|
ابوسعود اليوم متهيض ( شفي على حر ٍ على كف قناص )
شفي على حر ٍ على كف قناص=نسرح به الغبشه لصيد الحباري ياسعود جهز جيبنا جهز الشاص=جهز معاميلي وزوّد بهاري ماهمي المقفي وفالدرب من حاص=بسرح ويحفظ خالق الكون داري وانته ترى يابوك لي فرد ورصاص=مثلك يـِـعـَـرّفْ الحال بالعلم داري بعض الحمام يطير فالجو رقاص=هز الضمير إن كان فالجو طاري وش حيلتي فاللي لبس عقد واخراص=ياكيف ابنسى من على البال طاري ماني بصياد البـَـحـَـر فيه غواص=عشقي ترى يابوك صيد الكناري مقبل ترى فالحل ارباع وانصاص=معشق ترى يابوك غير القماري حر ٍ ترى لاطرت ماعيش فقفاص=عشقي حياة الباديه والبراري اسري ورى الغزلان فالدرب قصاص=واسكن بجنب السبع والذيب جاري هذي هواية علم والعلم لي خاص=علم ٍ عليه إسنين من وقت ضاري هات الصميل ولفلي عدت اقراص=منك الوداعه دام ذا الليل ساري |
عز الله صح لسا نك قصيده في قمة الرو عه
وزن وقا فيه وفكره يعطيك العا فيه وسجل اعجابي |
اقتباس:
اخي الحبيب محمد إذا جابك إعجابك فهذا التأج قد اكسيتني إياه بمقدمك المبارك صح بدنك اخي الحبيب كل الشكر والتقدير لتواصلك معي لك تحياتي وتقديري |
نايف لاجديد منك سوى التميز شربت من عذبك هنا وسجل إعجابي بسمو حرفك |
صح لسا نك قصيده رائعه... والف الف الف شكر
|
صح لساااانك نايف الشريف .. ولا هنت |
اقتباس:
اخي الجليد رائع بتواصلك المستمر اشكرك على تواجدك هنا لك كل الحب والتقدير |
اقتباس:
صح بدنك لك تقديري واحترامي |
اقتباس:
صح بدنك ايها الرائع المتألق كل الشكر والتقدير |
تسلم يمينك ابيات غايه في الجمال ماني بصياد البحر فيه غواص ** عشقى ترى يابوك صيد الكناري صح لسانك |
| الساعة الآن 11:50 PM. |