..[من كلّ شيء(ن) أشتكي وأجهل طبيعة فرحتي ].. (مصآفحة آلآولى)
 

http://www.alamuae.com/gallery/data/media/123/0100.gif


آسعد الله اوقآتكم بكل خير

يشرفني ان انظم الى هذا المنتدى العملاق بما تعنيه الكلمه صادقه

ويسعدني ان اكون بينكم اخ خفيف ضل عليكم وليس صديق مع الايام



اطرح بين اعينكم اول مصافحه لي واتمنى ان تنال اعجابكم



http://www.al-wed.com/pic-vb/509.gif



..[من كلّ شيء(ن) أشتكي وأجهل طبيعة فرحتي ]..


الهمّ والحظ التعيس هذي مقادير دنيتي // والضيق والحزن الشديد عنوان لأنواع العذاب


واليأس فيني منفعل ويحتويني بوحدتي // والصبر ماأضنّه يفيد والروح فيها إكتئاب


من زود مابي من علل أعثر وأقصّر خطوتي // ملّيت ولحظاتي ملل وفكرت أنوي الإنسحاب


من كلّ شيء(ن) أشتكي وأجهل طبيعة فرحتي // أشوفها فوق القمر ولاقرّبت حول السحاب


خسران وبخسر مابقي ولاني مغيّر فكرتي // يبقى الأسد هو الأسد ماينبح نباح الكلاب


بالطيب أرقى وارتقي وماأرجع أكرر غلطتي // ومع الوفا بلقى الوفي وافي ولو طال الغياب


هذا أنا ياأغلى حبيب وهذي متاعب مهجتي // هذي معاناتي معك من يوم قلبي فيك ذاب


إسأل وإبحث وإستيشر وفسّر نواحي نظرتي // إن كان لك في هالبشر غيري بيضرب لك حساب


كنت أفتكر إني معك بعيش سابق لحظتي // وكنت أفتكر إني بذوق الحبّ منّك بإنسياب


وضحّيت لجلك مابقي وأوفيت حتى بكلمتي // وأرخصت أغلى مامعي أرخصتها رخص التراب


ماأمنّ عليك بإللي حصل ولكن إسمع شكوتي // هذي مجرد فضفضه ويمكن تسمّيها عتاب


أرجوك إفهم مقصدي إن كان ودّك رضوتي // إنت الأمل وإنت الحلم وإنت مياديني الرحاب


كنت أرتجي إنك تجي يمّي وتمسح دمعتي // وياليت شعري لو وصل تشوف همّي كيف أصاب


إنت العسل ياعسل إنت تداوي وعكتي // إنت السعد إنت الفرح منك أكتسب فرحي إكتساب


هذي مجرد فضفضه وأنا لوحدي بغرفتي // زولك طرالي ياعسل وابرقت لك هذا الخطاب


حسّيت إني بفقدك ولو أفقدك ياحسرتي // بعيش كنّي المنهزم إمن السهل عقب الصعاب


وببكي قهر في داخلي وبالعين حارت دمعتي // مهموم في وضع الجلوس وحتى النفس فيهآ إضطراب


الودّ ودّي لو أبي هالعالم كلّه سبحتي // وأعطيك ضعف إللي تريد من بدّ خلق الله تثاب


صدقني ماغيرك أحد أكنّ له محبتي // مالك منافس عاللقب في الدور الأوّل والإياب


ياتاج راسي إقترب قربك يكمّل راحتي // فيك الأمل وإن ضاع عمري ياحبيبي مايغاب



http://www.al-wed.com/pic-vb/509.gif

غدرٍ آلخنآجرٍ

حياك الله

وياهــــــــــلا ويامرحــــــبــــــا

صح لسااااانك ولا هنت


تقبل مروري


اخوك..............



رررراعيييييهااااا

غدر الخناجر

حيااك الله اخ عزيز وغاالي

وصح لسااانك،ولاهنت

نص رائع وعذب
\
\
\
خسران وبخسر مابقي ولاني مغيّر فكرتي // يبقى الأسد هو الأسد ماينبح نباح الكلاب


بالطيب أرقى وارتقي وماأرجع أكرر غلطتي // ومع الوفا بلقى الوفي وافي ولو طال الغياب


هذا أنا ياأغلى حبيب وهذي متاعب مهجتي // هذي معاناتي معك من يوم قلبي فيك ذاب


الله يعطيك العافية،وننتظر جديدك بشووق

تحيااااااااتي