أشغلتني وأنا من العآآآم مشغول = وأتعبت فكري كيف برضي غرورك
قاسي علي وأقول ماهو بمعقول= أنا حبيبك لك هناك وسرورك
تمــر لحظاتي وأنا فيك مذهول = أغليك وأرسم لي أمل في حضورك
القلب والله وافي(ن) لك على طول =والعين تروي ما ظما من جذورك
يا غايب عني ولا منك مرسول = ما كنت أظن البعد منبع سرورك

كنت أحسب إنه بيننا حيل موصول=واثريه مقطوعٍ من أسباب جورك
على اسيرك صار ساعدك مفتول=باكر يدور الوقت ويجيك دورك
في غيبتك ضيعه وعنوان ؟!! مجهول=ياهل ترى في غيبتي وش شعورك؟!!
الفكر جوّاالٍ عن الغير مفصول=ما يلقط إلا خدمة ابراج سورك
للوصل باب وكل ما لد مقفول=وشلون ودّك لو تكرّم يزورك

كل المشاريع ضاعت ما لقت والي=لا .. ما لقت من يفكر يعتني فيها !
الوقت يمضي سريع اقفاي واقبالي=والناس ما كلّها تقدر تراضيها
والمشكله لو قِصر ياكثر ما طالي=وكثر الأماني ما بلت كبد ضاميها
مالي ومال الآوادم .. مالها ومالي=كلٍ على ما تبي نفسه يمشّيها

الدار والله ماهي لي بلحالي = والكلمة إذا استحي منها ببديها
لا ضاق صدري نويت أعيش رحالي = وأقطف من أشعاآآر ذاك البحر غاليها
أشعل فتيل الليالي وأنتظر غالي = وأراقب نجوم وصله وأرتمي فيها

إصبر دقيقة ودي أملا عيوني = من شوفتك يا ساكن أعماق روحي
راح وتركني رغم طبعه حنوني = أبكي على فرقاه وأسهر وأنوحي
لك .. أرسم البسمة على كل لوني = وأحدد أهداف الأمل في طموحي
لا واعذابي كاثرات طعوني = أذرف دموع الهم وأبكي جروحي
أقول له حبك سبايب جنوني = خلك معي بالله لا ..لا تروحي
الحب له رسم جميل الفنوني = بإحساس صدق تمتزج فيه روحي
أغليه يشهد كل حرف ولوني = سطرتها لأجله بحسي وبوحي

يالله يا مولاي طالبك عوني=دامه عليّ أصبح بوصله شحوحي
لا غاب عنّي كن فيني جنوني=طيفه معي في كل حزّه يلوحي
الله على ماراد وحده يموني =وشبه طعني عقب ماهو نصوحي
أخفي عن العذّال لا يسمعوني=وأجرع بصمت ... الكاس سمٍ ذبوحي
لو خسارة كان خابت ظنوني=وغلاه فيني ثابتٍ ما يزوحي
ما طعت أنا اللي عنه ياما نهوني=حتى تجلى كل شي بوضوحي
ما لي عليهم لوم مهما جفوني =ازعلتهم لأرضاه يومه مزوحي

من الأرشيــــــــف مجـــاريــااتــي مع الأخــت / مهــاجــرهـ .... "

--------------------------------------------------------------------------------

السلام عليكم ورحمة الله وبركاته

هذه بعض مجارياتي مع مشرفتنا القديره مهاجره ..

من موضوع درر يتيمه
====================================


راعي العليا + مهاجره

حتى ولو كانت هذه المجاراه من ذاكرة التاريخ فهاهي تسطر لنا اجمل انواع الابداع في حاضرنا

فهي لا تزال معنا ما دام ان اصحابها يضيئون لنا هذا المنتدى بأبداعتهم التي لا تنتهي من خلال اقلامهم التي تعكس الماضي والحاضر والمستقبل بصورها الجميلة

دمتم لنا بوووووووووووود

تقبلوا مروري