منتديات الـــود - اول مشاركه واتمنى تعجبكم

سقا الله طعنة منها عرفت ان الرجال افعال****نهار اشقيت رجلينى وكل الناس خياله

ترى ماكل من ربى (شنب)ياصاحبى رجال**** ولاعاد الشنب يفرق حريم الوقت ورجاله

الا يامن سجدت لوجهه البارح فقر واذلال**** سجدت ودمعتى فوق الخدود وحالتى حاله

الايافارج الكربه الاياعالم بالحاااااااال**** انا عبد فقير وعادت الايام حياله

انا لوكان حيله على القلب الشقى لااحتال****عسى الله لايؤاخذ قلبى المجنون بهباله

خفوق(ن) في طرف صدري بنى للمقفيه تمثال**** يقول الموت لاجل الموت وفال الله ولافاله

الايالله كان اللي يجيني طيفها بالبــــال**** هنوف(ن) تسكن ضلوع القصيد العذب وجزاله

اذا هي ناويه من جد تقفي وتفصل الجوال**** لاعاد بارك الله مصنع الجوال وارساله

بعد ماهديتها قلب(ن) تردد دونه الغربال****خفوق(ن)لويشوف الموت صدره ياقف قباله

خفوق(ن)مدته مدت كريم البارق الهمال****خفوق(ن)لاستشاض القيض جتك الناس لظلاله

شرب فنجال ثم فنجال ثم فنجال ثم فنجال****وليا من الزمن اقفى يفز ويشرب دلاله

حشا والله وانا رجل ليامنه غضب ماقال****واليا من قال له كلمه تفز رجال لاقواله

صغير السن لكنى كبير(ن)واصغر العقال**** اخذت من الصبر عمقه واخذت من الصبر جاله

رزين جاهل عاقل كريم بحبتين هبال****غليظ(ن)فض ومن حولى يفض الخل وحباله

اذا ود الهنوف تصد تاخذ نشرة الاحوال**** ترى (ســـعـــــد) شال الريــــح جواله

وقلبه سالى عنها من اول مادخل شوال****ولاعاد يبي (نوره) ولا(اسماء) ولا( ساره)

واذا طال الجفاء واقفت وصارن الليالىطوال**** ترى ماياخذ الرجال كود اللى تهياله

عسى الله لايخليها بعد تلقى على مدخال**** وعسى الله لايذوقنى بعدها الحب واذلاله

عزمت اقطع الصوره واحرق قلبها والشال****نويت انهى عذاباتى ودرب الحب وجداله

واذاجابوا لها طارى هلى والناس والعذال****ابشهر بسمتى واقول كلن راح في حاله

على الحرام انى لااخليها وانا رجال**** مدام ا ن الفعل يفرق حريم الوقت ورجاله