قصيده بعد ام هلال طمحت عند اهلها وخلتني اجاهد الورعان
 

جايكم من الديره مدحولي محلكم يقولوون غرفه زينه وفيه مراووح يقووولن تبرد


قلت اجل بنقيل فيه ونشوف وشلونه


عانوني بعلمكم بعلومي وسوالفي مع هلال وامه .



قصيده بعد ام هلال طمحت عند اهلها وخلتني اجاهد الورعان


يالله يا عالم ما في الضماير//// يامجمع الخلان من بعد فرقــــــــا

البارحه سهران والفكر ذاير/// سبت عجوز تدرق الارض درقـــا

راحت وخلتني وحيد وحاير/// مع صجت الورعان حولت وارقـــــا

تهاوشو والحذف بالبيت طاير/// حذف الملاعق يزرق العين زرقا

تسمع هوايشهم وهل العباير//// وهلال صلابي مع الناس شرقـــــا

حيثه كبير القوم راع الشراير///متماســـك ويــاه بالحر عرقــــــــــا

سوى بورعاني سوات العزاير// له كشره شينه وســـنون فرقــــــا

ثم عضني والدم حامي وفاير/// والهوش حامي والمكانين حرقـــــا

حتى تراضينا بعد يوم جاير/// كـــله بهاذيل ورعــــــد وبرقـــــــــــا

روحت انا وهلال للذ يب زاير// زنوبته تطرق مع الارض طرقــــــا

جينا سهم والثوب مابه زراير// عقب الغداء مزح ووناسه وقرقــــا

ثم دق جوالي وجتني خباير//// تشرط عجوز ابليس رضوه يافرقا

تشرط اقلاده مرتهش والخساير// وهيه عجوز ماهي ببنت طرقــــا

معدي المرقاب



لاهنت وصح بدنك


والله يحيك نورت التفتر حقي

والقصيده الي نقشناها فيه

ولاعدمتك

راعي العليا


صح بدنك


ولاهنت اخوووي

اخي الكريم
تحية ود وورد وطيب
الله الله الله الله
يأم هلال
ماااحداااعرف قيمتك
الالالالا
بعد الزعل والفرقا
والله راائعة راائعة يا اخي
اداامك الله واداام قلمك
وادااام ام هلال
جل احترامي
وامنياتي
بالحب والخير والجمال
ديدمونه

هلا ل الله يحييك بين اخوانك والله القصيده صرا حه روعه
وحياك الله مره ثا نيه في بنتك
لا تحرمني من الشعر النادر الشعر الفكاهى نادر صرا حه كثير منى يكتب ولا كن في بحور الهم والعشق والفرقا ونت متميز ومتمكن الله يعطيك العافيه