أحسب أني أتركك وقدرانساك=بس الهقاوي كلها جت عوافي
حسيبك الله كني خاتم بيمناك =واحسب أني على بعدك سنافي
سبحان رب الكون للقلب حلاك=وسكنك قلب الروح ياسحرخافي
خد ندي يخاف من لمس يمناك =رغم الحنان اللي في الكف وافي
ومن شعر رأسك لاحد ماطاك =اللون الولي والحلا شهد صافي
هوعلتك ياقلبي وداك ودواك =وأسباب رعشة جسمنا ورتجافي
خفاق قلبي لولى تثني حناياك =يمديك ياقلبي من الصدر خافي
منيتني في حلم العيش وياك =ماكنت ناقص الصدمات كافي
مكتوب رب الكون ياقلب أرضاك =ولا يهم لوأمشي الدرب حافي
هذا حياتي عشتاهاوهذا مع ذاك=أعيش يومي والغد له رب كافي
ماعاد لي عندك بس العمر يفداك=طلب أسيرك اليوم حل الكتافي
تكفى وطلبتك وبعد أترجاك =خله وعبرته في محجره والحفافي