|
خذوا من سلام
ألا ياراكبين الموتر اللي كنه السرحان=وموديله بعد ألفين سته ماهو بعادي مكمّل في تواصيفه سواة الصقر أبو الجنحان=على درب السفر والبعد سلطان وهدّادي من اللكزس مجاليبه تنشّط دعسة الشكمان=مجهّز بالدبل مركوب اهل العرف الأجوادي خذوا مني سلام للبلاد وساير الأوطان=سلام صادق عاطر بدهن الورد والكادي سلامي للديار اللي رفيع قدرها والشان=بلاد عزها الرحمن من تاريخ الأجدادي بلاد حرّة من يومها ماتقبل العدوان=وهلها من خيار الناس في الخافي وفي البادي وحنا أسرة وحده وعشنا بالزمن اخوان=في ظل الله ثم الحاكم اللي للعلا شادي أبو متعب حبيب الشعب صانه ربي الرحمن=أبونا الشهم عبد الله أقول الإسم وانادي لنا من سمعة الماضي ملاحم للوفا عنوان=وحاضرنا يشرّفنا اهل إيمان وجهادي ألا يادار مامثلك أبد في ساير الأوطان=بأرضك مكه وطيبه بها عز الوطن سادي ألا يادرّة العالم ألا يامهبط القرآن=فريده في تواصيفك وفخرك امة الضادي ألا يادار لاهنتي ومثلك يالغلا لاهان=ومن دونك رجال مخلصه في حر وبرادي ألا ياقبلة الإسلام شيدي وأعلي البنيان=وسيري يحفظك رب مدبّر كل الأشهادي رمالك من ذهب وإحنا نحطه كحل بالأعيان=لأجلك مرخصين العمر لو الجمر وقادي جبالك رمز لشموخ تورثناه من جدّان= بنوا تاريخ للعالم من المغرب لبغدادي صحاريك الأبيّه مصنع للعز والفرسان=ألا يادار لك غنيت وأردد بالأنشادي سعوديه سعوديه سعوديه مدى الأزمان=بها احيا بها اموت سالم كل الأنقادي وصلاة الله على المبعوث رحمه من نسل عدنان=عدد مالاح بالأمزان برّاق ورعادي |
|
صـــــح لـــســااااانـــــــــــك
لنا من سمعة الماضي ملاحم للوفا عنوان وحاضرنا يشرّفنا اهل إيمان وجهادي وهـذا الـبـيـت اعـجـبـنـي ولا قـصـووور بــالـقـصـيـده تـقـبـل مـــــروري |
صح لسانك يالطلحي ولاهنت على هالابيات . وجهة هالجيب اللكسزس لو حددتها ؟ كان شي لاتقول . خليتها على المملكه عامه . الله يعين السواق صح لسانك من جديد وابيات تستحق الحضور تحيتي وتقديري اخوك |
الطلحي 2000 صح لساااانك ولا هنت وتستاااهل الداار وأهلهاا .. تقبل مروري دمت بوود |
http://up.khellan.com/file/uploads/9110bc9243.gif صقر النوآآآيف http://up.khellan.com/file/uploads/9110bc9243.gif http://up.khellan.com/file/uploads/8731ff52e6.gif شموخ تخطى حدود الخيآآآل حروف أبيّة رآآآئعة أقف لها إجلالآ وتقديرآ .... وفاء في جميع المفردآآآت ورقي في مضمون العباآآرآآآت كلمآآآت معبرة وجميلة الإحساس الصآآآدق صح لسآآآآآآنك وربي لا هـآآآآآآنك ننتظر جديدك الرآآآآآآآآآئع .... دمت بخيــــــــر" http://up.khellan.com/file/uploads/52c840d703.gif |
الطلحي صح لساااااااانك والله يرفع شانك
ابدعت بهالنص واشكرك علا الوطنيه سعوديه سعوديه سعوديه مدى الأزمان بها احيا بها اموت سالم كل الأنقادي اااااااالله درك .. مبدع يالطلحي وصلاة الله على المبعوث رحمه من نسل عدنان عدد مالاح بالأمزان برّاق ورعادي اللهم صلي عليه ويـــــعـــــطيك الــــعـــ1000ـــافية |
الطلحي
صح لسانك وعلا شانك قصيده رائعه من شاعر مبدع وعلى قولة أخوي غرام الشوق الله يعين السواق ننتظر أبداعك القادم بكل شغف |
|
أختي الطيبه مهاجره إزدادت القصيده عطرا بمرورك الطيب ياهلا وغلا تحياتي |
| الساعة الآن 08:02 AM. |