هنـاااك مـن خلـف المضيـق واظـن كلـن يعرفـه =تالي مرق خنزيرهـم يصفـى لمـن شـرق المضيـق
كـف النجاسـه مـدتـه وكــف الوقـاحـه تلقـفـه =وكف الخيانـه للخنـا ترصـف مـن الخيبـه طريـق
وهـذي الكفـوف الخايبـه معهـا العطايـا المقـرفـه =واطمـاع مستـرزق هنـا يلعـب بـه الحقـد الغميـق
هـذاك ينعـق مـن بعيـد ياهـل القلـوب المرهـفـه =وهـذا يصيـح وينتخـي مظلـوم يالجنـس الرقـيـق
ماهـي جـواد علومهـم خـذوا مـن العلـم طـرفـه =اغراهـم الملمـس ليـان ماشافـوا انـيـابٍ تـويـق
قـال الزعـيـم المشكـلـه انـتـم امــم متخلـفـه =وانا لكم مخلص .محب . صاحب . وفي . داعم . صديق
مشغـول حتـى انـزل بكـم بيـن الشعـوب المترفـه =وانزل بكـم اسفـل بعـد حيـث السفالـه لـه بريـق
وانـزع غطـاء حـواء الـذي بـه بينكـم متلفلـفـه =واخليـه زهـرة ربـل مـالـه عـبـق ولا رحـيـق
واعلمـه قـل الحيـاء وبـعـرض الأزيــاء اثقـفـه =حتـى انهـا تجمـع بنـات . الحـي وتشكـل فريـق
وادربـه كـيـف انـهـا تبـيـع بالـمـال شـرفـه =ولنهـارة اخـلاق البنـات ماعـاد بـه شـيءٍ يعيـق
يبقى كـذا شويـت طقـوس مـن السهـل جـداً نتلفـه =ونـرش كـل المجتمـع بنـزيـن ونشـبـه حـريـق
يابنـت عمـي ذا عـدو وتحطيـم عزّتـنـا هْـدِفـه =هـو بالرذيلـه قـد غـرق ياكيـف ينقذنـا غـريـق
حلمـه يبـي عيـن البلـد بالصبـع الأخـرى نطرفـه =ونهـدم قصـور اسلافنـا ويضيـع ماضينـا العريـق
والا متـى دمـع الغـلا عـيـن الخيـانـه تـذرفـه =تخسـى قلـوبٍ همهـا نثـمـل هــواااان ولانفـيـق

هذه الدنيـا متـاعً لشقـى ثـم للغـرور=من هو اللي يطرد الدنيـا ويلقـى فايـده
كم غريقً قد حثل في وسط غبات البحـور=صارع امواج الحيـاة العاليـات الكايـده
هيه يالي لا شحن له بنـدقً عيـة تثـور=لا تعجب صارت الشغلـه علينـا سايـده
انشد العقال وين اصحابنـا اهـل القبـور=بعضهم مات وتوفى فـي نهـار معايـده
والله انها يارفيقي من دبـور اليـا دبـور=استعـذ بالله واقـرا آيـةً مـن المـايـده
التجارب علمتني يوم انـا حـرً صبـور=وتنقص الايـام بالدنيـا ولاهـي بزايـده
الزمن لا ماتغير من على مـر العصـور=البلا في ها البشردام الضـروف محايـده
شجرت الشوك العينه سمها وسط الجذ ور=بقتلعهـا والعـروق الـي بهـا متشايـده
العباره واضحه شوف المعاني في السطور=اجعل الدنيا عبور واعـرف انهـا بايـده

يانـاشـد(ن) عـنـي تـرانــي مـثــل هالـدنـيـا ادور =الكـل لـه لفـه وانــا الـلـي طــول وقـتـه يستـديـر
إن كـان انـا مـثـل الحـيـاه فعـدهـا كــل العـصـور =اربع فصول(ن) فالسنه ياحاسب(ن) وقتك تصير
إن كـان لـك دنيـا تراهـا دنيـة (ن) فيـهـا عـبـور =الخير فـي وقـت(ن) قفاهـا والزمـن حبلـه قصيـر
الوقت كم فـرّق رجـال(ن) كانـوا إفحـزه حضـور =النـاس لوطـال الزمـان لـزوم ياصلـهـا المصـيـر
المـوت حـق ولـو تشوفـه كـم مـلا ذيــك القـبـور =الـمـوت مــا خـلـى مـحـمـد كـــان لـلأمــه نـذيــر
ماعـاش لجـل إنـا نعيـش اعـوام وألاف الشهـور =المـوت لا فـرّق عشيـر(ن) مـارحـم ذاك العشـيـر
إن كان انـا بوصيـك حـذرا فالزمـن خلـك صبـور =الوقت لـه غـدره وانـا اللـي صـرت فالنيـا خبيـر
مـاحـزن دام بهالـزمـان ولايــدوم إلــك الـسـرور =إن كان طال إبك الفرح حزنك يحث إلـك المسيـر
الخيـر لـه رجعـه وسجّـل قالـتـي بـيـن السـطـور =إبــدا بفـعـل الخـيـر قـبـل إنــك تـنــوّاه إستـخـيـر
الغرسـه اللـي بالثمـر تثـمـر بــلا حــب وبــذور؟ =ماخيـر فالدنيـا عشـان نقـول لـك فالـوقـت خـيـر
الخيـر فـي ديـن(ن) يخـلـي كــل هالدنـيـا زهــور =غرسـه ثِمَرّهـا ماقصـر حتـى فكـبـد الـيـوم طـيـر
حـذراك يالصاحـب تكـون اليـوم ع الدنيـا غيـور =الـوقــت لا قـفّــا يــولــي بـالـغـنـي او بالـفـقـيـر
الحمـد لله بحمـده مـادمـت انــا عـبـد(ن) شـكـور =إن كان عشت فقصر او حتى انـا فرشـي حصيـر

سلام .. يالشيخ .. يالمطنوخ .. ياليعربي =ياللي عياله مربيهم على الطاله
أكبار شعراً .. وأدب .. وأكبار فالمنصبي =والود اسم ٍ ينومس كل من شاله
لا يا بعد شاطي الراحه .. ودار الظبي =يا منتدى الشعر .. واهل الشعر.. وابطاله
أبي أشارك نجوم الشعر وانا .. أبي =والجزل يعنالي قبل اروح وأعناله
وقفت أشوف العبي يالابسات العبي =الستر حالة شذوذ وباتت محاله
ولديت يا مجلس الشورى.. وبان الغبي =يقول قوله وكل ٍ يسمع اقواله
يبي بنات العرب تسبى مثل ما سبي =تفسخ شرفها .. تسابق رجله الصاله
تمشي على مايبي .. يمشي على مايبي =علماني يفصل عن الاسلام افعاله
أختااه .. شفت العرب تُغزى بفكر اجنبي =فحواه خل المره في الكون ((رجاله))
ليا متى والغنم يسرح معها صبي =نسرح البنت كافي حبس فالصاله
وقفت أناظر في حالتنا وأمس اشنبي =واقول يالله تعز الدين برجاله
صحيح ماني وكيل أدم .. ولاني نبي =لكني شاعر وكل الكون يقرا له

أنا همومي تباريني ... تشب بداخلي نيران =تحاول تخنق أنفاسي ... وأنا صابر مداريها
أبتركها وأجافيها ... ولكن ترفض الهجران =تقول أخاف من نارك ... يجي شخصٍ يطفّيها
فقلت الله يالدنيا ... مصير اللي عليها فان =متاع الفانيه يفنى ... ويبقى وجهه باريها
دنيّه / دانيه / ملهى ... القلوب / ولعبة الأبدان =متاع / أموال / ومفاخر ... غرور / وويش تاليها
نعيم اللحظة / الزايف ... سراب / ورابحه خسران =ألا ياسرع ما تحكى ... من الماضي لياليها
كما زرعٍ طلع نبته... نظير وصاحبه فرحان =تبدد كل محصوله ... مع الريح وذواريها
عجايب كيف يا دنيا ؟! ... مع إنك جنّة الشيطان ! =وراها الناس تلهث لك ... ولا تحسب خطاويها !
عجايب كيف يا دارٍ ؟! ... بها ما للبقى عنوان ! =نطارد خلف زينتها ... تناسينا بلاويها
بعين المصطفى هانت ... وعند الواحد المنّان =ما ساوت جِنح بعوضة ... ونشقى لأجل فانيها
ما فيها إنسان متهنّي ... لو تشوفه ضحك أحيان =يحاول يخفي أخباره ... يقول اقدر أجاريها
محال .. الواقع ومضمون ... ولا هو بحاجة البرهان =يقول إنه ولو حاول ... فلا يقدر يماشيها
نهيت القلب ما طاوع ... سلك دربٍ يجيب أحزان =يبي يدله وهو يدري ... مصيره ضايعٍ فيها
زمانٍ صعب ما يرحم ... ولا يداري شعور إنسان =ولكن يا الله الخيرة ... ما دام الكل باغيها