أعظم وجع بالحب لا صرت تشتاق
 

أعظم وجع بالحب لا صرت تشتاق

لـ للي تحب ولاانت قادر تشوفه

يكويك جمر(ن)داخل القلب حراق

زود" علــى ناره تــهدك طــيوفه

لامـر بعــيونك كــمـا نــوض بــراق

مـالـك مـجال إلا تـسايـر ظــروفه

يـاصاحـبي لـوبيني وبـيـنك آفـاق

نفسي معك في كل حاله شغوفه

ماكنت قبلك خلف الاحساس أنساق

وإن شفت درب الحب أسكت واطوفه

يالـين جـاني منعطف سـيل الاشواق

بأمـر الــغرام اللي سطت بي سيوفه

قــاومت لكـن خـافي الـحب مـا طــاق

صـابه صـمود(ن) زلـزل أجـزااء خـوفه

بغـيت أرده بـس حـسيت بـإخـفاق

في لحظة(ن) مـد لـ كفوفك كـفوفـه

جـالـك ولا كـنت أحسب الـحب دفـاق

لـين أغـرق الـخافق وسـال بـنزوفـه

أثــر الــمحبه نبضــها دوم ســراق

دمـي وهو دمـي بجسمي تـحوفـه

حـاولـت اداري حـب قـلبي بالأوراق

وأثـر الورق مـاهـي أمـينه حروفـه

سل المشاعر من متاهات الأعماق

وأصـبح يفـسر كـل وضـع بـوصوفــه

يكـتب تقـارير الغــلا وقت الإشـراق

وعند المسا يعطيك باقي كشوفه

يـاجامع(ن) حـنية الكـون بـأخـلاق

معـذور قـلبي لـو يـضمك بجـوفـه

مما راق لي ونقلته لكم

قمة في الروعه

شكرا على لحظات الامتاع

وننتظر المزيد من ذائقتك بالنقل