منتديات الـــود - قصــتي مع الأطخم في حراج بن قاسم

ياهلا وغلا….

صباحكم الله بالخير والسرور..

وش اخباركم ؟؟ وعساكم طيبين وبنعمة وعافيه.؟؟

الحمدلله..

شوفوا عاد ترا لي فتره وانا عيني تحوط وتدور على العيارين والمواضيع اللي فيه..وماش يديني تحكحك ودها تحط موضوع..قلت ولايهمتس يا اصابعي المعصقله روحي قداااام

الموهم..
يعني مثل ماحنا شايفين الاجازه بدت<<<<<<<احلفي

طبعا في نااس هجوا من حر الرياض لمدن اخرى..
لاهداف مختلفه>>>>عااد منيب فاضحتهم هاللي يروحون لبانكوك

عااد هنا في الرياض ياكثر مانلقى اوربيين وبعض الاشوام_جمع شاميين- هاجين من بلادهم يدورون على الحر والغبار عشان تزين اجساامهم وتلين عظامهم وتنحرق خششهم>>>>>مناااااك

عاد انا قبل يومين كنت رايحه لم سوق حراج بن قاسم اترزق الله …يعني مثل ماتعرفون ابيع واشتري وامتع نظري بهالاشوام علني احظى بحب وااحد منهم
وبذاك اليوم …..>>>>اقول اخلصي

هو اليوم الي قلب موازيني..وخلاني اعيش بعالم ثاني واعرف اكتب الشعر…

حتى اني صرت انافس المتنبي وجا وقام يحلف علي ويبوس رجولي بس عشان اعطيه وحده من معلقاتي

مطــب...

(ليش سموا المعلقات بهالاسم؟؟ تهقون انهم كانوا ينسفونها على حبل وينشرونها مثل الملابس )

نتاابع
كنت قاعده احرج على مكنسة الحمراء القديمه ذيك من سنة جدي وهي عندنا..
عاد تطورت امي وشرت مكنسة عصا تقول عشان اقدر اجلد بها ذا الثوره اللي عندي وعشان نكسب لقمة العيش بالحلال<<<<<<<وش رايكم تراه متعوب عليها لقمة العيش :biggrin:

وانافي قمة انصرااعي مع الغبره..والحر..وانسجامي الشديد مع برنامج ام حديجان..وانا قاعدة على كرسي حديد لونه ازرق واقلب بين هالبرامج برادو ابو عراوي ..
وعباتي شهبا لهبا وطايحة على كتيفاتي اللي تسنها مطبات<<<<<<وهــ بس

ومير اسمع صوت انتشلني الى عالم الواقع...:wed24:
خاله..بكسر اللام........
وانا اللي اجهز زبيريتي الحمرا مطقمتها مع بجامتي الخضراء من نعومي ... باعطيه كف على خشته قليل الحيا..خالة وان توني بعمر القرنفل :biggrin:

انا:وجع يضرب عدوك..واجي ضاربه الطبلون واشق الطريق
وش تقول انت..

ولا جتني المفاجاة الكبرى الي خلتني اطيح على الارض..واتلوى واتبطح واقول آآمر يابعدي انا خالتك وجدتك اذا تبي

عاد صار واحد من اهلنا الشاميين الطخوم..

قام يناظرني وهو مسيكين حايمتن تسبده ووده يطرش...:biggrin:
استغربت عاد انا وحسيت اني مالي دااعي وسط هالشريطيه اللي قاموا يسعبلون يوم شافوا حرمة بوسطهم تلوى..

عاد انتبهت ان سيقاني جعلني مافقدهم طلعن وهن مليانات شعر شهب لهب وفيهن جروح..

واتغطى وانا وجهي تسنه ذا>>>>>>>> :a070:
مع اني مغسول وجهي بديزل بس عاد استحيت من هالواقف الاطخم

يوم قالي:خاله واللي يرحم والديك فيه حلائه بتسمى براون اشتريها

عاد انا رديت:ابشر موب براون وبس بعد مولينكس بس انت امر:biggrin:

واشطح بخيالي اني قاعدة بفسطاان ابيض منفوووش ومعي وردة وخشمي وخدودي حمر تسنهم طماطه وهو بجنبي لابسن بدلة العرس السودا... >>>>>مدري وش جابه بس حبيت احطكم بالصوره

وقطع حبل احلامي صوته العذب:خاله بكم هادي المكنسه؟؟

قمت ونفظت الغبار عن عبااتي..قلت له ابد حلال بلال عليك مابي اجرها..بس بشرط
عاد هو استانس جاه شن ببلاش

امري تؤبريني انتي تدللي..:wed24:
عاد انا بغيت اخبط بس مسكته مع كرفتته وقلت اسمع ياولد الناس لاتقول هالحتسي الزين ولا يرتكب جريمة اغتصاب فيذيا..

الله يخلف عليك شجن وفراق وينك تسمع هالحتسي موب يا كمخه والدلخه وان دلعني يامهبوله..:al-wed:
صدز فرق..:biggrin:

عاد قلت شف..واقوم اتلفت يمين ويسار وانا مرتااعه..وامسك اذنه واقربها لثمي..:شف ابيك تعرس علي لو يوم..واعطيكيها ببلاش مع هدية حلاقة كينوورد :biggrin:

عاد انا تركته ورحت اركض لكرسيي وانا تسني غزال تتمخطر بين قراشيع ومواعين

ويوم سمعت اصواات ولجه وسيارة اسعاف وانغرف قلبي (لغير الناطقين باللغه يعني جا احد وغرف موية قلبي= خضني للاشوام )

يوم التفت ولاه صديقي الشااامي..
وانا اللي يضيق صدري واقلبها مناااحه واروح اركض لمه كني في احد هالافلام الهنديه..لاااااااااااااااا لاتموووت يابعد جدراني لاتموووت ياحشرة قليبي.......

وشالوه وودو للمستشفى ولقي حتفه في الطريق.......

وقاموا الشرطه يحققون بالقضيه وطلع السبب بوفاته ريحة بصل وثوم دخلت باذانه ووصلت لقلبه اللي ماتحمل هالروايح وماات

الزبده من هالقرقه:
- ياشباب اخواتكم يبون دلع ورحمه وعطف وحنان وكلش لاتخلونهم يدورونها بمكان ثاني مثل ماسوت اختنا اللي فووق
- ابي اذب على بعض هالبنات اللي يخقون مع هالممثلين وهم دارين انهم ولا صفر بالميه بشوفونهم ولايعرسون عليهم
- البصل والثوم مواد قاتله ابتعدوا عنها<<<<<<<<يمدحون علك ابو سهم

برايفت للمشرفين..

سلاااام كبير