منتديات الـــود - سعد ابن علوش

السلام عليكم ورحمة الله وبركاته

قصيده خطيره ومثيره ونادره

للشاعر المبدع/سعد علوش

خلوها..ياهل الشعر واخماس الاسـداس
قصيدتـي هـذي خطـيـره ..مثـيـره
لله..وللتاريـخ..ولـكـل هـالـنــاس
ولـهالحـيـاة الزايـلـه والـمـريـره
واللـي مهـوب لـذرة الفكـر عسـاس
ينضـم لـاصحـاب النفـوس الكسيـره
الله الاول مـن قبـل لـفـظ الانـفـاس
عـز وجـل مـن الظنـون الصغـيـره
مامثـل مثلـه مثـل..ولالـه اجـنـاس
يخـلـق مخـلـوقـه ولايستـشـيـره
اذل له وانصـاع لـه واحنـي الـراس
اللـي جعلـنـي ماعـبـد رب غـيـره
عساه يكسوني مـن السنـدس البـاس
في يـوم يعرابـه الاميـره ولـاميـره
شاعر وذنبي غيـر وسكوتـي اجـراس
ونفسـي علـى مالله عطاهـا فقـيـره
من كثر ما اعطي حب واخلاص واحساس
انـا ماعـاد اعـرف وشلـون اصيـره
في عقلـي الباطـن عقيـده ونومـاس
وفـي واقعـي خـوف وتردد..وحيـره
هل ياترى ببني علـى حلمـي اسـاس؟
ام ياتـرى ببقـى عـلـى هالوتـيـره؟
والافلاس ماهو افلاس من حلم الافلاس!
اذاك ماتمـلـك لنـفـسـك بـصـيـره
ماخلـق شـي الا بقـدرن ومقـيـاس
ماشـي يغـلـب شــي اويستعـيـره
اللي خلق خوف وخلـق ضيقـه ويـاس
خلـق امـن وافـراح وحـب وبريـره
لـذلـك الله لايولـيـنـي انـجــاس
ويكسونـي بفضلـه ومـنـه وخـيـره
الرب اذا تحتـاج لـه صـرت نبـراس
والانسان اذا تحتاج لـه صـرت اسيـره
والناس ناتـج نـاس استلطفـو نـاس
ابنـاء رغبـة واستهـامـه وغـيـره
لولا التلاطف واللـي مابيـن الاقـواس
ماشفـت هالعالـم شفـوحـه غفـيـره
نـدور ويـدور بنـا كــل هـوجـاس
ومـن اجـل ذلـك روسنـا مستـديـره
الكـل تايـه فـي مصيـره ومحـتـاس
وماهـوب هـو اللـي يحـدد مصيـره
فـياليـت ماتنسـى الذواليـق غـراس
وماينسـى مجـرى الميـاه وخـريـره
اعلّم اللـي عـاث مـن بعـد ماجـاس
تـرى الجهـل راس الامـور الشريـره
الانسان لو يملك مـن الجـن حـراس؟
احـقـر ذبـابـه قــادره تستثـيـره
وين الملوك اللي على اقبـاب الافـراس
راحـو وخلـو المغـريـات الكبـيـره
هالارض ياللي برجـل النـاس تنـداس
بواقـي ابـن دواد وابــن المغـيـره
الله يلعـن كــل مـشـرك وخـنـاس
والله يلـعـن هالحـيـاه القـصـيـره
صغـيّـر الادراك وصغـيّـر الـبـاس
يشـوف كـل النـاس مثلـه صغـيـره
ياقلـب بـرّد كـل مـاهـب نسـنـاس
مـادام هاليمـنـى نـديّـه وجـديـره
يفـداك مـن رزقـه قتـات وتـمـراس
لــولا رئتيـنـه ماطـلّـع زفـيــره
شفـاه مـن طـرد المـلـذات يـبـاس
وهـو علـى عـد الــرواة وغـديـره
حديثـه فمـا قـال حمـزه فـعـبـاس
ماحـدّت لمسلـم عـن ابـو هـريـره
العمر فرحـه وحـده وعشـرة اتعـاس
ومـن لايجيـره خالقـه مـن يجيـره؟
ومن عاش شاف وكـل غبـه بغطـاس
والصـدق خيـره مذخرتـه الذخـيـره
كل ما اكتشفت مـن الاصاحيـب بـلاس
اقـول يالله جعـل فـالامــر خـيـره
خيره تعرف ان بـه اصحابـك اخسـاس
خيـره ولـكـن ياعسـاهـا الاخـيـره
اقسى جـروح النـاس تغلبـه بنعـاس
مايـذبـح الانـســان الا ضـمـيـره
بعض البشر مثل ابتسامـات الاعـراس
علـى كثـر ماهـي مثيره...ضـريـره
وحيـد ولاعنـدك مـن النـاس جـلاس
اخيـر مـن شـر الـكـلام وسعـيـره
والكل مايخلـو مـن اخبـاث وادنـاس
في كـل نفـس هنـاك حاجـه مريـره
فـمن قبل لاسوي مشاكـل مـع النـاس
عنـدي مـع نفسـي مشاكـل كثـيـره

[/color][/font][/size][/left]
[وسلامتكم

اتمنى انه حازت على اعجابكم

لكم الود[/font][/size]