منتديات الـــود - ياناس ...بدي اتجوز

بسم الله الرحمن الرحيم

السلام عليكم ورحمة الله وبركاته..

كيف احلى اعضاء لاحلى منتدى...يارب تكونو بكل خير..:wed11000:

اليوم حابة احكي عن (البنوتات) فقط..:002:
بس الموضوع مسموح للكل يقرأوه..

وهالموضوع جدا مهم...وبتمنى الكل يتفاعلو معي ..
*************************************************
** كل بنت بتحلم انو تتجوز..وانو يكون عرسا(شي ماحصلش)...:wed a1:
** وكل بنت عم تحلم بفارس الاحلام بس مع سيارة اخر موديل ورصيد كبير بالبنك...:a046:
** وكل بنت عم ترسم وتحلم بهاد اليوم من وقت ماكانت صغيرة..:weds19000:
****(لهون الشي مجرد حلم حلو..)****

**** بس لما تنخطب وتكتب كتابه وتاخد المهر بيتحول الحلم لكابوس وحالة طوارئ ومش للكل للبعض..:eek:

1-فستان العرس لازم يكون اخر موديل..وبألوف الريالات..
(بعرف وحده فستان عرسا ب35 الف ريال)!!!!
للمصممة السعودية فوزية النافع.

2-الميك اب بشي 3 الاف ريال !!!
3-التياب يلي رح تبلش فيهن حياتا الجديدة بشي 5 او 6 الالاف ريال!!!
4-الذهب والمجوهرات...الاكسسوارات !!!
5-غير جلسات العناية بالبشرة والشعر ....الخ
6-حق العرس..صاله او فندق..بهاديك الحسبة..
7-حق الاكل...يلي عالاغلب رح ينكب بالزباله الله يعز القراء..
8-حق التصوير بشي 4 او 5 الاف..
9-غير حق الدي جي ...
*******************************************
المهر من حق كل بنت ..ومن حقا تساوي فيه شو مابدا
بشرط ..مايغضب ربنا...
بس...
مو من حقا تبذر بها الشكل الفضيع..
في ناس مش لاقيه كسرة خبز..
في ناس مامعا لحتا تعيش وتتعالج..
في ناس مامعا لحتا تتعلم..
وماحدا بلاقي قرش بهاليومين بسهولة..
اقتراح..(وانا رح ساويه بالمستقبل ان شاءالله)...
:f:
* مش ضروري تشتري فستان بهاديك القيمة لحتا تنبسطي وتحسي حالك عروس..فيكي تستأجري فستان بمبلغ معقول.
شو الفايدة تدفعي مبلغ خيالي على شي رح يضل بالخزانة طول العمر!! (رح تحكيلي هاي ليلة العمر..رح قلك ليلة العمر مابتعني ابدا التبذير)..

*مش ضروري تساوي عرسك بصاله او فندق لحتا العالم تحكي عن عرسك ..فيكي تساويه بالبيت ازا كان بوسع..
او بشي استراحة بمبلغ معقول وتعزمي قرايبينك..واعز صاحباتك بس...
* مش ضروري يكون الاكل من افخم مكان لحتا العالم تحكي وبالاخير بنكب بالزباله(الله يعزك)..
بتقدري تطلبي من محل معروف بشغلو الحلو بمبلغ معقول..
* مش ضروري تساوي شعرك ومكياجك بألوف الريالات..
وبتروح مع اول غسلة ميّ..
فيكي تعتني ببشرتك وشعرك لالك..مش لحدا..ولاتستني تنخطبي لحتا تبلشي عناية فيهن..
وبتقدري تساويهن عند اي كوافيرة بسعر معقول..
(وازا بتقدري ساويه انتي او وحدة من صاحباتك او قريبتك)..:011:
* مش ضروري تجيبي مصورة لحتا تصورك..بألوف الريالات..غير هيك..بتضل صورك عندا بتنشرهن فكل مكان..
فيكي تعتمدي على اختك او وحدة بتوثقي فيها من قريباتك..

*مش ضروري تبذري مهرك بشي ماإلو قيمة..
فيكي تستثمري مهرك لحتا ينفعك بعدين..فيكي تشتري ارض..او تبني عمارة وتأجري شقق..بدل ماتضيع بيوم وليله..

*فيكي توفري حق العرس بالصالة او الفندق وتسافري انتي وجوزك على شي دولة اوربيه مثلا وتنبسطو..لانو بالاخير هاد عرسكن انتو مش عرس حدا تاني..
ومش معقول تبلشو حياة جديدة بالديون..

**صدقيني..المظاهر بتزول ..مابضل غير الجوهر..
اهم شي تنبسطي بزواجك ..وحياتك الجديدة..

واتزكري دايما..مافي ضمان بالحياة..
ماتضمني تمرضي (بعيد الشر عنك)..او تحتاجي لمصاري ومابتلاقي..وماحدا سائل عن حدا هاليومين.. مابتضمني يطلع جوزك مش منيح او بخيل ..مشان هيك فكري بعقل وحكمة ..
ورح تكوني انتي الكسبانة بالاخير..:smile:
وتزكري ..عمر السعادة ماكنت تبذير واسراف..وعمر الحزن ماكان عقل وحكمة..

بالاخير هاد رأيي الشخصي..وماحدا مجبور بعمل فيه..
ياريت تعطوني رأيكن..

مع كل الحب والمودة...
اختكن:الاميرة ود:wed2000: