منتديات الـــود - تعالوا ياشباب وبنات الود رايكم يهمني!!!

منتديات الـــود (http://vb.al-wed.com/index.php)

- المنتدى العام (http://vb.al-wed.com/forumdisplay.php?f=2)

- - تعالوا ياشباب وبنات الود رايكم يهمني!!! (http://vb.al-wed.com/showthread.php?t=211591)

تعالوا ياشباب وبنات الود رايكم يهمني!!!

http://up108.arabsh.com/s/eytwfjra27.gif

شخباركم حبايبي ان شاء الله كلكم بخير وعافية ..

عندي بصراحه موضوع ودي نتناقش فيه ونشوف مع بعض وش اسبابه ..

هالموضوع يااخواني واخواتي الغاليين حالنا بالزمن هذا وحالنا هذا اقصد فيه علاقتنا

مع بعضنا طريقة كلامنا طبعا كمجتمع عموما والشباب خصوصا انا بصراحه اذا جلست

مع نفسي وتأملت علاقتنا وبالذات طرق الحديث واساليبها يضيق صدري للشي اللي

وصلنا له اليوم وراح اوضح لكم الاشياء الاساسية اللي تضيق صدري وودي اغيرها لو

يحصل لي بس كيييف ؟؟ مااطول عليكم وراح اذكرها بالترتيب

أولا :
كثرة اللعن في الكلام يعني الحين تلقى الواحد يكلم صديقه والمشكلة انه صديقه وقبل مايقوله وينك ماجيت مثلا يسبقها بلعن ياله او والديه حتى الوالدين ماسلمو ووبعضهم حتى الاجداد ماسلموا ولا اقول الشباب بس للاسف حتى البنات صاروا اشد والله شي يضيق الصدر والاكبر من ذلك انه صار عادي بين الاصدقاء يعني من كثر ماتعز صديقك تدعي عليه بالطرد من رحمة الله وهو يجلس يضحك والله مدري كيف تجي وبعد ياليته عليه وبس تدعي على والديه ويضحك لك هذا يعني من كثر المعزه والا ايش لو بتسالون اي واحد وبتقولون انت تدعي على والديك بيقول لا اعوذ بالله لكن لمى تراقبون كلامه تلاقونه مليان من اللعن مايكلم فلان وعلان الا يسبقها بلعن له والا والديه وبترجع هاللعنه على صاحبها وعلى والديه وبيكون كذا دعى عليهم من غير مايدري هذا حقهم عليك تدعي عليهم البعض منا والديه توفوا الله يرحمهم والبعض الثاني موجودين الله يطول باعمارهم وكلنا ندور رضاهم ومانبي احد يتكلم فيهم واذا كانو متوفين ندعي لهم بالرحمه والمغفرة هذا حقهم علينا وهذا واجبنا هم ماحرصوا وجابونا وربونا الا يبونا ننفعهم في حياتهم وفي مماتهم الرسول صلى الله عليه وسلم ذكر في حديث له يقول الرسول عليه الصلاة والسلام: ((إذا مات ابن آدم انقطع عمله إلا من ثلاث:
صدقة جارية أو علما ينتفع به أو ولد صالح يدعو له ))
اتمنى كل واحد منا يتوقف شوي عند هالحديث ويفهم كل كلمه منه فهم صحيح ويراجع نفسه .

ثانيا :
كثرة السب والشتم في كلامنا في اي مجتمع شبابي سواء بنات او شباب وللاسف حتى الاطفال مايخلى من السب والشتم لكن بينا مانسميه بالمسمى هذا لا نقول مزح وهذا من كثر معزتنا لبعضنا نسب ونشتم وعلى قلوبنا مثل العسل بصراحه مدري كيف صرنا نفكر الحين الغالب لمى فلان او فلانه يتكلمون مع بعض سالفه بينهم من ظمن التعليقات يدخل السب واللعن بعد وعادي يمشي الكلام ماكأن شي صاير !!

ثالثا :
الكلام البذيء للاسف صار منتشر كثيرررر بين كل الفئات العمرية مدري
وش السبب وللاسف انه صار عادي تسمعه بكل مكان وماتخلى جلسه منه الا من رحم ربي ..

هالاشياء الاساسية اللي صدق تضيق الصدر يعني اول كنا نقول الواحد اذا عصب صار مايعرف وش يقول يللعن ويسب ويشتم لكن بالوقت هذا لا العكس الواحد من كثر ماهو مروق ومرتاح صار يللعن ويسب ويشتم اكثر من كثر الروقان صار يمزح لانه هالشي صار هو المزح وصار انكار هالشي غرريب يعني لو احد بيقول ليه هالشي او عيب قالوا ليه التعقيد خلونا نوسع صدورنا بعدين الكل راضي وش اللي يمنع واحيان توصل الى ان الشخص المعترض غير مرغوب فيه بالوسط هذا لانه بنظرهم ثقيل دم ومايعجبه المزح والله دنيا !!

ابسألكم بالله اذا صار كل هذا يصير بين الاصدقاء والناس العزيرة على قلوبنا اجل الناس الباقيه وش نسوي معهم ؟!

طولت عليكم و كثرت كلام بس من الشي اللي صرنا نشوفه
وتضيق صدرونا منه اللي ابي اعرفه الى وين بنوصل وهذا حالنا ؟!

ودي اشوف رايكم واستفيد منكم ونتعاون في محاولة تغيير انفسنا
قبل اي شي و مانقول مانقدر قبل مانحاول ..

تقبلوا تحياتي ..

أخوكم
بحـ الكتمان ـر

اوافقك الرأي واتمنى اجد الاسباب من بعض الاخوات والاخوه جزاهم الله الف خير

معاك وضدها بشده...لكن الحمد لله ماحب استعمل ألفاظ بذيئه أولعان بكلامي

لاني ببساطه ماأسمح لاأحد يتطاول ولو بالمزااح علي أو بلعن الوالدين..أوأهلي.

من وجهة نظري
أذاأنا بديت بنفسي...حليت نص المشكله..

ولك خالص شكري,,,,

يعطيك العافيه اخوي بحر
على هالموضوع الذي ان دل على شئ فهو يدل على سمو اخلاقك وروحك لأنتقائك مثل هالموضوع

وانا من وجهة نظري انا مااقول هالكلام ولا احب احد يقوله لي
بس في ناس اسمعهم يقولونه استغربت وسألتهم ليش قالو من باب الميانه قلت وبصراحه امحق ميانه
اذا الميانه كذا مابيها
وبعدين الي اشوفه انااكثر شي هم الشباب الي يقولون مثل هالكلام*ولا يزعلون*
واتمنى من الي يقول هالكلام يوضح ويبن لنا الاسباب وإن شاء الله يبعد عنها لإرتقاء مجتمعاتنا

دمت بود

أهــلاً فيك بـحر الكتــمان ..

محدثك مـمـن يعانون من بـعض ما ذكرت في موضوعـك ..
و لكن بـ حمد الله بدأت في مرحـلة غزالـة تلك الكلمات من قواميسي .. بـ فضل الله ثم بـ فضـل بـعض النـاس الذين يقومـون بـ تنبيهي لـ ذلك ..

أمـا الأسباب .. فــ بوجـهة نـظري .. السبب الأول .. و الـرئيسي ..

هـي البيـئة التي يعيش فيهـا الفـرد ..

فـإن جـالست من كان السـب و الـلـعن ( ديدن حديثهم ) .. فـ سينـصاع لسانك كـمـا ألستنهم ..

من الإسباب أيـضاً .. البـعد عن القـرآن و عن سنـة النبي صلى الله عليه و سلم ..

فــعندمـا تقـرأ القرآن .. تجد نفسك قـد تهذبت كلماتكـ .. و أصبحت مشابـهـه لألـفاظ القرآن ..
و كــذلك الحديث الـشريــف ..

أكـــتــفــي بـذلك .. لـ ترك المجــال لــ غيري ..

أشكرك [ .. بــحر الكــتــمان .. ] ..

علـى حسن أختيارك لـلــموضوع ..

يعطيك العافية

التربيه والتنشئه لها دور في ذلك
وايضا اختيار الصديق
الصالح
يحد من من الظاهر
المنشره بين الشباب

واعتبر الموضوع تذكير ونصيحه للجميع ولمن يقرأ الموضوع

بالاخير أقول

جزاك الله خيرا

اقتباس:

المشاركة الأصلية كتبت بواسطة سكره مكره (المشاركة 2861083)

من وجهة نظري
أذاأنا بديت بنفسي...حليت نص المشكله..

ولك خالص شكري,,,,

ما ذكرته الاخت سكره مكره . .

يكفي عن 1000 رد ..

لو كل واحد بدا بنفسه كان الامور افضل واجمل

دمت بصحه

شاكر لك طرحك المميز

الممدوح

http://up108.arabsh.com/s/ew0bzilg2o.gif

سكره مكره

$$$المهاا$$$

!ارجوك اعفيني!

سيلينا

الــيزيـــد

الممدوح

أخوكم

بحـ الكتمان ـر

يسلمك ربي ع روعه الكلام وله وزن ثقيل اذا هذا مجتمع العرب ومسلمين اجل كيف الناس الثانيه الله يهدينا بس ...

ومن جد كلامك في محله ولا عليه اي اختلاف ...
امايقول خير او يصمت..

مودتي