|
(( شيخة القصيد ))
والله ما ألوم إللي بكا الأهل والبيت = لو ينخبل يا ناس والا يجنّي مع سكّة الأغراب يابوي هفّيت = أبعدت عن ديرتك وأبعدت عني في غربتي طال المدى وأستخفيت = وسود الليال بغربتي شيبني في غربتي عانيت يابوي عانيت = وهاذي جروحي با الشقا ينزفني في غربتي يابوي للحزن خاويت = خذيت منه ورد ماخذه مني في غربتي يابوي لا حيّ لا ميت = قلبي يجر الويل وأضحك بسنّي داريتها با الصبر يابوي داريت = صبرت لكن خالف الصبر ظني جيت الخليج وصحت با الصوت يا كويت = وكبت دموع عيونهم وأنعمني وأقفيت للدهنا وللبدو مريت = وحاروا جميع البدو با إللي فتني وجيت الحضر تملا النوادي وناديت = وردد صدى صوتي حمام يغني كم قريةِ يا منّي بدربها أشفيت = أوجس جبلها من عذابي يوني كم صرخةِ أسمع صداها ليا أقفيت = وكم دمعةِ فيها العزوم إذبحنّي يثور بركاني إذا قلت يا ( ليت ) = وكل الزلازل عند ( لو ) زلزلني أشوفكم يابوي لا أصبحت وأمسيت = وهاذي صوركم با القلم يرسمني وهاذي هي الجدران يابوي لا أبطيت = تشهد علي وحروفها يشهدني إيوالله أغلي حايل وحايل أغليت = وزهور حايل با الطرب يطربني يارب شتت شملنا اليوم تشتيت =وكل المحاكم في قفاي إحكمني لي قصةِ يحكي بها نايد البيت = وكل القرى با إللي جرى لي حكني أسلمت لك يا ربي أمري وصليت = أرحم عيونِ با البكا ساهرنّي سطام الشمري |
اقتباس:
صح لسااااانك ولا هنت ياسطاااام ... رااائعه رغم ما فيها من مرارة الآلم .. ولي عتب بسيط بس لو خلت من هذا الشطر : يارب شتت شملنا اليوم تشتيت ... تقبل تواااضع مروري دمت بحفظ الله |
صح لساانك اخوي سطام
كلمات تعبر عن حرارة الفراق والعتب الي كنت بقوله قالها اخوي راعي العليا الله يعطيك العافيه... |
سطام الشمري
يا أنيق كـ عادتك .. تصفع الذائقه بالكثير من ملامح الدهشه شاعر جميل وصدقني أنت أجمل من هذا النص وأفخم ود . . ضجيج |
تسلم يدينك اخوي سطام
والله لايحرمنا منك يالغالي تقبل مروري فديتك |
انا اوفق را عي العليا را يه
رغم رو عة القصيده وجزالتها وقوتها ولا كن ما يعيبها بكل صرا حه القصا يد هليا م ما تتعدى ثمانيه ابيا ت بالكثير ونت ما شاء الله شا عر متمكن لك مني الشكر على هذه الرا ئعه |
مَاشَاءَ اللَّهـ تَبَآْرَك اللهْـ مَاشَاءَ اللَّهـ تَبَآْرَك اللهْـ مَاشَاءَ اللَّهـ تَبَآْرَك اللهْـ الشّمّرِيْ مِدَآْد القَلَمْ مِنْ ظَمَأْ الشّعْرِ أَتَى إِلَيْك مَنْهَلاً أَغْمَسْتَ فِيْهـ بَرَآْعِمُ البَوْح وَمِنْ أَنِيْن النّآْيْ قَرَأتُك أَبْيَآْتُكَ مُ ـحْكَمَهـ .. وقَصِيْدَتك مُحْصَنَهْـ تُحَآْذِيْ أَقْطَار السَّمَاء صَحّ لسَآْنك أُوَآْفِق مَا قَآْلَه رَآْعِيْ العلْيَا |
الشآآآعر القدير / سطآآآم الشمري http://alarjanet.net/vb/uploaded/453_1227466721.gif كلمآآت قوية معبرة بحزن وألم الفرآآق جزلة و وآآآفية صح لسآآآنك وربي لا هـآآآنك ننتظر منك الجديد المميز كن بخير " |
| الساعة الآن 03:50 AM. |