|
أبي أعرس!!!!
هذا كلام واحد محطم وبأس ويأس صراحتن كسر خاطرى
جبتلكم اياه من ايميلى الوردى فديته <<<تحبه ايميلها حب موطبيعى خخخخخخخ الموهيييييييم نخش ع الموزوع دوغرى <<ارحمينى يااليسا خخخخخخخخ أبي أعرس . . طبعا كما يطري على بال كل واحد انه يتزوج ولا يرتبط بأحد برضه يطري لي هالشي يمثل حلم بالنسبة لآي شاب وشابه وبعض الشيبان بعد :d لكن للأسف الواحد إذا نظر في وضعنا الاقتصادي الحالي ييأس ويغسل يده بفلاش . . نجي مثلا للذهب اللي الحين طق سعره في السماء لو تبي تشتري شبكه ولا صباحه مدري وشي ذا الخرابيط يبي لك حدود الـ 30 الف وبرضه المهر أول البنت يكفيها 30 تكمل احتياجاتها الحين تعطيهم 50 لا والمنه عليك يقال لهم مسوين لك دسكاونت هذا غير الهدايا والمطاعم والتميلح وقت الملكه وفواتير الاتصالات اللي تقص الظهر وهذا كله كوم وإذا جيت للزواج كوم ثاني . . نبد بايجار قصر الأفراح أول بـ 10 تاخذ لك شي متوسط الحين يالله 50 وتاخذ لك شي سياحي وما يواجه بعد . . وان جيب لعشا الرجال كل الناس هالايام قلبوا بوفيهات لأنها ارخص بعد ماكان يضرب المثل في البوفيه بالكشخه وان ما يحطه الا ناس واو صاروا الحين يحطونه عشانه أوفر يعني الذبيحة اللي بـ 1200 ما تواجه يبي لك من 1500 وأنت ماشي طبخ الذبيحة اول بـ 100 الحين بـ 200 إذا السعر زين يبي لك ات ليست عشر ذبايح يعني 17 الف هذي عشى الرجال غير الحريم إذا جيتهم يبون شي يواجه ومافيهم سماحة الرجال يحبون التكلف نقول يبون 20 الف مع إني ما أتوقع يرضون بالعشرين وإذا لفيت شوي قالوا لك الطقاقه ( او زي ما تحب تدلع عمرها الفنانة :d ) طبعا الله يعينك أول فيصل العليان يجي بـ 12 الحين يالله من الـ 50 وفيها هذا وصوته مخيس فما بالك بالطقاقه ؟! لا وهذا غير تدلعها تبون بـ عود .. بـ أورق ؟! وكل شي بثمنه لا ويتشرطون أنهم يبون بوفيه لهم بلحالهم ولا يرضون بباقي العشا مثل أول والحسابه بتحسب نطلع من سالفة العرس وطبعا ما راح أناقش شهر العسل لان إذا أكل الرز والولادة في المستشفى نوع من الفسقه كيف بيكون شهر العسل ؟! . . نجي لسالفة التجهيز منيب قايل بيت وبنا وبرابيس لأنه ما يخفى عليكم ان طن الحديد الحين وصل 7 الاف وهو أول يوم وصل 1200 قالوا غالي الله يرحم أيام كان بـ 920 ويوم وصل 1000 واحدن اعرفه وقف عمار وقال غالي اجل وش نقول حنا الحين ؟! الله يرخص الحديد تجي تاخذ قرض من صندوق التنمية العقاري تقعد طول عمرك ماسك سرا الين ما تجي تتوفا ثم يقررون يعطونك القرض عشان أنت تقوم وبكل ذوق تعطي القرض ولدك عشان يبني به بيت لولده طيب كم .. 300 الف ؟! وش تسوي ذي ؟! ولا تجيب حق حديد البيت تدخل على المسئول يطل في وجهك وبابتسامه ساخرة وبكل تبلد الإحساس اللي في الدنيا انا عارف انه ما يكفي لكن وش تبيني أسوي ؟! كل واحد يحاول يدبر عمره <-- يسرق مثلا ؟! :d . . نرجع للشقق بعد ماكانت الشقة بـ 10000 وفي موقع ممتاز وتشطيب حلو صارت الحين بـ 20 الف لا وخارج منطقه الرياض بعد :d وياقلب لا تحزن . . تجي تأثث طقم الكنبات اللي كان بـ 5000 ووش زينه وحليو الحين بـ 10 الاف ويسمى تمشيه حال وتعبيرة وغرفة النوم والفرش و .. و .. و طيب غيرت رايي قررت اسكن عند أهلي واخلص من صداع السكن محد يوافق ان بنته تسكن عند أهل زوجها بعد ماكان من الطبيعي ان البنت تكون ببيت زوجها وعند أهله الين ما تتيسر أموره ويقدر يبني ويطلعون سوا ببيت لحالهم وسجل على الدفتر . . جينا للاعاشه والاستهلاكيات تبي حليب ؟! تبي رز ؟! تبي خضار ؟! <-- ذاك أول لا تصير مدلل مثل أبقار الدينمارك وتاكل رز لازم تغير عاداتك الغذائية جرب مرة تاكل عدس بدال اللحم جرب تتغدى بيض وخبز مفرود لان الصامولي بدال ما كان 10 بريال صار 6 بريال لا وصغروا حجمه بعد واحسب ياللي لك خلق تحسب . . زوجتي حامل وتبي تولد وانا متوهق بها ما ادري وين أوديها لآي مستشفى وتحتاج حاضنه ادخل اكلم احد المسئولين يطل في وجهي بكل برائه يقول تولد في اقرب مستشفى ولا ليه ما تولد في البيت ؟! الحريم هاليومين يحبون البرستيج فعلا الولادة في المستشفى نوع من البرستيج وضرب من ضروب الفسقه وفقنا الله وزرقنا بيبي صعنون كتكوت امور تجي تجيب له حليب وحفايظ وانتم بكرامه تكتشف ان نص ميزانيتك راح تروح على الحليب وليه تشتري حليب له ؟! شغل مضخاتها وخلها تنتج ولا البقرة أزين منها ؟! :( شوف عيني واحد داخل معه مية ريال للصيدلية عن عده يبي يرجع بباقي يشتري به خبز وحليب لبيته شرا حفايظ وحليب أطفال يوم جاء يحاسب وبكل ثقة مد المية ريال قال له ما تكفي أنصدم وتعجب لكن وش يسوي ؟!؟! صار هالمنظر من الطبيعي نشوفه قام رجع وبدل البامبرز بنوع ارخص واقل حجم عشان فلوسه ما تكفي وخذ هالشي مقياس على كل شي كل شي ارتفع والراتب هو هو فائض ميزانيتنا 300 مليار وراتب السعودي 1500 ريال ؟! ويبونه يفتح بيت ؟! كل شي يغلى ويرتفع سعره ( الغالي للغالي ) إلا راتب السعودي الضعيف بدال ما يزود تنقص قيمه الريال ويصير رياله ما يسوى قرش برا وجوا . . تدرون عاد ؟! هونت معد أبي أعرس والله معك حق بس العزوبيه صعبه خخخخخخخخخخخخ تحياتوووووووو سكاكر |
سكر بنات
ليه ونا أخوك حرام عليك والله قلبتي علي المواجع (( لا تزيد المواجع خلني قذ نسيت لاتقلب في قلبي صفحة الذكريات )) واالله حاله الحين المهر لاجيت تخطب بنت يكون عند قبيلتها المهر معروف 70 الف عاد يقولك أبوها لا جيت تخطبها (( ريال وشيمت رجال )) وتجي انت وتدفع أقل من السبعين؟؟ لا والله أدفع 70 الف ونا ماشوف الدرب عيب والله فشله . وبعدين عندك العشى حق الرجال أنا عندنا الازم نقدر الرجال كيف ؟؟ لازم نجيب حواشي وسعر الحاشي معروف من 5 الى 7 الف ريال وأقل شي 5 حواشي . لا انا أفكر في زواجي أبجيب حبيب قلبي رابح صقر بس شكله بعيد عني . علا العموم الي بيتزوج هلأيام لازم يتفقع وجهه شوي بعدين يعرس شاكر لك أختي على الموضوع واسف على الأطاله أخوك ما احبك |
والله ياسكر لو أنو كل واحد فكر كذا ماراح يتزوج أحد
بس سبحاااااااان الله ترا الزواج مرزوق على قولتهم لكن الواحد يسهلها وهى تسهل يسلموووو قلبي على طرحك الحلو |
وووووووووووووووووووووووووووي عليي يا وخيي قطعت قلبي
>>>>>>اشون انا بنيه خخخخخخخخخخخخ الله يوفق الجميع...................... اختكمـــ مسك الهوى |
يسلموووووووووووووو والله اخوي يعطيك العافيه تقبل شكري وتحيااااااااااتي وتقديري لك بااااااااااااااااااااااي |
هي كذا خلاص بطلنا زواج سعوديات وش رايكم من برا كويسين ورخيصين شارين غنم احنا ...الامور تتيسر ان شاء الله بس تكون فيه نيه صافيه كل شي ينحل من جد وجد الي يبي الحلال تتيسر معه وهو ما يحس....يعطيك العافيه ....اخوك النادر |
نعنبو ابليس ابليسك يانادر خير انشالله قالولك حنا عنز بعدين يمدحون الحم الوطنى خخخخخخخ مرسى خيو على التعليق وتشكرات يااحلا اعضاء ع المرور
تحياتو سكاكر |
اقتباس:
اكيد ما ياخذ الى سعوديه والنعم فيكم.... الف شكر لك.... |
نادروووووو اى ها كذا تعجبنى كفو والله كفو ولد ابلادى انا اخترت بنت ابلادى اموت اموت عليها دى <<ماتشرب الا حليب السعوطيه لول
ياخى انت كذا تطلع تمام عشان ماينقلب عليك اهلك وناس والسحالى وتروح فى خبر كان يالبى قلبك وكلك ذوق ع الرد خيو تحياتو سكوره |
| الساعة الآن 05:54 AM. |