|
أتصلت وحدة على أمي تخطب أختي لولدها
أتصلت وحدة على أمي تخطب أختي لولدها ( وعلى فكرة هالوقت تكثر فيه الخطابات يعني كل وحدة منكن تخلي أمها ترتز عند التيلفون وقت الضحى وتصير سنترال .... علشان تتحرى للخطيب ) المهم يوم اتصلت العجوز تخطب رحبت أمي وسألتهم عن عائلتهم وعن ولدهم وين يشتغل وكم عمرة ومن هالأسئلة واللزيمنه ( لزوم الثقل ) وبعد مشاورات بين أمي وأبوي وأنا .. ....... أقصد أنا خارج الحسبة رادينن بي ولا جابوا خبري أوافق وإلا ما أوافق ... قال الوالد ودنا يزورنا الشاب اللي خطب واللي بيناسبنا في البيت لحالة ونتعرف وننخله بالأسئلة ونشوف وشو من رجال ... وتدخلت أنا وقلت : منها أختي تشوفه شوفه شرعية وإذا ماجاز لها وطلع ماصل نرفضه .. ومادريت الا والزبيرية في وجهي أرسلها أبوي لخشتي تعبيرا عن امتعاضه الشديد للشوفة ويقول ماعاد إلا هي بعد ....!! يجينا واحد مانعرفه ونوريه بنتنا ... أثرك ثوير يافقاش .... المهم كلمني الشاب الخطيب بالتلفون بصفتي الكبير <== أول مره واحد يعطيني وجه ويشعرني بأهميتي .. كلم وجلس يقردني ويتمحلس ويقول أنت فيك الخير والبركة وحنا شباب فاهمين بعض وياليت يكون التفاهم بيننا ونرجع للوالد إذا أتفقنا على كل شي .. قلت له : طيب وإذا صرتا داشر تسلاب وتشرب تتن وشلون أنا أبعرفك أبوي أكثر خبرة ومور أكسبيريانس ذان مي .. تدري أن أبوي يعرف الداشر واللي يتتنون من بعيد ... وقال لي : أفا عليك بس يافقاش ماهقيتها منك .. عموما أنا أبسير عليكم يوم الخميس وأقابل الوالد .. أما أنت يافقاشووه والله ماعندك ماعند جدتي ... يوم الخميس وبعد صلاة العصر بدت أختي وأمي وأبوي يستعدون للخطيب وجالسين يتفقدون المقلط يدورون فتحة في الباب اللي يطل على المجلس علشان تطل معها أختي وأمي ويتعرفون على وجهه هو زين والا شيفة وإذا لقينا فتحة جلسوا يشوفون منها وأنا أجلس أمر من قدامهم كني الخطيب نسوي بروفة وأقول لهم هااه وجهي صافي والا أكبر الفتحة بالدريل ؟ وتجلس أختي تقول لا ماش صغيره هالفتحة وجهك مهوب صافي واذا رفعت أختي جدايلها صفى الوجه وصار كنه قزازة <= حشى صار أنتل تلفزيون .. المهم أنا معي الدريل وخرقت باب المقلط وفتحت فيه خمس فتحات وحده لأمي والثانية لأختي ( المنصة ) والثالثة والرابعة والخامسة للضيوف المشافيح ... المهم أنتهينا من رسم الخطة وجاء الوقت المحدد ودق جرس الباب ويوم فتحنا الباب لقيناهن بنات عمي زميلات أختي ( الله من الشفاحة بالرغم من أن أمي منبهة علينا مانعلم أحد ) .. ومع هالزيارة تغير لبسي عاد لبست شماغ وعقال وشخصت عارف أنهن بيطلون علينا وودي أترزز قدامهن .... وأخيـــرا .. وصل الخطيب لحالة ومامعه أحد ... وأول مامر من قدام الفتحة رفست الباب بقوة وجلست أكح وأعاطس علشان يبدون يستعدون ويطلون !! ويوم صار متزادي ( يعني قبال ) الفتحة هزعت ونفخت فيها أبي أوخر لايكون فيها غبار والا كسر خشب ومادريت الا أمي تصرخ شكلي نفخت في الفتحة وطيرت الغبار في عين أمي وهي تطل ..... وأسمع أختي تقول فقاشووه وخر خشمك ساد علي جبهة الرجال ... ويوم سمعتها وأفر جسمي 180 درجة وأمسك الخطيب مع علباة وأخليه يهزع بالقوة وأقوله أبشوف قوة تحملك <== حشى صارت مصارعة ... وأسمع بنت عمي تقول يوووه أفحزي عني خليني أشوف ماشفت شي بيروح الرجال ماشفته ... والثانية تقول خليه يطس عاد من زينه <= شكلها غايرة خخخخ ... المهم .... وبينما نحن نتبادل أطراف الحديث دقت أمي الباب ورحت أكلمها فقالت أن عمتي وصلت .. وقالت يالله يافقاش جب الدريل وأفتح فتحة في الباب كبيرة علشان تطل معها عمتك لأنها تلبس نظارات … وقمزت وبالدريل قمت أخرق هالباب والخطيب جالس مبلم مايدري وش السالفة صارت ورشة نجارة مهيب خطبة .. وأخيرا طلت عمتي وجلست تمقل ورحت أنا لموقعي في المجلس … وجلست عمتي تطل وأختي وأمي وبنات عمي ثلاث وصار المقلط كنه أستوديو أوربت للتحليل الرياضي صافات المحللات … قالت أمي : هاه عساه جاز لتس خطيبنا ياعمتنا ؟ وردت عمتي فقالت : والله تسنة أخوي فيه بوهة منه !! ردت أمي وقالت : هااو .. وين أنتي تناظرين فيه خليني أشوف !! وطلت أمي مع الفتحة اللي سويتها لعمتي ولقتها جالسة تشوف أبوي وتحسبة هو الخطيب ... وبعدها حطت أمي عود أسنان في الشق متجه للخطيب كنه علمان بندق علشان ماتخطي عمتي !! وتصوب عيونها على طول للخطيب !! وبعد ربع ساعة جيت عند أمي وعمتي ( أستوديو أروبت للتحليل الرياضي صار في مقلط بيتنا ) وقلت وش رايكم في الرجال ... قالت عمتي : والله وجهة تقل هجمة مرتدة ... وقالت أمي : والله الظاهر أن أرضية الملعب فيها بطانيج محفرة ومأثرة فيها حبوب الشباب ... وقالت أختي : في الحقيقة ياخوي كن عيونه لاعبين واحد رايح لعمان والثاني رايح للشام !! متخالفات ومتزاعلات ... وبنات عمي أجمعن على أن جبهته جبهة واحد كان له هدف في الحياة وطلع هدفة تسلل !! وبعد هالتحليل جانا أبوي وقلت لحظة جانا أتصال من الخارج من الوالد خل نسمع تحليلة وتعليقة ؟ .. قلت هاه يبه وش رايك بالرجال ؟ قال والله الشور شور البنت وأمك .. وقلت له : الدعوا إجماع على أن الخطيب ما أعجبهم !! رجعنا للمجلس وبدأ أبوي يصرف الرجال ويقول له : البنت بتكمل دراستها .. قال : أحتريها <= والله البثر !! ثم قاله أبوي : وشكل البنت مهيب مستعجلة على الزواج !! .. وقال : ولا أنا مستعجل أبنتظر <= أحووول ثم حمر وجه أبوي وقال : أقول البنت ماتعرف تطبخ ولا تسنع شي وأنت منتب صابر .. قال : أعلمها <= وش يبي ذا ؟ حك أبوي راسه وقال : البنت ماتبي الا واحد ماخذ الدكتوراه .. قال : فيما هي تخلص دراسة أكون أنا جايب الدكتوراه مهيب مشكلة ياعمي .. <= ودي أطب في بطنه .. قال أبوي وبلهجة حادة : البنت الله يحييك مقرعة مرة صلعة !! .. قال : وهذا المطلوب ألبسها الباروكة اللي على الكيف !! .. <= ماكنه طولها ؟ قال أبوي : البنت عندها مراجعات في المستشفى قلبها ضعيف .. قال : عمي أنا أتسفيك وأوديها لمواعيدها لين تطيب <= صار لزقة جنسن ... وصرخ أبوي بأعلى صوته وقال : ياخي ماتصلح لنا لازم أطقها في وجهك !! قال الخطيب : وأنتم ماتصلحون لي .. أصــلا .. أنا أبي البنت هي اللي تصلح لي بس !! <== وعقبها مدري وش اللي صار ؟؟؟ المهم .... أنتهت السالفة وعطونا رايكم بطريقة الخطبة في مجتمعنا ؟ ووش يتمنى كل واحد وكل وحدة ؟ :cool: :cool: :cool: :cool: |
خخخخخخخخخخخخخخخخخخخخخخخخخخخخخخخخخخخخخخخخ
بايخه بدون مجامله |
لا والله يا ضايعة إنك من جد ضايعة،،، اليوم شكله ما في مواضيع تعجبك وداخله تدورين بالقديم.
بس حلوة الرواية يا بدون،،، ياني عندي هروج عن الخطبة والمخطوبين،،، بس يا بعدي هذي يبغالها إنتداب وخارج دوام. |
ههههههههههههه حلووووووووووووووووووووه( أستوديو أروبت للتحليل الرياضي صار في مقلط بيتنا ) :D :D
عليك مواضيع تموت من الضحك ههههههههاااااااااااي .................... بصراحه لازم في الخطبه اشوووووووف الي خاطبني حلو ولا شييييييين دب ولا نحيف طويل ولا قصير مو اتزوجه على عماي :cool: ......... بدون ..لاتحرمنا من مواضيعك والى الأمام.. ........تحيااااااااتي......... :p ;) :p ;) |
هاهاهاهاهاهاهاهااااااااااااااااااااااااااااااااااا ااااااااااااااااااي
روووووووووووووووووعه ...... اكثر من اللزوم روووووووووووعه ........ ياخوي تقطع بطني من الضحك ......... ذكرتني بطاش ما طاش يوم جو يخطبون بنت السدحان ...... :D |
:p :D :p :D :p :D
روووووووووووووووووووووووووووووووعه ........... حقيقي يكذا الخطبه .. يا بلى ..... بس لو .. إنك حاط لك .. كاميرا فيديو ... كان أزين لك .. ولا الباب الي خليته ... منخل .. وبكذا .. تكون رضيت كل الفضوووووووووووليين ..!!!! |
ههههههههههههههههه
الله لا يحرمنا منك ومن مواضيعك الى من جد رهيبه مدرى من وين تطلعه المشهور مستانس:D يا بعد تسبدي يا بدون شوفو شلون يمشي الحلو المزيون ياشباب قولو معايا ودور دور يا بحر دور دور يا بحر |
هههههههههههههههههههههههههههههههههههههههههههههه
مشكوووووووووووووووووووور ياحلوين الضايعه / مشكووور وهذى من ذوقك باااااااااااااااااااااااااااااااااااااااااااي |
| الساعة الآن 12:16 AM. |