|
موااقف طريفه جدا مع ازواج غير رومنسيين
في هذه المشاركه قلت نقلب الموجه شوي ونبعد شويتين عن المواضيع الجاده ونروح لموضوع فيه ضحكه على مواقف واقعيه واتحداكم ماتضحكون ( مصائب قوم عند قوم هنا مضاحك ) وليس فوائد : 1/ وحده من الحريم ملت من الروتين اليومي في حياتها وحبت أنها تسوي مفاجئه لزوجها بسهره رومنسيه ...المهم قامت واطلبت الكيكه من الدبلوماسي والعصيرات وخلت الاضاءه بالمجلس هاديه وولعت الشموع ونومت عيالها وتزينت عشان تهيئ الجو لهم ..... .المهم جاء الزوج من الاستراحه وريحته تفاوح دخاخين واستقبلته ودخلته للمجلس وقصت له من الكيكه وصبت له من العصير...المهم يوم بلع وخلص قالها الحين وراك مجلستنا بالظلام حشى كأننا بقبر. .تقول هي انها بلعتها وسكتت ماني مخربه السهره...قام وكمل ذا الماصل وقالها الحين وراك طالبه حجم كبير من الكيكه كان طلبتي حجم صغير وشوله الاسراف يالله روحي قومي البزارين ياكلون منها عشان ماتكب.. .عاد هي حامت كبدها منه وطفسته وزعلت عليه...... .تدرون المفروض انها تحط له خبز وفول ويخب عليه هذا مهب وجه تدليع(جعله الضربه ذا البخيل) 2/هذي وحده من البنات توها متزوجه وحابه تسوي حركه لزوجها . ..قامت وتزينت وتجهزت من مجاميعه وحطت الاضاءه هاديه وشغلت الدخان الصناعي وانتظرته لحد ماشرف...المهم يوم دخل ويشوف الدنيا شبه مظلمه والدخاخين حاجبه الرؤيه قام يركض للصاله وجلس يناديها وهي ساكته ماترد عليه تتغلى عليه(على بالها حركه ماتدري مسيكينه انها بتروح في خبر كان) عاد هو طار للمطبخ وجاب جيك ماء وكبه عليها يحسبها انه مغمى عليها من الدخان عشان كذا ماترد عليه(جاء بيكحلها عماها)....بالله وش تتخيلون موقفها؟؟؟... المفروض أنها صبت على راسه موية نار..... 3/ هذي وحده من البنات تزوجت وراحت للخارج مع زوجها بعثه للدراسه له ولها.. .المهم شافت ذا الحمران العطران ورمنسيتهم قالت خل اسوي مثلهم . .وخاصة انهم كلهم يدرسون وكل واحد فيهم وقت دراسته تختلف عن الثاني فما فيه وقت للجلسه الهاديه.. فقامت يوم من الايام قبل ماتروح للمعهد قالت خل افتح نفسه شوي لما يرجع تعبان ويبغى ينام شوي ونثرت على السرير ورود والعطورات الفواحه تفوح في الغرفه ومن ذا الحركات. ..قالت إذا رجع وشاف الحركات هذي اكيد بيستانس شوي...المهم يوم رجعت من المعهد شافت زوجها نايم في الصاله عاد هي استغربت وراه تارك السرير ما امبطح عليه...ويوم صحى وسألته قال الله يصلحك ناثره لي عشب على السرير وشلون انام عليه(الله يقلعه مايميز بين الورود والعشب(. ...بالله مو المفروض تنثر على السرير تين شوكي عشان يتأدب ...... 4/هذي وحده تعشق شئ اسمه رومنسيه و كانت دائما تعزم زوجها في مطعم راقي على حسابها يعني تغير من جو البيت وروتينه ..وكانوا دائما يسون ذا الحركه وهو وجهه مغسول بمرق كل ماطلعوا يطلب كل مالذ وطاب على حسابها ..عاد هي جتها ام العبيد وقالت انا اوريه عشان يتأدب ويعزمني بدال ما انا أعزمه...قامت وعزمته زي كل مره ويوم خلصوا ماكلين قالت له اكرمك الله ياابو فلان على العشى...عاد هو شرق بالعصير من الروعه , قال لها وشلون يعني؟؟؟قالت له الله يسلمك الفاتوره دفعتها من جيبك اخذت المبلغ من محفظتك قبل مانطلع.... .تقول بعدها طاح وجهه تأدب وصار يطلعها كل سنه مره(تعب نفسه صراحه)...... بس ها مانبي زعل من ا خوانا الشباب ( المتزوجين ) ترى ندري ان الأصابع باليد مختلفه رجاء لا تزعلون من ورد ههههه |
مرررررررررررررة حلووووووووووووووووووووووو موضوعك و ابصراحة جبتيها من البرود الزايد عند بعض الرجاجيل والمفروض يكون حدة نواشف من البيت بس المشكلة احنا الي نحب اندلعهم عشان انغير جو ولاكن اصابعك صح مومثل بعض
|
تصدقون توني ادري ان فيه بنات رومنسيات
|
اقتباس:
وهووو كذاااالك يسلمموو ورد الندى |
يسلموووووووووووو لا تحرمينا من مواضيعك
|
مشكوره
الله يعطيك العافيه |
هههههههههههههههههههههههههههه ههههههههههههههههههههههههه هههههههههههههههههههههه ههههههههههههههههههه هههههههههههههههه ههههههههههه هههههههه هههه حلوه مشكوره تقبلي مروري |
| الساعة الآن 05:35 AM. |