|
شركة الكهرباء كانت سبب في حرق بيتنا السبت 26/5/1429هـ
السلام عليكم ورحمة الله وبركاته أعتذر من هذا المنتدى ومن مشرفيه ومن كتابه المبدعين على القطعه وعدم التواجد في هذا المنتدى وانقطاعي عنه لفتره طويله مع أن هذا المنتدى منتدى المواضيع الساخنة هو من أخرج عبق الحروف ولكني أعدهم بأني سأرد لهم الجميل اللذي قدمووه لي :: :: :: أما عن موضعي لهذا اليوم فأقول لكم ابشركم أنا وأهلي في أتم عافيه ولله الحمد والمنه أولا وآخراً ولكني سأخبركم بما حدث هذا الصباح :: بعيدا عن اللغة العربية *_^ ,, ,, ,, يمكن يكون الموضوع كبير بس هونننو على أنفسكم يوم الجمعه 25/5/1429هـ في الليل اتصل أبوي حفظه الله على وزراة الكهرباء وقالهم أن الكهرب عندنا ضعيف مرة وان الأسلاك اللي في الطبلون ساحت ( ماعت - ذابت ) من شدة الحرارة ويمكن يسبب هذا الضعف الى حريق في البيت هم كعادتهم الكريمة هون الوضع وقالوله بأنهم راح يرسلون لنا فرقة طوارىء في أسرع وقت ويمكن تاصل الفرقه بعد ساعه من الإتصال طبعا أبوي وكلني بالمهمه وقالي أنهم راح يتصلون في أي وقت من الليل وأول مايتصلون لازم ترد عليهم قلتله أبشر راح أبوي يناام و انا قاعد في احدغرف بيتنا وقاعد اتصفح منتدانا الغالي بدون مكيف وبمروحة نشفت راسي لأن اللمبات والمكيفات ممنوعه من أبوي لأنها تسبب ضغط على المولد الكهربائي ( الكيبل حق الكهرباء ) طبعا انا متوقع من البدايه ان شركة الكهرباء بتسحب علينا كعادة الوزارات الحكومية في الليل كل الوضع تمام صليت الفجر وانمت وابوي راح لدوامه في حدود الساعه 8 صباحا طفت الكهرباء علينا فجأة وحنا نايمن ماقمنا الا على الحر خصوصا انا في الرياض طبعا حنا نايمين ومادرينا وش السالفه الا بعد ماجات المطافي وطفت كل شيء يخبرنا عمي وهو ساكن معنا يقول صحيت على صوت الجرس حق الشراع رد من الأنترفوون يقول الا اليماني يصيح عليه ويقوله انزل الدنيا شابه وخرووو سيراتكم من قدام الكيبل قبل لا تشب يوم نزل يلاقي واحد من الجيران يطفي النار بالطفايه حقت السيارة وشوي الا المطافي جات والحمد لله تداركو الوضع قبل لا يشتب البيت أو تحترق السيرات اللي قدام كيبل الكهرباء اتصل عمي على شركة الكهرباء وعلمهم باللي صار وارسلوا فرقة طوارء وظبطوا الضعف اللي كان في الكهرباء لكن متى أرسلوها بعد ماطاح الفاس بالراس ويبغون رياضوننا قالو بمناسبة تركيب الكيب الجديد لكم ثلاث أيام مايحسب عليكم أي شيء طبعا ماخلينا لمبه ولا مكيف في البيت الا شغلناااه خخخخ بس ابشركم ان كل أهلي سليمين والله يجزي الجيرااان خير لأنهم هم اللي بلغوا المطافي سؤالي ,,, الى متى وحنا نعاني من أخطاء الوزارات الحكويمية . . . ؟ |
الحمد الله على سلامتكم عبق والله المفروض ما تسكتون على الموضوع لان لو صار الحريق بالليل والناس نايمه ايش كان صار لاقدر الله المهم اكم بخير والحمد الله على سلامتكم |
بداية الحمدلله على سلامتكم .. و هذا الأهم .. و ثاني شي الكهرباء أصبحت شركة الآن .. و هذا ما يمنع إننا نحاسبها على تقصيرها .. تمشي بأي مكان تلاقي كبائن الكهرباء مكشوفه .. و لا فيه من يحاسبهم .. تحصل أعطال .. يلطعونكـ بالأيام و ما يدرون أن الخطر يأتي بأي وقت .. اليوم .. مريت من عند بوفيه .. أذكر نورها ساطع .. و شغلها تمام .. اليوم مظلمه .. بس فاتحه .. دخلت قال لي الكهرباء مقطوعهـ .. الكبينه فيها خلل .. قلت له أتصل على الطواريء .. قال ما يجون .. <<< و هو هندي غاسل يدهــ .. فوق هذا .. تجيك فاتورهـ تكسر الظهر .. من وين ما تدري .؟؟ عسى الله يغير الحال .. و الحمدلله على سلامتكم ... (( .. و مــتــثــنــكــســيــن أأوي .. )) |
عبق الحروف .. الحمد الله على السلامه .. الاهمال والقصورفي أغلب دوائران الوزاريه المحترمه .. نتيجه الضعف الادأري وعدم الاخلاص . . والذي اصبح كا المرض المعدي لم تسلم منه دائره .. من صغار موظفيها الي كبارهم المحترمين.. والذي بعود على المواطن بالضرر .. والذي ارتضى بذلك وسكت عن أبسط حقوقه .. ودمت بخير .. دمت بمحبه |
الحمد لله على السلامه عبووووقـ مثل ماقال اخوي ارجوك الآن اصبحت شركة يعني بإمكانك تشتكيهم بسسب الاهمال ثانياً التأخير ملازم لجميع القطاعات اللي تستوتجب مباشرة الطوارئ مدري ليش هل هووو تهوين الامر الين ماويوصل لدرجه الخطوره او الامبالاة ؟؟؟ ع العموم اهم شي انكم بخير وصحه وعافيه سلطان |
اقتباس:
الله يسلمك أخوي نادر ولاهنت على هالمرور وبعدين لو هي بيدي كان ماخليتهم بس الأمر بيد أبوي مشكور ولا تحرمنا هالإطلة |
اقتباس:
الله يسمع منك عسى الله يغير الحال لا تحرمنا طلتك يا حبيبنا عبق الحروف |
اقتباس:
سلمت على مرورك لا عمناك يا ممشرفنا الغالي |
اقتباس:
حياااك ربي أخوي سط سط وزي ماقلت سلامتنا هي أهم شيء لا عدمناك |
حمدالله على سلامتكم عبق الله حفظكم ونجاااااكم والله ذكرتني قبل سنة صار معنا مثلكم كانت الكهرباء تضعف وتطفى لحالها وكلمنا شركة الكهرباء قالوا طيب وجوواللبيت قالواالكيبل سليم العيب من جووا البيت مو من الكيبل جبنا كهربائي كشف على البيت قال من الكيبل وجلسنا نتصل عليهم الى نهاية الاسبوووع ارسلووا شخص وشااف الكيبل ولقى الاسلاك ذايبة وغيرها قال الحمدالله انه ماانفجر عليكم والله بصراااحة هالشئ خطر هم ماوضعوا بهالمكان الا لانها مسؤولية وين الاماانة اللي أؤتمنووا عليها وواجبهم ليه مايأدووونه على اكمل وجه !! بعدين لو اهملوووا هالشئ بتسيبهم يمكن تضيع ارواح نااس يكونوا وقتها هم المسؤولين امام الله أتمنى ان كل شخص يشتغل في هالشغلة يراقب الله في عمله وأي شخص يكلمهم يروحون ماينطشوون اتصاله ويشيكووون زين على الكيبل مو مجرد انهم جوا وراحووو لانهم محاسبووووووووون على عملهم والله يستر على الجميع عبوووق حمدالله على سلامتكم مرة ثاااانية وحللوا الكهرباء بالليل والنهار هههههههههههههههههههههههههههههههههه *_^ |
| الساعة الآن 05:36 AM. |