** قصة نادمه **
 

قصة نــــــادمه

يا ظالمه جاني خبر دمعك على خدك نزل

وإنك تبيني بسالفه .. تحكين قصة نادمه

أدري به الحب الجديد خلاك.؟ دوّر لك بدل

عيشي سنينٍ قاسيه .. من قسوتك هي ناجمه

عنّي رحلتي يا ظلوم .. حتى الغلا عنّي رحل

ناديت باعلى الصوت لك..لاشك مانتي راحمه

هلّت عيوني دمعها ومن عقبكم جسمي نحل

لا يا حسافه حبنا مع حلمي اللي راسمه

راح الأمل كنّه سراب والورد من ريّّك ذبل

الله يا غصنٍ رطيب .. جفّ الوفا بالخاتمه

من قال لك انا انتظر مشتاق لك ابغى الوصل

من قال فيني ساكنه .. يا بنت والله حالم

أنا نسيتك من زمن ونسيت كل اللي حصل

خلاص قلبي ما يبيك واظنك انتي فاهمه

يا ظالمه لا تزعلين.. ترى الجزا جنس العمل

انتي ظلمتيني كثير وهذي نهاية ظالمه

مع التحيه

أخـــــــوكم
العــــــــــــــــــــاصي

اخي العزيز العــــــــــــــــــاصي

قصيده حلوه ونـــادمه ايضا
لكني لا حظت أن هذا البيت شبه مكسور:

من قال لك انا انتظر مشتاق لك ابغى الوصل ,,, من قال فيني ساكنه .. يا بنت والله حالم

واقترح ان يكون البديل:
من قال لك انا انتظر مشتاق لك ابغى الوصل ,,, يا بنت والله حالم .. من قال فيني ساكنه


][poet font="Simplified Arabic,5,darkred,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=" shadow(color=crimson,direction=315) glow(color=tomato,strength=7)"]
تحـيــــــــــــــاتي
حـــلم الأجــل
[/poet]

يا ظالمه لا تزعلين.. ترى الجزا جنس العمل
انتي ظلمتيني كثير وهذي نهاية ظالمه

أخوي / العاصي...

صح لسانك

نعم الجزاء جنس العمل

ألف شكراً لك على هذه المصافحه الرائعه...



وبالنسبه للأخ / حلم الأجل...

أخي الكريم أنا أختلف معك في رأيك حيال هذا البيت

من قال لك انا انتظر مشتاق لك ابغى الوصل
من قال فيني ساكنه .. يا بنت والله حالم

حينما قلت ان هذا البيت مكسور

أنا من وجهة نظري المتواضعه أعتقد بأن كل ماينقص هذا البيت
هو حرف الهاء في نهاية كلمة حالم
أي ان البيت سيكون بهذا الشكل

من قال لك انا انتظر مشتاق لك ابغى الوصل
من قال فيني ساكنه .. يا بنت والله حالمه

وهذا على ما أعتقد أنه ناتج عن خطأ املائي
من الأخ / العاصي...


أخي / حلم الأجل...
أشكر لك هذا التواصل مع أخوانك
وأشكر لك هذا التناصح وأبداء الرأي
حيال نتاج هذا المنتدى..


أخي العاصي
أخي حلم الأجل
تفضلوا بقبول وافر تقديري
وأحترامي...

أخوكم / معــ جروح ـانق