|
الهـــم ما يعرف قلوب(ن) رقيــقـه**الهــم حـرّاق(ن) وللفــرح ســرّاق00
بسم الله الرحمن الرحيم
السلام عليكم ورحمة الله وبركاته ضاق الصدر والحـزن والله مـا اطيقـه وحروفـي هلّـت دمعهـا فـوق الأوراق الوقت ضيّق زودن علـى الغـم ضيقـه والفـرح مـا لـه بالناس ميثـاق مـره طبـوع الحـظ تصبـح شفيـقـه تعطف وتعطي للرضـا أمـر الإطـلاق وإلا بـدال السعْـد دمــع(ن) تريـقـه في ليـل هـم(ن) مالـه اليـوم إشـراق كـنّ الحـزن لا صـاح أقبـل رفيـقـه ليـن اجتمـع ضيـقٍ وهـمٍ وارهــاق مـا كنـه إلا بحـر يهـلـك غريـقـه وما كنّي الا جثـة(ن) وسـط الأعمـاق! أو كـنـه الثعـبـان والـسـم ريـقـه ينفـث سمومـه بيـن زفـرات وشهـاق وإلا سيـوف عـداك لاحــت بريـقـه وإلا مثـل سـارق لـلأمـوال بــوّاق لا والله .. إلا مـوت محـدن يعيـقـه ! لا القوه ترده .. ولا طيـب الأخـلاق ! ومـا كنـي إلا حلـم بـعـد الحقيـقـة أخذنـي نـزّاع(ن) لـلأرواح زهّـاق ! الجسـم بـارد والعقـل بـه حريـقـه ! ثـم التقـى الضديـن بـارد وحـراق ! حالـي كمـا عاشـق وخانـه عشيـقـه ومن صدمة الموقف إلى الحين مافـاق ! وإلا مـفـارق خــلّ كـنّـه شقيـقـه وإلا غريـب الـدار لا حـنّ واشـتـاق العقـل محتـاس(ن) وضيّـع طريـقـه والعيـن تنـزف دمعهـا حيـل رقـراق يـا الله فرّجـهـا يــا رب الخليـقـه والطف بقلب(ن) من عنا الوقـت خفّـاق الهـــم ما يعرف قلوب(ن) رقيــقـه الهــم حـرّاق(ن) وللفــرح ســرّاق وسلامتكم قلمي امير ال سعود تاريخ اليوم 9\6\1430 |
صح الله لسآنكـ يالامير ـ قصيدهـ جزلهـ لاهنتـ كل الود والورد :) |
صـح بدنك يالغاليه
والله لا يهينك ع مرورك هذي هي السعد المباركه الي شفنا ردودكم في صفحتي وياهلا ومرحبا بكم تحياتي لكم امير ال سعود |
صــح الســاانك ولا هنــت امير ال سعـــــوود .. وحيّــــااك الله معنــا بالــوود ... وااافيــــــه من راااس وااافــي لا عدمناااك . تقبل تحيّتي وتواضع مروري . دمت بحفظ الله ‘‘ |
دام عزك ونبض قلبك يا الوافي
كفوك الطيب وشدوبك كل المعازيب والله لا يهينك على مرورك وصح الله بدنك يالغالي والله يعطيك الفين عافيه يالغالي راعي العليا انت كفوو في القصايد والله ودي ارزلك بقصيده بس مو الحين خلها بعدين توني جايك بس مو الحين وقت ثاني يالغالي تحياتي وحترامي للمروركم في صفحتي |
|
صح لسانك يالغلا
ابيات جميله وغايه بالروعه يسلمت على هذه الكتابه الجميله لك مني كل الود |
قصيده جميله وكلماتك سهلة المعاني والتعبير
الف الف صح لسانك ولاهنت لاتحرمنامن جديدك تقبل خالص أحترامي وتقديري |
| الساعة الآن 05:38 AM. |