|
شاعر تميمي يفتخر في لابته حد الهبال-)(-يفدى خشم عقّالها ويفدى خشم جهّالها
بسم الله ,, أقل مايقال : \ / \
لا يا ذلول الشعر وأطوي بي مهاميه الجزال=أخايل الجزله وفكري لا بغاها نالها قدام لا أسوق المعاني الشارده سوق الدلال=اللي يشادي خضاب بنت الهيلعي فنجـالها مزن الهواجس هلّ وابل حرفها والشعر سال=بشعاب بيضٍ تصطفق من جالها لا جالها الشعر خطوه لا بغيته صار للخطوه مجال=وأوسع الخطوة وأقول أبيات ما احدٍ قالها والهزله الهزله مخلي قافها لراع الهزال =اللي ليا منــْها دعته الهايفه غنّالها شاعر ومتمكن وجزل وما يجيب إلا الجَزال =ويشوش راسه لاسمع صوت (الحداوي) شالها شاعر واعصب عمامتي لا قالوا الفزعه تعال =الدم عندي ينطبخ والخيل من خيالها شاعر تميمي يفتخر في لابته حد الهبال=يفدى خشم عقّالها ويفدى خشم جهّالها وعند أختصار المسئله أبسئل العالم سؤال=عدنان وش هي حيلته لامن سطى عيّالها.؟ صاح التميمي ياتميم اليوم وقفات الرجال=جتك الصواريم الحرار اللي تفل حبالها هذا يقول ابشر بها وهذا يقول اليوم طال=والله فلا تحل القهاوي دون عزم رجالها حنا لهم متجهزينٍ قدمكم بين الجبـال=مثل الأسود اللي تحرى الصيده وتحتالها ! وقامت على روس العداء تلعب محاديب الصقال = بيدين من تفدى الوطن لا عاضبت بعيالها لين الهنادي أرتوت من دمهم وقت النزال=والدوله اللي طامعه راحت تجر اذيالها السيف يفعل مانبي والدم فالميدان سال= مصايب ٍ فوق الاعادي ينهمر همالها نصمل على خوض المعارك والحمل يبغى جمال = وما للحمول إن كبرت القالات غير جمالها والناصري حميـّـر أخو عبطا بدع كلمة ,وقـال = يا عزتي للي غزانا و عزوته عزّالها ويومن أبو سيف الفداوي جآه مفتاح بعجال = رح وانشد الظفره تقول إنه وفاء وأوفا لها عشنا رجال معززين مكرمين ولانزال=على الشرف صلنا ونلنا طيبها وجزالها يشهد لنـا التاريخ - لـنــّــا - بالشدايد كالجبـال = قوم على درب الشهـامه راجحٍ مكيالها حنا الفهود الضاريه وشيوخ وافين الخصال=وحنا الجبال الراسيه من هازها ماطالها من لاذ بحمانا وخاف من المضره والقتال=نضفي عليه من البلاوي قبل مايحدالها تاريخنا كالشمس لكن غير قابل للزوال=أكد له محمد ( نبي ) الخلق في دجـالها جنوب ولا غرب ولا شرق ولا من شمال=في كل صوب وكل حالٍ ماتغير حالها كل القبايل غيرنا فيهم صواريم الرجال=اللي تفاخر لا حظر وقت الفخر برجالها يأبو تميم الناصري يامن رقى روس الطوال=يابن الرجال الوافيه والطيب ساس خصالها عبدالمجيد اللي خويه ماشكى ضيم الليال=من شان حق صويحبه زم الحمول وشالها أثنيت يمك وجهتي وأشتد فكري للثقال=كيف القصيم وجوها والغاط كيف أحوالها كيف النواصر مزبن الخايف كريمين السبال = اللابه اللي طيب الله بالمكارم فالها اشفق على الطيب شفاقة ضامي الما للزلال=اللي حداة القيض في مضماة يزمي لالها جذبت دلوي ياصحيبي عقب فتلك يالحبال=أزمهن زم الجمال اللي تزم اثقالها / \ / \ وسلامت روسكم |
شـاعـر تميـمـي يفتـخـر فـــي لابـتــه حـــد الـهـبـال=يـفــدى خـشــم عقّـالـهـا ويـفــدى خــشــم جـهّـالـهـا وعـنـد أختـصـار المسـئـلـه أبـسـئـل الـعـالـم ســـؤال=عـدنـان وش هــي حيلـتـه لامــن سـطـى عيّالـهـا.؟ عَ ـدْنَآْن البّشيْـــــر والنّعم فِيْك واللَّهْـ فِيْ عَرِيْن البَوْح أَجِدُكَ تَتَربَّعُ عَلَى عَرْشِ الإفْتخَـــــــار أَجَدْتَ العَزْف عَلَى قِيْثَارَة الإِبْدَآْع أَبْيَآْت زَاْخِرَه بِكَ يــالبَشِيْــر صَحّ قَلبْك وَ صَحّ لسَآْنك ولاَّ أَقُوْل صَـــــــحّ كلّ كلّك ..! أَزْهَآْرِي |
اقتباس:
صح الله السااااااانك ملاييين والله والسبعــــــة انعاااااام فيك وبلاااابتك .. وبكل القبااايل .. وااافيه من راااس وااافي .. لا هنت تقبل تواااضع مروري دمتــِ بوود |
أنتظر ضمة غلاك
يامرحبا فيك وياهلا وصح بدنك ولاهنتِ أشكرك بعنفّ |
راعي العليا
حيـاك ربي والنعم فيك ولا هو قصوراً بالقبايل كم وكم فيها رجال--اللي تفاخر لا حظر وقت الفخر برجالها الله لا يهينك اشكرك على الطله بخير ياراعي العليا |
| الساعة الآن 08:53 AM. |