|
أبـو رفـارف سـود
قم ياحمد برسلك بالجمس مشوار = مشوار ماكل المواتر تمرّه ماياصله ياكود فارس ومغوار = وإلا الحمر هذا ولله درّه ابو رفارف سود في الخط جبار = يوصِّلك لوكان تبغي المجرّه هو راس مالي بالشدايد والاخطار = الله يكافيه الحسد والمضرّه اخذ الرسايل ياحمد يابن الاحرار = ثم ودها سيد البني في مقرّه وده علومي والهدايا والاسرار = وعطني علومه كان فيها مسرّه قله ترى سالم عليه الزمن دار = كشر بنيبانه وجاته بِغرّه الله يكافي اللي يشعشع بالاخبار = نقال زوروخاطره فيه حرّه مما جرا ياناس في العلم محتار = ناسٍ تجي بالخير واللي بشرّه وانا على مبدى طويلين الاشبار = جربتني مره ومره ومرّه انا اخبرك وافي ولكن واش صار= اعطاك وقتك يابن الاجواد فرّه ترى الخبر كاذب مؤكد بإصرار = هذي علومي ياحمد جيب سِرّه سالم بن محسن السالمي الفهمي |
اقتباس:
ســــاالم الفهمــي ... وااافيـــه من راااس وااافي لا عدمتك . تقبل توااضع مروري .. وخالص تحيّتي . دمت بحفــظ الله ‘‘‘ |
اقتباس:
قله ترى سالم عليه الزمـن دار كشـر بنيبانـه وجاتـه بِغـرّه الله يكافي اللي يشعشع بالاخبـار نقال زوروخاطـره فيـه حـرّه الله يبيض وجهك اخوي سالم صح لسانك قصيدة جزلة وتناول الموضوع بهذه الطريقة يدل على شاعرية فذة وانشاء الله الزمن معك ماهو ضدك واللي مثلك يكون عمى العدو وسعد الصديق تقبل تحياتي دمت بود |
صح لسانك
ياسالم الفهمي وقصيدة على معنى وافيه من شاعر وافي تقبل تحياااتي ومروووري |
صح لسانك اخوي سالم
يستاهل الجمس تحياتي |
سآآآلم الفهمي http://www.ksa70.net//uploads/images...b7180d6864.gif كلمآآت جميلة البوح رآآئعة ومعبرة بوصف مميز ....رآآئعة بروعة حضورك وجمال البوح بين سطورك صح لسآآنك وربي لا هآآآنك بشوق لجديدك الرآآآئع دمت بخير " |
اقتباس:
العـ راعي ـليا صح بدنك يالغالي ، والله لايهينك على المرور العذب وتعليقك الراقي ماعليك زود يالنشمي اشكرك على مرورك تحياتي |
اقتباس:
شاعر الدرر وجهك ابيض ياعزوتي وصح بدنك ياكحيلان إن شاء الله يكون معاي ماعليك زود يالذيب كم طاب لي مرورك وتعليقك الراقي تحياتي |
http://www.gallery.7oob.net/data/media/19/start01.gif
صح السانك ولا هنت على الرائعه اتمنى دوما التفوق في قصائدك سجل ذروة اعجابي في معانيها تقبل مروري ولك مني اجمل تحيه وتقدير |
| الساعة الآن 04:04 PM. |