|
بعد غياب 50 يوم معانق يعود بقصيده جديده
أخواني وأخواتي... بعد غياب طويل من طرح آخر قصيده لي في هذا المنتدى من تاريخ 15/11/2002م ... أعود أليكم بهذه القصيده المتواضعه متمنياً من المولى عز وجل أن تنال بعض أستحسانكم... أبتدي أبيات شعري بذكر مولاي القدير كاشفاً خافي الخفايا في الليالي المظلمات من هنا بيصير شعري موجهاً صوب العشير راجياً ربط المقاعد والتقيد بالسكات ياللي قلتي لي صغيّر شعري خلاني كبير دايم بشعري أعانق عالي روس النايفات يلا نبدأ من البدايه لين نوصل للأخير وأنظري لنفسك وشوفي منهو عانى من الحياة قد سمعتي بشاب مثلي عايش ووضعه خطير أضطرب نبضه وضغطه و صار قلبه للشتات قد سمعتي بشاب مثلي عانق جروحه كثير صارو جروحه عياله وأنكساراته بنات قد سمعتي بشاب يبصر لكن أحساسه ضرير لاعشق شخصاً تفانى طول ليله مايبات قد سمعتي ؟؟ وقد سمعتي ؟؟ أنكساراتي كثير لكن المولى رزقني بالتماسك والثبات آنا علمني زماني كيف تقرير المصير وتعلمت من المصايب أني ما أقبل بالفتات دام عيبي صغر سني.. ليه حبيتي الصغير؟ وتبادلتي المشاعر بين خذ وبين هات يابنت لك بأقول كلمه مصدر الكلمه ضمير عانى من جرح الحبايب والليالي المؤلمات "كان عيبي صغر سني .. تراني بأفعالي كبير آنا بأفعالي أعانق روس عالي النايفات" معـــ جروح ـانق |
الله الله الله الله الله الله الله الله الله والله العظيم ما اجاملك انته ابعت بهذي القصيدة ومو اي اباع الا اباع بتفنن صح لسااااانك وسلمت يمناك على الكلم اللي مقدر اوصفلك عن مدى اعجابي فيه واسفه اني ما اعطيتك حقك |
صدقت يوم قلت انك صغير بالعمر..لكنك كبير بالفعال..
كلامك اخوي معانق...وااايد حلو...وبنفس الوقت مؤثر.. وتسلم على مشاركتك الحلو.... ولك سلامي |
أختي / دبه تسوي رجيم ألف ألف ألف شكر لك على مرورك وعلى توقيعك صح بدنك... أنتي عطيتيني أكبر من حقي أختي مرورك بحد ذاته يكفيني فكيف اذا كان هذا المرور مقترن بالأعجاب... أختي تفضلي بقبول وافر تقديري وأحترامي.... أخوك / معــ جروح ـانق |
أختي / شجون... شاكر لك مرورك وتوقيعك وشاكر لك أشادتك الرائعه في شخصي ومشاركتي المتواضعه.. أختي تفضلي بقبول وافر تقديري وأحترامي.. أخوك / معـــ جروح ـانق |
هلا بك وصح لسانك الف ، الشعر إذا طبخ على نار هاديئة ، جاء وله طعم مميز ، فها أنت أتيت بشامخة ، لا يقولها إلا الكبار جدا :
قـــد سمـعـتـي بـشــاب مـثـلـي عـانــق جـروحــه iiكـثـيـر صـــــارو جــروحـــه عـيــالــه وأنـكـسـاراتــه iiبـــنـــات قــد سمعـتـي بـشـاب يبـصـر لـكــن أحـسـاسـه iiضـريــر لاعــشــق شـخـصــاً تـفـانــى طــــول لـيــلــه iiمـايــبــات قــد سمعـتـي ؟؟ وقـــد سمـعـتـي ؟؟ أنكـسـاراتـي iiكـثـيـر لــكـــن الــمــولــى رزقـــنـــي بـالـتـمـاســك iiوالــثــبــات لا أملك إلا أن أقف إحتراما وتقديرا لك و لهذه الشامخة . تقبل أطيب تحياتي. |
السلام عليكم .............
صح لسانك معانق جروح والله يعطيك العافيه ........... تحياتي |
أخوي / الطائر المهاجر لا أملك ما أقوله لك سوى اني مازلت انهل من تجاربكم لصقل تجربتي المتواضعه وأنني افتخر بمرور من هم بهامتك بقصيدتي المتواضعه هذه... أستاذي.. تفضل بقبول وافر تقديري وأحترامي... أخوك / معــ جروح ـانق |
الله يعافيك أختي العنود وصح بدنك.. شاكر لك مرورك.. أخوك / معـــ جروح ـانق |
معــ جروح ـانق
صح لسانك اخوي على هذي القصيده والبداع الرائع ونحن بنتظار قصائدك القادمه وتقبل تحياتي |
| الساعة الآن 07:57 PM. |