جبرتني اقسى ولالي بالقساوه والزعل = قسيتني وانا عليك احن قلبٍ في الوجود
الاسف .. حلم ٍ بنيته هدني ثمن رحل = والآه .. من شي يعذبني ولاله اي وجود
نفسي اعاتبها ولاني بغافرٍ ذاك الزلل= نفسٍ خلقها الله تلوم وتعتلي باللوم زود
هو ظلم والا هو لها في الكبريا ابلغ عدل = اعزها نفسي لو ادري عزها بكره وصدود
وتعال للترحال ياقلبي وننسى ماحصل = تعال نوفي بيننا نقطع مواثيق وعهود
مليت انا دنيا هوى صارت اكاذيب وهزل = وش لي اشري علتي والعمر راحات ومهود
" يا ابتسامات الندم " هذا امتناعي يالسهل = كلن وله يابنت مقدارٍ وفي الاخر حدود

هل لي بمعروف السماح تفضلا =هل لي من مجيب في الفؤاد يجيب ؟!
ماكان البُـــعد والله تمـــــــللاً =لا ولا آمنت بعيب فـــــــي الحبيب
كــــــــاد الدمع مني يغفر زلة =لولا تذكّــــــــــر انك سبب النحيب
لاغريب ان اشتقت اليـــــا مرة =فتراني عن ناظريك عمــــدا اغيب
الغريب ان اردتُ بقاء حب بيننا =فأرهجه بالوصـل ذاك هو الغريب
احيا فيك واموت ياعيني متيما=لله در الحب والموت والتــعذيب
لله در حبك كم احبـــــــــــــك =لله درك ياحبيبـــــــــي من حبيب
لله در الجنون قد اصــــــابني =انادي رضـــــاك وانت قبلي تجيب

ليت ما ذقت الهوى ولامعي قلب وضمير= هذا الغرام جاب جرحي وعنّا قلبي وتعّبه
ليتني انسى هواي آه لو هذا يصير = معذّب بوصله وفي هجره عذاب مصعبه
لكنه بقلبي لحاله لا شريك ولا خشير = بعطيه عمري وماخذاه يفداه لو هو يسلبه
من بغى الزين يعطي ويصبر على صبره كثير = مااحلى طعم الحلم يصدق بعد ماهو كذّبه
والنيه ابدا ونيتي اصفى من موي الغدير = والله اني اشوفه رغم بعده مقربه
وين هو ناوي يروح ولالي بقلبه نظير = حبيبي الوافي مدلل بس اصله أدبه
جاني أمس مسبّق القلب قدامه يطير = بان شوقه والكلام ياويل حالي معذبه
ارق نسمه فاح معها عطر وريحان وعبير = يا احلى احلام العمر ومراد قلبي ومطلبه