|
][ توبه دخولي في بيوت المزايين ][
الله يعين اللي على الهجر صبار = كن الدقايق في حسابه كما سنين هنيت منهو ما دخل للغضي دار = ولا عرف حب" به الهم والبين فجأة واخته هلت الدمع مدرار = واحترت في امري ومسحته بالأيدين حاولت اهدي روعت الطفل منهار = واخته تقول فلانه ارجوك تكفين تكفين انسي واكتمي كل الاسرار = انسي ماصار وتم يابنت هالحين وانا كما المذهول خايف ومحتار = قلت السلامه في خروجي وماشين قالت حبيبي بمسح دمعه انا اغار = لكن حسابي معك وتشوف بعدين قلت انا على الموقف وعدي على نار = وانتي بشعورك وينك انتي وانا وين ودعتها وياعل ماصار .. ماصار = توبه دخولي في بيوت المزايين |
اقتباس:
صح السامك على المعزوفه الرائعه وانا كما المذهول خايف ومحتار = قلت السلامه في خروجي وماشين قالت حبيبي بمسح دمعه انا اغار = لكن حسابي معك وتشوف بعدين http://www.qahtaan.com/works/up/get....93z51234329260 أسعدني ان كنت اول من لمس جمال قصيدتك رغمالمعاني المتساقط من حروفه أعذر امتداد حروفي فما وجدته بين سطورك اطلق حبر قلمي بلا قيد دمت سعيد سيدي بكل ماتملك من أحاسيس سجل ذروة اعجابي في قصيدتك ولك تحيتي |
موقف رسمته بحروفك وتصورته صح لسانك أخوي فهد الشمري تقبل تحياااتي ومروري |
ملكه الخواطر مرورك اضاء قصيدتي رونقا" من الجمال وضيائا" من النور صح بدنك اختي سعدت بمرورك الحلو لك مني الشكر والتقدير |
متابع صح بدنك وعز الله انك اسم على مسمى اخوي سعدت بمرورك شاكر ومقدر هالمرور |
اقتباس:
صح السااانك ولا هنت ... يااافهـــد ... وااافيه ومعبّــــره بنفس الوقــت . تقبل تواااضع مرور ي وخاالص تحيّتي .. دمت بحفظ الله ‘‘ |
الله عليك يا فهد والله مدرى ويش اقول لك بس الموقف صعب ونت رسمته بكل اتقا ن ونا استمتعت بهذه الدرا ما الشعريه الجميله |
ماشاء الله عليك يافهودي كأنك تسولف علينا واخذ راحتك بالسوالف!! لكنها قصيدة عظيمة!! ووصف يفوق الوصف!! وتسلسل جميل ومتناسق!! هناك رأينا روح فهد الشمري المرحه!! كنت اقراء وابتسم حينما قالت لك الحبيبة بمسح دمع اختها أنا أغار!! وتهديدها لك تقول حسابي معك بعدين:biggrin: في الأخير انت تقول انتي وين وانا وين!! انا احمد الله على السلامه وانتي همك الغيرة:biggrin: هذا التهديد كأن شاعرتنا ملكة الخواطر أحست فيه فأدرجت عيون بنت تماماً مثل موقف القصيدة والابيات سبحان الله فهودي أعذرني لأني لم اكن اول معانق لقصيدتك بسبب انشغالي بالرد على بنات الود!! لكن الشاعرة الجميلة ملكة الخواطر تكفي عني لأنها زادت القصيدة جمال وكمال بتلك الصورة أنت تكتب وملكة الخواطر تصور كتابتك الوكاد شهادتي فيك مجروحه يافهودي صح لسانك يالأمير ولا هي لك عادة هالمغامرات!!:biggrin: تحياتي واعجابي |
صح لسانك ولا هنت ابيات غايه بالروعه والجمال راقت لي كثيرا ودي واحترامي لشخصك الكريم |
ياهلا براعي العليا صح بدنك ودايم متعود منك المرور الرائع شاكر لك هالمرور الحلو |
| الساعة الآن 07:41 AM. |