منتديات الـــود - من شباك الفصل طلعت!!!!

-والله هالموقف عمري محنساه موقف اول مررة أضحك من قلبي زي كذا
واللي هوا في أيام أسبوع المراجعة طبعا جيت أنا وصاحباتي على أساس نفلها ووحدة من البنات جابت كاب وجاكيت وطبعا وباقي البنات حقون فصلي والمدرسةبمناسبة أنو محدبقي على نهاية السنة الا أيام فقرروا يحتفلوا بالشبسات والكيكات والعصيرات المهم زي محنا متعودين لازم تكون أبلة بطلة الفيلم لهذي النوعية تنشبلهم في حلوقهم وأحنا جالسين في أمان الله في الفصل ندق ونرقص الا جانا انذار أنو أبلة هدى السميري معاها كيس كبيرررررررر من كبره مغطي على راسها مليان شبسات وعصيرات هذا امر من الادارة الملكية وبالتحديد من سموها المديرة كوثر لمن وصل الانذار صحبتي فزت بحلقي وين اخبي الكاب لاتمسكه هدى السميري قمت قلتلها خلينا نرميه من الشباك على أساس انو شباك فصلنا يطل على الساحة الخلفية للمدرسة وبعد نهاية الدوام ننزل ونجيبو ويدار مدخلك شر وفعلا رميناه واللي فقعلي قلبي بعد كذا أنهم مادخلوا يفتشوا فصلنا من عند الباب طلبوا وحدة من صاحباتي تديهم الشبس حقها <<<من هنا بدا مشوار الضحك>>>وقت الفسحة صحبتي تبغا تكشخ بالكاب<<مين رماه ياحلوين؟!<<أنا<<سو لازم أنزل اجيبو بس قبل ماأنزل اتصدمت ودعستني سيارة لانو الكاب مانزل للساحة الخلفية احنا عند شباك فصلنا زي البلكاشه صغيرة والكاب موجود هناك ياربي ايش اسوي صحبتي طلت فيني ببتسامة قلتلي خلاص فداك سوسو ماابغا الكاب فستين دهيه بس المشكلة انو حق اخوها قلتلها خليني اجيبوا قلتلي لا بعدين عشين احمسها للفكرة قلتلها خليني أنزل أجيبوا ونفلها ويسير ذكرى لنا خصوصا أنو هذي يمكن تكون اخر سنة لنا مع بعض قالت أوك^_^شباك الفصل صغير تقريبا حاولوا ثنتين من صاحباتي وكل مايحاولوا يايموتو من الضحك ويرجعوا يا يخافوا أنو أحد يشوفهم بعدين جاء دوري أنا طلعت فوق الطاولة ونزلت جبتوا وأنا راجعة لقيت نفسي أقصر من اني الحق فتحة الشباك ياربي ايش اسوي باب الفصل يدق ووحدة من صاحباتي ماسكتوا وانا كمان اللي منشبني اكثر انو أنا ميته من الضحك سرت اركض من بعدين ولمن اقرب من الشباك اجلس من قوة الضحك بعدين جتني وحدة من البنات اسمها نورة حقة فزعات تزعق الحقوا بنات سارة نشبت بي بعدين استجمعت قواي من الضحك وطلعت أتمنى أشوف ردودكم