منتديات الـــود - ام عزوز وعيالها المصرقعين!!!!!!!!!!!!!!!! عاد جاملووني ودخلووو

هااه يلله اسمعووو قصه ام عزوز وعيالهااا المصرقعين

هذي الله يسلمكم مرتن من المماريت نادت امهم علي واحداً من عيالها

عزوز قم وانا امك جب بريلين خبز وصامولي ولاتأخر عاد لمصع اذانك

دحيم : يمه تبين الخبز مفرود ولا تميس

تميس لااااا الله يصلحك تبي القى ضريساتي متناصله الا مفرود ويلله بعد

عزوز : اقول دحيم اجل بتروح بدالي ونعم والله بدحوومي

دحيم : لا والله بس اسئل اميمتي وش نفسها فيه وخلصا وعرفنا انها تبيه مفرود وقم عاد انت لله يسلمك وجبه ولا تأخر عاد

عزوز: خل لقافتك تنفعك يابو الشباب وقم انت وجبهه انا برقد والله مانمت مواصل من امس

دحيم : وخرررر بس انت واذانك تقول جنحان خفاش تصدق والله ماجو على الفاضي تنام نهارك وتسهر ليلك

عزوز : اقول لايكثر انت وخشمك تقول طار عبده <== عاشووو وراء وراء

وتويق عليهم امهم وهم يتلقطوون ويتلجدون يالله لا تحدني لهم وجعلي ماطرهم هم وخبزهم

دحيم : خل خشمي في حاله عاد هذي خلقت ربي <= رحمته والله

عزوز : طيب اسف اسحبها بس لا تراددني مره ثانيه لحمي الطار الي في خشتك

<= يقلع ابو الاخلاق الي هون عنها

دحيم : شف يالفرجار ترا ان ماسكت لفقع وجهك عاد

عزوز : احسن من الي رجليه قواطي نيدو اصص بس

دحيم : على بالك محجر لي الحين ياضفدع كامل

عزوز : اقول رح شف وجهك الي رايح فيها كانه برشومي يالمراهق

دحيم : احسن من الي خشمه كانه عجرا جدي الي يوزيها تحت كرسي الددسن

هااه اطلع الفضايح بعد نسيت عيال الحاره وش يقلون عنك يافارت الطحين

وتطل امهم مرتاً ثانيه عليهم وتقطع حوارهم المفلفل الساخن يااااااااااالله تخلف على اماً جابتكم ياااثيران

دحيم : خلاص يمه علشانس انتي بس بروح اجيب الخبز تبين شي ثاني اجيبه <== بدري

خبز يانك مغبررر اقول انزلو للغدى وخبزاً وراكم ينعاف وانا امك

انزلو لطلع فضايحكم صدق كل واحد متجيود علي اخيه الثاني ياجودكم وانتم والسنتكم ول ماكنكم اخوان يالجربان

عزوز : وراس ياميمتي الله يهديس هدي اعصابس

اقول اها بس و انزلو قدامي انتم توحون ولا ما توحون

انشاء الله ابشري <== عيال مايجون الا بالعين الحمرا*3 *3

تحياتي
زود الغلا يغلي من اغلاااه