايحس فيكم زوجي طلع الرجال وانحاش ولحقه الولد بعده ب5 دقايق المهم,,,قام الولد يتمشى في الشارع وهو مستانس إن صار معاه فلوس .. بعدين راح للبيت يوم دخل البيت شاف ابوه قدامه .. راح قال لابوه: تشتري الديك؟ الأب ناظر فيه والشرار طالع من عيونه وقاله: مايكفيك الــ 300 ريال اللي لطشتها مني في الدولاب؟؟؟ |
ههههههههههههه
صراحه قصه رهيبه تسلم ياالمحترف طلع الواد ذكي مثلي هههه سلملم |
هههههههههه
الله يرجك ههههههههه*q
حلووووووووووووو مررررررره وتسلم.....(سلملم....هههههه) بااااااااااي*3 |
| الساعة الآن 07:12 AM. |