منتديات الـــود - مسابقة خطيرة والجوائز اخطر

بسم الله الرحمن الرحيم

السلام عليكم ورحمة الله وبركاته
كيف احلى اعضاء لاحلى منتدى

اليوم عندي مسااابقة خطيييييييييييرة
والجوائز اخطر..والمتسابقين جاهزين
********************************************
1-مجموعة من الشباب عندن هوايه غريبه وهيي الجلوس عالنت بالساعات للبحث عن ضحايا والايقاع بهن ..طبعا لحتا يمارسو معهن كل الكبائر التكنلوجيه..
2-مجموعة من الشباب عندن موهبة (المرابطه) بالمجمعات ..وعند ابواب مدارس البنات..للبحث عن فريسة ..وفي اسوأ الاحوال اختطاف..
3-مجموعة من الشباب..عندن طرق احترافيه بالترقيم..عن طريق البلوتوث..او عن طريق كتابة الايميلات وارقام الموبايل على السيارة..
4-مجموعة من الشباب عندن موهبة عاليه بالجري..لاختطاف اي موبايل من ايد بنت عم تحكي فيه.او شنطه..
5-مجموعة من الشباب بيعشقو لون عشق الجنون وهاللون مش لون علم بلادهن عالاكيد..هاللون هوي اللون الاسود ..لون عباية اي بنت..بشوفوها بالطريق وبلحقوها للاسف لباب البيت..
6-مجموعة من الشباب عندن هواية التهريج والاستعباط والاستهبال..بحبو (يضربو بوري)لاي بنت بشوفوها عالطريق..او بحّولو السيارة لاستديو او ديسكو ..
7-مجموعة من الشباب عندن احتراف بمطاردة اي سيارة فيها بنات وملاحقتها لآخر الدنيا..(سباق راليات)!!!
8-مجموعة من الشباب الفهمان بالتربية والاخلاق العاطله بعلّمو اخواتهن الصبيان الصغار عن احدث وسائل الترقيم والمعاكسة وقلة الادب..
9-مجموعة من الشباب عندن موهبة شيطانية باصطياد الاولاد الصغار والتحرش فيهن جنسيا وبدمرو نفسياتهن ..وبصيرو هالصغار يتحركشو بأي صغير..وتستمر سلسله التحرش الى الابد..
10-مجموعة من الختايرة(الشياب)..عندن موهبة احترافيه بمعاكسه البنات..برابطو بالكفي شوب بأي مول ..وكل واحد بإيدو دفتر شيكات..ويابنت تعي اركبي معي والشيك جاهز !!!
11-مجموعة من الشباب عندن هواية (التعري)..بلبسو كل شي مخصر كتيييير..او واسع كتييير لدرجة انو شوي ورح يوقع منن..هاد غير انو ببّينو ملابسهن الداخليه!!! (الظاهر عم بصوروّ اعلان)..
12-مجموعة من الشباب هوايتن (قذف) كل بنت بتركب ليموزين..او اي بنت بتروح عالسوق..او اي بنت طالعة لشي مشوار او اي بنت لابسه عباية عالكتف..
13-مجموعة من الشباب متفوقين بتصوير الفتيات والعبث بالصور وجعلها صور اباحيه ونشرها عالنت وعالموبايلات..
14-مجموعة من الشباب حاصل على درجة الدكتوراه بابتزاز البنات..وارتكاب ابشع جرائم الاغتصاب والزنا بهن..
15-مجموعة من الشباب المريض بالشك..عم بيساوو اختبارات لكل بنت بخطبوها..او اتجوزوها...هاد غير(الرقابه الصارمة للتأكد بس)..لانو هالشباب عملو كل شي حرمو ربنا..صارو خايفين من انتقام ربنا في شريكة العمر..
16-مجموعة من الشباب عم بقومو باستكشافات عن كل الافلام والصور(الجنسية)..لحتا يعيشو بجو غريزي..
او لحتا يلاقو وحدة يطبقو عليها اكتشافاتهن..
جوائز المسابقة:
1-امراض كتيرة
2-سواد بالوجه
3-فقر
4-انعدام البركه
5-فراغ روحي وضياع للوقت والاخلاق
6-تدمير اسر..
الجائزة الكبرى:مرض الايدز
الجائزة الذهبيه:فضيحة بالدنيا والاخره
الراعي الرسمي للجائزة: ابليس وابناءه
************************
قال تعالى:
(ولاتحسبّن الله غافلا عمّا يعمل الظالمون*انما يؤخرّهم ليوم تشخص فيه الابصار)..

اختكم المحبه:الاميرة ود:z19: