|
(قصيده مابعـد مـرت ببـال مساعـد وضيـدان)
يعيـن الله يادنيـا تسـوق ايامـهـا الاحــزان=يعيـن الله وانتـي مثـل قفـل ضـاع مفتاحـه يعين الله وجروحي لهـا فـي كـل وقـت شـان=كذوب اللي يقـول ان الزمـن بيـداوي جراحـه سقى الله يوم انا يمـه غريـر يزعـج الجيـران=سقى الله يوما انا طفل يصـج البيـت بصياحـه سقى الله يوم كان اقصى طموحي...لعبـة الدنـان=نهاية يومي المغرب....واخاف الليل.... واشباحه سقى الله يوم انا البس بشت ابوي وثوبه القيطان=واقلد كل شي فيه.. حكي.... وجد.........ومزاحه واشيل المسبحه مثله ليا هوجس وهـو سرحـان=يفكر واحسب ان اللـي عطـاه الفكـر مسباحـه سقى الله بيتنـا ذاك البسيـط ومدهـل الضيفـان=شجـاع يهـزم الغـدارء بقنديلـه ومصبـاحـه تكحلنا القناعـه لاطمـع... لاهـم ...لا حرمـان=واذا جاء الليـل تكفينـا ثـلاث اخـوان طراحـه جميع الذكريات اللي غـدت فـي قفـرة النسيـان=تحاكي حلوهاا عبـره وبمـوق العيـن سباحـه خذتني غربة عنوانها...... غربـه بـلا عنـوان=ابي عقب التعب راحـه ولكـن تصعـب الراحـه رجعت اليوم مثل اللي رجع عقب القنص خسـران=غدا طيره وجاء.. يسحب سلوقيه وملواحـه .... قصيده مابعـد مـرت ببـال مساعـد وضيـدان=هواجيس ابدوي هيمـان يعشـق عيـن فلاحـه وروح(ن) تايبه كانـت تبـي لذنوبهـا غفـران=خطاي انـي كتمـت اسرارهـا بعيـون بواحـه تقوليـن المطـر ماهـوب يمـه دايـم هـتـان=اجل معذور قلب فـي همومـه ضاعـت افراحـه انا يمـه غلطـت ولانـي اول واحـدن غلطـان=ابونا ادم مـن الجنـه خـرج باسبـاب تفاحـه انا مليت مـن كثـر الجفـا والهـم والحرمـان=وش الدبره؟ وحظي صار قفـل ضـاع مفتاحـه |
يا سلاااااام عليك يالغالي ولي الشرف اني اول معتنقين هاذي الرااااااااااااااااااائعه صح الله السانك يالغالي ويعطيك الق عافيه على هالمعزوفه تقبل تمروري العبيوي |
مرحبا
:1114: مشكووووووووور اخويه على القصيده والكلام الحلو وما اجمل الكلمات وترتيبها المنسق والملائم والمشاعر التي تطوف حولنا انتظر جديدك و اتمنالك التوفيج مع تحياتي :967: |
مشكور على مروركم الرااائع الذي انار متصفحي
لا خلا ولا عدم ودمتم بالف خير |
ان وفيت صح لسااانك ولا هنت .. تقبل مروري دمت بود |
راعي العليا مرورك هو الاجمل واتمنى لك التوفيق
|
| الساعة الآن 08:46 PM. |