|
اشكي عذابي ..
اشكي عذابي للرموش المظاليل = ويضحك على شكواي ناعس هدبها ويقول لي شفت الجمال المحاميل = لامن رغت ترغي غصب من تعبها ياللي تجر الصوت خل المواويل = جنب مرابعها .. وجنب عربها وش عاد .. لو قربت منك المعاميل = دامك تبهرها وغيرك شربها لصار ما تردم عليك الغرابيل = ونار المحبه مستعر بك لهبها لا تفتن السالي بسحر الاقاويل = وجنب عيوني لا تطول عتبها واغنم حياتك في الذكر والتهاليل = تكسب حياتن كلنا نحلم ابها وان زان في وقت الربيع المحاويل = والبل طربها شخص يتبع طربها فـلا جيت روضن خظبته الهماليل = والطافحة فزيت تبغا تحلبها وذكرت فضل الله منشي المخاييل = وذكرت غلطاتك وقمت تحسبها وعفت الحليب وعفت حتى التعاليل = وفاضت عيونك غصب قبل تغصبها وعفت العيون ام الجفون المكاحيل = بشر عيونك خير في منقلبها قلت اشكرك يا رمش سودن مظاليل = لك فضة البوح وألنا.. ذهبها |
اقتباس:
الله يعطيك العافيه تصدق انك اخذت بي لفه وحولت بي في احلى كلا م ممكن ينقال ما ادرى انا والله اليومين هذي احس بحبا ط من ما يحدث في غزه ولا لى نفس في اي قصيده غزليه حتي اناى ما عاد كتبت ونت شا عر جميل وحساس ولك عقل ما تنقصه الحكمه وش احلى من دمعه ونت خالى في بر مثل اللى وصفته وفي جو فيه رحمه تحسها معى كل قطرة مطر تنزل من عند خالقها ابدعت وعيشتنا جو ايماني ولا ارو ع تقبل اعجابي وتقبل مرورى وشو قي لجديدك |
اقتباس:
الأمير النااايف يعلم الله انهـا كلها قمه ... بس عااااد هااذي جازت لي حيل .. صح الساااااانك ولا هنت .. تقبل تواااضع المرور دمت بووود |
الامير النايف...
يسعدك ربي ع القصيده ... ولاهنت عليها دائم عذب في قصائدك ... >>نايف مايموت بيد محتاله ان شاء الله >>(*_^) مودتي |
وش عاد .. لو قربت منك المعاميـل دامــك تبهـرهـا وغـيــرك شـربـهـا لصـار مــا تــردم علـيـك الغرابـيـل ونـار المحبـه مستـعـر بــك لهبـهـا صح لسانك ياالامير قصيدة جزلة مثل راعيها تقبل مروري |
الامير النايف أحسنت وفعلا أخذتنا في جو ايماني وفي جولة بريه رائعة من خلال كلماتك العذبة صورة فنية رائعة أودعتها في طيات قصيدتك, صح لسانك ولا هنت تقبل تحياتي |
الجمال ينبع من عمق المعنى دائماً وها انت ترينا الجمال بكل الوانه ومعانيه واوصافه الزاهية لا عدمناك 0وصح السانك ويعطيك الف عافيه شاعرنا القدير على ما جادت به قريحتك من خلال هذا الابيات الأكثر من رائعة 0 سجل إعجابي بها وننتظر مزيدك وربي يرحم شهدائنا وشهداء الامه الاسلاميه وتقبل تحيتي وجل تقديري 0 |
صح لسانك
كلمات تستحق التوقف عندها طويلآ تقبل مروري |
اقتباس:
محمد الجبيل نورت الصفحه بمرورك واشكرك على هذا الاطراء حبيب قلبي تقبل تحياتي الامير النايف |
| الساعة الآن 02:33 AM. |