المشاركة الأصلية كتبت بواسطة شاعر الدرر (المشاركة 3350369) يا غازي وش ينفع قليبي اذا صاح=وابطا ومحدن منتبه من صراخه اشوف خلي بطلة الصبح لا لاح=وهموم تلعب بي ويش الحل ياخه؟ له في الحشا ياذيب جيه ومسراح=وفي كل عبرة من عيوني مناخه الحزن باب وهمي اليوم مفتاح =اقفل على جرح(ن) يزيد انتفاخه اذكر لساني يالخوي دوم بوَاح=واليوم ما ينطق بدنيا المصاخه هذي حياتي كلها جراح بجراح=وماينفع العاجز حلول اللباخه ياذيب شرواكم به الهم ينزاح=مضرب مثل في المرجلة والطناخه ويش السوايا دل مغليك يا صاح=ويش حيلته لا صار ذا الوقت صاخه! الشاعر المهندس/ثامر الحارثي (شاعر الدرر ) 24/5/1430

ما ينفعه ياكـوود خلاّق الارواح=اللي معه همـّك يبيـن انسلاخـه
حيثك فطين ودايـم الـدوم لمّـاح=من بيت عز ووارث(ن) للشياخـه
عليك باللي عنده الفكـر يرتـاح=اللي يداوي الجرح عقب انشلاخه
ما يغرقك موج البحر ‘ وأنت سبّـاح=وعزمك ‘ رفيع(ن) ما ايتهيّـا انمتاخـه
ان كانه ايودّك فلا تحسبـه راح=قلب (ن) على طاريك زاد انملاخـه
لا بد ما يقْبِل كمـا فجّـة إِصبـاح=اليا سمح ظرفه ‘ وناسـب مناخـه
وإن كان هو ياذيب ‘ لاهي وسوّاح=مالك ومال ‘ اللي براسـه صماخـه
وإلاّ الهوى ‘ لا طب بالروح ذبـّاح=راعيه يركض لو حصِيله ‘ مداخـه !

المشاركة الأصلية كتبت بواسطة شاعر الدرر (المشاركة 3352515) صح لسانك يالخوي كفو والله ياذيب كفو اخوي غازي وافي و وفي يابو ريان بيض الله وجهك على هذي الشامخة وماهي غريبه عليك الجزالة ياذيب وانا كنت اعرف انك راعي للعليا والطيب والنصح والمشورة وعلوم المرجلة تقبل تحياتي وتقديري واحترامي لا عدمتك

المشاركة الأصلية كتبت بواسطة أبو دلع (المشاركة 3362130) صح لسانك راعي العليا ولسان شاعر الدرر ابدااااااااااااع وربي تقبلواا تحياتي ومروري

المشاركة الأصلية كتبت بواسطة عطشااان (المشاركة 3363449) هلا با الشاعر السطوووووووووره صح لساااانك وعساااااك ع القوه

المشاركة الأصلية كتبت بواسطة سلامه الشمري (المشاركة 3363786) صح لسانك أخوي راعي العليا على الابداع الرائع والله يعطيك العافيه على الابيات المتميزه وليس غريب على شعر مثلك متميز وأرجو أن تقبل مني ود واحترمي