السلام عليكم ورحمة الله
كتير مننا بيستخدم الانترنت كل يوم وبيعمل شبكه مع جهاز تاني ......الخ الخ
وميعرفش الفرق بين الstatic ip وال dynamic ip
وفي ناس متعرفش يعني ايه ip اصلا .........
ip هي اختصار لكلمة internet protocol وهو بروتوكول يعرف اي حاجه بتنقلها راحه فين وجايه منين
في منه v4 و v6 واكثرنا بيستخدم v4
وال ip بيتكون من 32 بت بيعرفونا عدد المستخدمين وعدد المستضيفين
مثال بسيط علشان محدش يتوه مني ال ip دا بالظبط زي رقم التليفون لازم انا يبقي عندي رقم تليفون وانت عندك
رقم تليفون علشان نكلم بعض ، برضه كل جهاز بيبقي ليه ip علشان يقدر يكلم الجهاز التاني

وفي حاجه اسمها الstatic ip دا ثابت للشبكه بتاعتك مش بيتغير ممكن يقعد سنين
ممكن تعرفه من اللينك دا
وفي ال dynamic ip ودا اللي احنا بنستخدمه و بيتغير كل مره بتفتح الانترنت او بتعمل ريستارت للروتر
طيب ليه مش كل جهاز في العالم ليه ip ثابت ويريحو دماغهم ، طبعا دا مينفعش لأن في ملايين الاجهزه
وكل يوم في الاف من الاجهزه بتضاف والاف اخري بتترمي.
وطبعا موضوع ال dynamic ip دا كان مفيد جدا مع موقع الرابيد شير ل
لأنك لما كنت بتحمل حاجه وتيجي تحمل تاني ويقولك استني 50 دقيقه
ببساطه كنت بتعمل ريستارت للروتر بتاعك فتاخد ip جديد وتقدر تحمل كانك مستخدم جديد.

اتمني اني أكون افدكم بشيء.

...