|
(!#!) يــــا شــــــاعـرة!! (!#!)
السلام عليكم ورحمة الله وبركاته الحقيقة كنت مسافر للرياض وماجيت الا اليوم!! وهذي القصيدة كتبتها بالرياض وهي من الجديد!! وإنشالله راح تنزل بمجلة فواصل!! بالعيد إنشالله وأتمنى أن تعجبكم؟ لأن فيها نصائح مثل هلك أمرء لم يعرف قدر نفسه و لا حياة لمن تنادي وغيرها تتكلم عن عتاب!! وإعجاب!! مخفي!! وحكم!! تقول: من فيه غيرك ياهوى الروح غالي؟= إنتي ولا غيرك من الناس نغليه. من قبل اعرفك كان مرتاح بالي= والحب ماجاور خفوقي ولا اطريه كنت بسعادة طفل داله وسالي= قلبي مرح كل الطفولة يسليه ماكنت اعرف الحب ماله مجالي= تخيلي؟ قلبي! وماكان هو فيه واليوم يامعشوق ياويل حالي= ياويلها من قلب زادت بلاويه أشوف عشاقك! بدفتر خيالي= كثر القصيد وكثر نظمه ومهديه أسمك ورسمك بالشعر دوم عالي= إنتي مثال الشعر ومن كان يبنيه يـاشاعرة! منك القوافي هوالي!= يرتج قلب أعتى البشر لو تناجيه صدق المشاعر مالها اليوم والي= أسمع ولكن! لا حيا لـمن تناديه وإن قلت أحبك! ياكثر ماتقالي= ياكثر عشاقك بهالزيف! تعطيه وإنتي شعورك مثل راعي طرالي!= يكتب ويمحي لين ينسى طواريه شعور شاعر قول! مابه فعالي!= مثل الذي يرسم على مي! يـغريه الحب يابنت الحسن والدلالي= ماهو بضاعة هرج! بالشعر نشريه صحيح أحبك كل مابك زهالي= ومجنون! من يجهل بقدره ويرميه قدرك وحبك فوق روس العوالي= مثل القمر كل القوافي تحييه أحب وصفك ذا جمال بكمالي= جمال كامل! حظ منهو يراعيه أدري بحظي يابعيد المنالي= حظي كما أعمى فقد من يقديه غرام وصفك شاق حرفي وخيالي= يبعث سلام الحب بإحساس مخفيه وآخر كلام أقول: من فيه غالي؟= ماغيرك إنتي ياهوى الروح نغليه!! بندر بن متعب الرسام الشمري |
صـــــــــــــــــــــــح لسانــــــــــــــك يالعـــــــــــــــــاطفــــــــــــــــــــــي يعطيك العافيه تقبل مروري تحيـــــــــــــاتـــــــــــــــــي |
سلمت الأسفار وشلون اخوك بعد <العملية> انشاءالله بخير مايشوف شر / ياسلاآم عليكـ يالعاطفي . . . مبدع مثل ماعودتنا عليك،، صح لسانك . . ولاهنت وابداع متواصل < قصيده جازتلي بالحيل ،، |
اقتباس:
الحــــــــــــــــمد لله عــ السلااااامه أخوي العاطفي وصـــــح لساانك و لا هنت تقبل مروري :847: |
اقتباس:
هلا بملاك!! صح بدنك يالغالية!! الله يعافيك!! سعدت بحظورك وسطورك تحياتي واحترامي واشواقي |
اقتباس:
ياهلا والله بفهودي الله يسلمك يالغالي الحمدلله ابشرك العملية نجحت وهو بخير وصحه الصراحه اول مافطرت يوم الاحد قالت امي اخوك سوى العملية اليوم ومدتها 8 ساعات وخرج من غرفة الإفاقة!! لكن حاطين فيه اكسجين فسافرت امي مع ولد عمي وانا خفت الحقيقة ومشيت على طول انا وتركي اخوي وماطفت مكينة سيارتي إلا عند المستشفى الساعة 3 بالليل ولما دخلت عليه وشفت عيونه!! دريت إن العملية سهله ولله الحمد فرتحت كثير لكن خوفونا بأكسجين وغيره ولما شفته الا مافيه اكسجين ولا غيره وياربي لك الحمد على السلامه والشر مايجيك يالغالي ___________ وصح بدنك ويسعدني انها جازتلك يالغالي!! فهودي سعدت بحظورك وسؤالك!! وسطورك تحياتي واحترامي واشواقي |
اقتباس:
هلا بمزاجية!! الله يسلمك يالغالية!! صح بدنك ومشكورة على التواصل سعدت بحظورك وسطورك تحياتي واحترامي واشواقي |
الحمدالله ع السلامه
ماتشوف شر باخوك تقر عينكم بخروجه قصيدة جدا جدا جميله ومانستغرب الابداع منك تقبل مروري |
اقتباس:
الله يسلمك يا احساس انثى!! مايجيك الشر يالغالية؟ قرت عينك بمن يعز عليك إنشالله الأجمل انها اعجبتك! تسلمين كلك ذوق! سعدت بحظورك ومرورك وسطورك تحياتي واشواقي |
العاطفي
سلمت يدك مدد بلا عدد جزله من شاعر جزل تحياتي |
| الساعة الآن 05:00 AM. |