قصيدي يعاندني وانا للعناد اشتاق=ابعثر حروفي كيف انا اشتاق لعنادي
وابعثر حروف الشوق في مجمل الاوراق=وابذكر زمانٍ واعسى الوقت ينعادي
زمانً عشقت الوقت والناس والاسواق=عشقت النفل والعطر والعشب والوادي
عشقت الغيوم اللي يجي بعده الاشراق =وعشقت الليالي رغم ماكان به عادي
عشقت النسيم اللي يعلل صدى الاعماق=وعشقت الندى والبرد والورد والكادي
عشقت المطر والسيل والليل والبراق=عشقت الطبيعه يوم فينا الهوى بادي
اعلل جروحي لا بدى ينبض الخفاق =وابذكر غرامً صار للوقت منقادي
ضمينا الغرام اللي شهد لذة الارماق=محول الدهر جتني على غير ميعادي
حبيبي تذكر‍‍‍‍‍!! قبل ماينكتب لفراق =زمانً مضى ياليت بالوصل ينعادي
تخيل حبيبي كيف قادتني الاشواق =وانا اقسمت بعدك لاهجر الشعر والزادي
قصيدً يجي في غير وصفك!! ترى ماشاق=تموت البيوت إن كان مافيك تنشادي
وترى البيت لا منه فقد روعته بك ضاق=وترى شاعرً مايوصف الحسن بك غادي
وترى بسمتي لا شفتكم نبعها الاعماق=وأنا أقسمت ماتطلع من القلب في ابعادي
أنا حرمت عيني عيـــــونً لـها تـــــــنساق=عيـــون البشر لا شفتها؟؟؟ كني امعادي