|
.. ~ { هـآت اسم الشاعر واللي بعدك يقول له قصيده} ~ ..
السلاااااااام عليكمـ لعــبة من تأليفي .. احم احم مستوحيتها من لعبة (( هات اسم مطرب والى بعدك يغنى اغنيه له )) بس على ((لعبه الاغانى (( هات اسم الشاااعر والى بعدك يقول له قــصيــده)) :biggrin: انا ابتدي (( طلال الرشيد)) |
مشكوورهـ ع اللعبهـ يا أم الافكار لكن وش رايك نخلي العنوان مثل اللي كاتبتيه عشان تكون واضحهـ لو تعددت الصفحات ؟؟ .. وهذا بيت للمرحوومـ طلال .. أنا مابي من الدنيا وصول للعيون الدعج ** وأظن الصدق يكفي لو أموت وورثي احرامي طيب حامد زيـــد ؟؟ |
والله وصرتي تستهينين فيني
وانا الذي سويت لك قدر بيديّ تدرين وش كنتي قبل تعرفيني ؟ ان قلت لك كنتي ولا حاجة شويّ انا الذي فرشت لك رمش عيني وعملت منك شي وانتي ولا شيّ جيت اعشقك ما جيتك لك تحقريني جيت اسكنك بسمة ما هو بسكنك غيّ لا صرت عامل لك قدر قدريني ترا الكرامة صفحة ما لها طيّ ما دام ما جيتي غلا لا تجيني نار الجفا عندي ولا الذل بالفيّ والله لاهجرك قبل لا تهجريني اجل تبيعيني واجيلك برجليّ يا تتركين الكبر يا تتركيني لأن المحبة شي والمهزله شيّ إن كانت الدعوة غلاي وحنيني يمكن يزول الحقد ويشعشع الضيّ لكن حكاية ينحني لك جبيني في ذمتي ما ينحني لك وانا حيّ طيب خلف بن مشعان |
ايه والله جزاك الله خير .. ذوق ^^ --------------------- خلف بن مشعان\\ الشعر في شرعي فكر .. والفكر بالشرع الاصيل نهج العقـول الناضجـه والعاقليـن أدرى بهـا مو شرط من يكتب شعر يدري عن بحور الخليل اللـي يـداوي علتـك لا تبلشـه بأسبابـهـا محمد بن فــطـــيــس |
،؛، الحب مثل النوم ،؛، الحب مثل النوم .. والوصل .. الاحلام.. .. والشيين من الاحلام..صـد المحبييـن نوم ٍ طويل ٍ عمره اشهـوور واعـواام .. .. وان قمت.. ففهمها فرااق وسهر عيـن وانا رقدت وعمري اربع عشـر عـام .. .. وصحيت في شهر اربعه عام الالفيـن نـوم ٍ ثقيـل ٍ كلـه احـلام واوهـاام .. .. ونصيبي من احلامـه الجانـب الشيـن صحّى الفرااق اقلوب في عكسه..نيـام .. .. وغاب الفرح وانا بعكسه الـى اللحيـن ياحزن كبدي حزن من ضاق ثـم حـام .. .. اخذت فروخه مـادرى ليـه ولويـن؟ بعد ما شاف العـش عيـدان وعظـام .. .. خاالي..تفكر فووق ويسـاار.. ويميـن خلا عشاها فيه ومـن الوطـى شـاام .. .. زبن علـى روحـه وفـل الجناحيـن وياوجد حالي وجد مـن نـام ثـم قـام .. .. على صياح امـه وهـو دون رجليـن عويـق وامـه تنعتـه والنعـت سـام .. .. وهو خابر انه يقسـم الصـف صفيـن حبا وصاح بصيحـة ٍ تاصـل الشـام .. .. منهـا تقطّـع فـي خفوقـه شراييـن على وليـف ٍ قسـم اظنونـي اقسـام .. .. واقفى وانا ما اعـرف طـرد المقفيـن راح وترك في صدري ووسووم واعلام .. .. وصـى علـي طيفـه وقفـى بقلبيـن ليتـه تعـذّر كـان مـاهـو بـمّـلام .. .. بعد ماشـااف الـدرب بيسيـر دربيـن اشوى عليه شوي..مـن عـظ الابهـام .. .. واشوى علي شوي..من دمعـة البيـن تمشـي بنـا الاقـدام والمـوت قـدام .. .. وميعادنـا يمفـرق اثنـيـن بعـديـن ياعيـن لا تبكـيـن وعيـونـه تـنـام .. .. عادش الى ما خـاب ظنـي بترضيـن لـو الدمـوع اتفيـد فـادن الايـتـام .. .. ولـو الكـلام يفيـد عـادت فلسطيـن ولـو النبـاات يطّلعـه دمعـة هيـام؟.. .. شفتوا علـى وجهـي ورود وبساتيـن الحب سجن..وبعد الاحبـاب الاعـدام .. .. وقلوبنـا السجّـان مـدري مساجـيـن الحب نوم ٍ عمـره اشهـوور واعـوام .. .. وان قمت ففهمها فرااق وسهـر عيـن ــــــــــــــــــــــــ اممممم الشاعر فهد المساعد .. |
اليـــوم ثالـــــث يــوم مــوجـــعنـــــــي
وعيني لها اليوم ثالث تجمع طيوفـــكـ والبــال كنــه علـى دربــك يوزعنــــي ولساني كــنه ماخــــلق الا لحروفـــكـ لنــوم نافــع ولا التفكيــر نافعـنـــــي انام واصحى علىالباقي من وصوفكـ (ناصر الفراعــنهـ) |
في بيتين لهـ ياحوبي لهـ
البيت الاول من صار لي في الرخا عبدٍ وانا عمه ........ لا جاء القسا صرت له عبدٍ وهو عمي **** والبيت الثاني ياالغضي ما جيت ابارك لك على نيلك شهادة ..........جيت ابارك للشهادة نفسهـا ,مصافـح يدينـك يا كبـر حـظّ الشهـادة فيـك يـا راعـي القـلادة ..........من يمينك أَخْذَت اللي مـا خذيتـه مـن يمينـك الشاعر سعود بن عبداللهــ ياحوبي له هالانسان |
القصيد مثل برق وسحابة .. تشرب عين وعين تخيله
والورق قاع والعشب كتاب..والمعاني مثل روضة مسيله حامد زيد.. |
أنا أول من عرف قدرك وأنا توي صغير وشاب وابي منك ما دام أنك عرفتيني تحبيني ما دام أني لقيتك في طريق أسمه غرام أحباب دخيل الله ، وبعد الله دخيلك .. لا تخليني ما دام أن كل من يحيا على وجه التراب تراب عسى تنساني الدنيا مادام أنتي ذكرتيني ـــــــــــ .. ــــــــــــ .. ـــــــــــــ فيصـــــــــل الــ ع ــــدواني .. |
خوووش اختيااار ^^
والله ما انسى قصيدته عن (طلال الرشيد) ويقول: يرحم الله من توفى وافجع الناس بغيابه والحزن في ذمتي ما اختص في الرشيد كل نفس تعشق العليا وقولت مرحبا به تذرف دموع المفارق فيك يا اغلى فقيد والله ان الشعر يعجزفي حروفه والكتابه ماوصف هماً تزاحم ثم جرى وسط الوريد غبت ياسيف الطنايا ومركز الجود ونصابه غبت لا ما غبت غاب الفجر والله الشهيد |
| الساعة الآن 11:42 PM. |