إن كان= لـــك قــلــب

يالساني إنتفض هات المعاني=اشرح اللي ضيـّـق اليوم المحاني
لاتخليني وانا اللي يرتجيك= إنك تجيب القول والكلمة عشاني
يالساني وش بلاه اليوم ساكت=ليه ماينطق وخلاني اعاني
ليه مايرجي حبيب ٍ راح وخلا=الدار صار اليوم يكره لي مكاني
ياغرام القلب هيـّـا الدار عـوّد=دام جيتك ياوفي بالقول عاني
وانته اللي لانصيتك ماتخلي=من نصاك الطيب يلقاه إفثواني
كاني اللي بالخطا مخطي يكفـّـي = لو شرحت القول بالهاتف كفاني
ماني اللي رافع ٍ خشمه وانا اللي = كم رخت خشمه صواديف الزماني
برتخي لجلك وانا راسي رفيعه=للحبيب ارخي وانا عالي فشاني
انته اللي لازعلت اليوم نزعل= وإن رضيت ارضى ولا اظنك اناني
بالفرح غصبه نكيد اعتا عواذل=والحذر تسمع عن الفرقا اذاني
ياحبيب إن كان تزعل من حبيبك=فالزمن دوّار والمخلوق فاني
برتجيك اليوم ترجع في محلي=كان لك قلب ٍعلى ماقلت لاني
وإن رحلت اليوم نار ٍ فالضماير=جمر احسه في معاليقي كواني
انتظر جيتك اعد إلك الثواني=والمكان إتشوف بالدمعة بكاني
صار يدري وش احسه في حشاي=وكيف هم البعد جا ني وإعتراني
وإن بغيت اليوم ازوّد فالقصيدة=زدتها لينك تحس إبها حناني
مثل الام إن كان ضاع إلها ضناها=لا رحم قاف ٍ على المعنى عصاني
وين اجيب القول وين اليوم احده=كنت احده غصب للدمعة حداني
هليّ ياعيني دموعي لين ابلّه=ثوب من فوقي على عودي كساني
غلطتي ماهي على مثله شنيعة = والشناعة فالفراق اللي طواني
ما اظن اللي على دربي بديته= مستحيل إنه على الدرب إنتهاني
بشتري خلـّـي وانا روحي فديته=العشير اللي على الطيبة شراني
بنتخيه وبنتخي فيه الليالي=والزمان اللي وفـي مثله عطاني
لايروح ولاتغيب اغلا مودّه=مانسيته ليته إنه مانساني

http://www.al-wed.com/pic-vb/102.gif
::
::
::
http://www.al-wed.com/pic-vb/765.gif الشريفhttp://www.al-wed.com/pic-vb/765.gif
::
::
::

بنتخـيـه وبنـتـخـي فـيــه اللـيـالـي
والزمـان اللـي وفـي مثلـه عطانـي

لايــروح ولاتـغـيـب اغـــلا مـــودّه
مانسـيـتـه لـيـتـه إنـــه مانـسـانـي


صح السانك والله لا يهينك

رائعه بكل ما تحمله الكلمة من معاني

انا اضم صوتي لصوت اخوي معدي

انت و اخواني الاخرون كلكم مكسب لنا معرفتكم

صح نبض قلبك والله لا يقصر بك

بشوق لجديدك فلا تطيل

تقبل مني خالص الاماني

طارق اليامي


::
::
::
http://www.al-wed.com/pic-vb/55.gif

من الحياء=خــجــلان

خجلان ياكيف الوفا مادمت اطوّل فالغياب=إن كان ما رد الجميله وقتها مايعذروني
منهو يقصّر بالجميل الفين عيب(ن) به يعاب=إن كان قصّرت العذر بالله لا لا تقطعوني
غصب(ن) عليـّـه غبت لكن من يغيب اليوم جاب=من القصايد قاف جبته ليتكم لو تسمعوني
كنت الف بهالزمان لفيت كم دقيت باب=ابواب عــيــّــت تنفتح حتى العرب ما كلموني
اشكي غرام اللي احب ومن هواه القلب ذاب=الصاحب اللي كم بكت لجله من الفرقا عيوني
ماغفت عيني ولاني طيب(ن) والقلب طاب=ماذوق طعم النوم مدري ليه بس مارقدوني
سهران اساهر فالنجوم تغيب في وسط السحاب=إن غابت النجمه بكيت ولا بدت تضحك سنوني
افرح ليا شفت النجوم ارسل مع النظره خطاب=اكتب على سطح القمر بالله لاتخلف ظنوني
كل الكواكب لي حروفي والسما صارت كتاب=اقراه كل الوقت حتى إن الليالي حفظوني
من قال سيف الوقت حده قلت انا للوقت ناب=الوقت مثل الذيب لكن قلته وماصدقوني
ماصدقوا قولي وانا اللي من صروف الوقت شاب=شابت رموش العين لكن كيفهم لو كذبوني
اربع سنين(ن) عشتها فالحب انا كني مصاب=انصاب من رمش العيون اللي تعنوا يذبحوني
انزف وانا كلي جروح اضما واطارد لي سراب =اضما وشوف الما بيدين اللي قهر ماشربوني
عزتي لي كان حتى ما اطول من الشراب=الموت احسه غصتي فالريق ليه مايرحموني
هذا وانا نايف وكم عدوني من عد الذياب=اليوم ادور لي على اللي بالعدد لو يحسبوني
امسيت في داري وردد عاشق(ن) والله تاب=اخطيت لكن مثلكم كم من خطا لي سامحوني
منهو عرف للحر قال الحر مايحسب غراب=إن كان انا حر(ن) فكيف بكفهم قد طيروني
طاير واحس إني اطير ولا اوقع فالتراب=إن كان لي منزل تراهم عالي القمه يجوني
هذا ختام القول اقوله من حسب يحسب حساب=إن الكلام إلناس قصد وليتهم بس يفهموني