بعض العرب حبه يوردك الجنون =ولا يوصف له غلاه حكاك له
مايقنعه وصف الغلا لو وش يكون =لو كل حرف(ن) بالحرير يحاك له
الموت جاك وهو تقلبه الظنون =ولا لك الا الصبر وش وداك له
ان قلت ضايق قال هونها تهون =مايدري ان ضيقتك له وبكاك له
تقعد تحبه وانت ساكت ومغبون =يمكن بيوم يقال له مااوفاك له
وكانك مشكك هو يمون أو ما يمون =تخيل أن عفت الصبر فرقاك له
غلاه من فوق الغلا ماهوب دون =وحكاه سمعك يجبرك بارخاك له
ودك تحطه في العيون من العيون =وتبسط على رمضا الثرى يمناك له
وتظله من الشمس في ظل الجفون =ولا يمر اذنه سوى لباك له
وتسج من غيره لو انهم يذكرون =ومنين ماسجت القدم ممشاك له
غرون يميله الترف ميل الغصون =غصن(ن) ليان ومكرمه باسقاك له
وجديله إليا أقفى ستر منه المتون =كني بريحه لاألتفت لأدعاك له
كيك وعسل لكن ماهو في صحون =ودعا ك من عين الحسود غطاك له
الله لايعطيه ناس(ن) ينضلون =ويستر علية من النحل لا ياكله
الوصف والتعبير في وصفه يخون =غير اطلب الله يستجيب دعاك له
وعذال قلبك في محبته يهبون =سكينهم عن قطع حبله حاكله
ناس(ن) عن اعراض البشرمايعرضون =ودايم على نفس الشكل والشاكله
الي من لحوم الاوادم ياكلون =وحلوقهم دفع البلا متواكله
في سلمهم اولى بالاكل الاقربون =واطيبهم اللي صيدته شكواك له
عازمهم الشيطان للذنب ويجون =هذا يقطع له وذاك يواكله
ياجعلهم فدوة ثرا الغض الفتون =للي على الدرب الطويل خطاك له
طيفه الى نام البشر زارك بهون =وطيفك الى نام البشر سراك له
حبه دفان ومقبرة خضر الطعون =بين العظام العوج كنك ناكله
اللي كذاحبه لو تموت مغبون= ولا لك الا الصبر وش وداك له