منتديات الـــود - قابلوني اذا طبيت الراشد

هااااي افري وان هاو دو يوو دوو؟؟؟ سانكيو سانكيو

(يقالي اكشح عليكم بالالماني)

بدحل بالموضوع بدون مااهذر ... شباب الراشد .. وه ياتسبدي بس

بالراشد نشوف فيها مواطنين من جميع أرجاء ربوع بلادي... من خشتة الواحد ينعرف من وين جاي

طبعان بسبب ذلك يتعدد انواع الشباب هناك .. ممايجعل المكان بيئة مناسبه لدراستهم والتعرف عليهم عن قرب

1- نلاحظ وجود نوع من الشباب مهمتهم .. ناظر البنت ... شينه والا زينه .. حاول تتلصق.. لاحقها.. قط الرقم.. الصق بها من محل لمحل .. ذولا تهاوش فيهم ,تحقرهم, تطنشهم,,ماااابوه فايده..لانهم يعانون من مشكله ان وجيهم تقل خريطة الصين.... وماحصلو على وحده للحين تسوي لهم مس كول وتقفل!!!

2- فيه نوعيه مدري من أي زباله طالعين لنا .. يقال لهم داشرين وعرابجه.. قصة شعر ريكي مارتن وقوطيين ونص جل عشان يوقف الشعر والبنطلون وسيع ونازل وطالع(الترن ترن) وقمصان بدي وعلاقي وماغير يمشون ويتهاوشون مع بعض والواحد فيهم يمشي ويعرج .. تقل بوه كساح ..ومدنقين ظهور(ياحليلهم شرهم بينهم)هم(متأثرين بأفلام الرعب)وخبص ولبص والوان وحفلة وهيصة وزنبليطه.. أند لات مي دااااااااااانس (هذي ترجمة ورئصصصصصني ياقاادااااع بالعنقليزي)

3- حراس المجمع .. ذولا شباب مهمتهم الوحيده...وقف عند البوابه رقم 5 ولاتتحرك انت وشلتك ..... ذا كان أمنية حياته انه يشتغل فراش مدرسة بنات بس ماحصلت له

4- البزرااااان .. وما ادراك مالورعاااان... يجيك واحد كبر اصبعي الصغير ,شنبه توه راسمه بقلم الخطاط ويقط الرقم !!! عشنا وشفنا... مانقول الا الشرهه على المدارس.. المفروض الدوام المدرسي( طواااال اليوم والليل..سجنال2)احم

5- لؤي .. أهم ظاهره بالراشد .. تئبر ألبي شو مهضوم .... اذا طبيت الراشد لازم اسير واسلم عليه بمحل وجوه اللي بالسواني.. ياناااس اخلاااق وذووووق .. اذا شافني جاب لي كرسي وجلسني ياحليله وخلى باقي البنيات واقفات ويجيب المكياج تحت ايديني (أزعط عليهن)... يااااااااااي عليه بس.. صفقو له

6- خرفان مزرعة المراعي... ذولا يجونك وهم فاكين ازرار ثيابهم وشمغهم طايحتن علىكتوفهم وثيابهم صفرررر وشعورهم تقل عشة بعارين ... مدري من أي زريبة غنم هاجين منها؟؟

7- دار المسنين.. العجز يعني.. ياخي استح على وجهك ... كبر جديدي وترقم... طيب على الأقل اصبغ الشيب اللي بسكسوكتك..

8- هيئة نقابة الممثلين الكوميدين... ياحليهم... والله ظنيت انك كنت تبي تطيح علي من صدق... ماغير يمشون وينكتون ويتحرشون بالبنات

9- الرزه .. بمعنى آخر الثقااال.. ياااااااااويييييييييييلي .... اروح وطي عندهم.. طيب ياخي على الأقل ناظرني .. خزني.. كلمه ولو جبر خاطر

10- المضيع... للحين مايدري هو بالراشد والا بمركز الشعلة

11- المخفه ...بمعنى اخر التنكه........ لا تعلييييييييييق

12- ربع مايكل جاكسن.. النظارات الشمسيه ماينزلونها .. ياااويلي أنوار الراشد تعور عيونهم... .. اقول اهه بس ....

طيب ادخلو سايبر كافيه تراه ظلمه (اقهرهم مايقدرون يدخلون لانه عوائل)13- شباب الرياض...مهما سويتو ...تنعرفون يعني تنعرفون... متى بتفهمون ان شباب الشرقيه مايلاحقون البنت لسيارتها ولبيتها؟؟؟اثقلو وخزياااااه

14- شباب الجنوب.. لابسن ثوب اخوه الصغير والشماغ عالكته عنزتهم ..وخشمه ماخذن كل وجهه... ومع ذلك مصر ان اسمه نواف اخو تركي!!!؟؟؟

15- شباب الشرقيه... يناظرون عيون البنيه.. اذا بحلقت فيهم عطوها الرقم.. والا الله معتس.. مشالله ثقااال.. تدرون ليش؟؟ الله يطول بعمر البحرين بس

16- زلفونيا ...!! بمعنى آخر ربعنا من الزلفي ... حرمه من جهة والحرمه الثانيه من الصوب الثاني وعيونه تقل درابيل تدور على بنت الحلال الثالثه.. اقوووول ياللي في بالي .. امحق طبع بس

17- شباب المطاعم المفتوحه.. طيب استحو على وجيهكم واعزمونا .. والا شاطرين تشوفون مدى توافق وزن كل وحده ووزن الاكل اللي هي طالبته

18- شباب دقه قديمه.. ذولا من التراث الشعبي القديم... ياهوووه ترا الناس تحضرو.. يعني لا تقعد تسولف مع خويك وتقوله بصوت عالي كلمني على هالرقم 05500000 ..ابحث عن طرق بديله أنت ووجهك

19- مندوبي المبيعات... ماغير يمشون ويعبون أكياس البنيات ببطاقات يسوقون من خلالها(ارقاام جوالاتهم)

20- فئة تسدح وقزقز ... هنا المشكلة... هذي غاثتنا إحنا البنات .... وهي ظاهره .. انسدح بالكوفي شوب ,, وحط رجل على رجل .. والله هالله بالشراب الفوشي المخطط بالاصفر,,و أول ماتشوف بنت مقبله من بعيد ركز عينك وصوب عليها وانتبه لاتغلط بنظراتك لاتروح جنب الهندي اللي يمشي وراها...واذا قربت الله الله بالكلام والتعليقات انت وربعك.. من نتائجها السلبيه .. انكم تحرجونا صرنا مانمر قدام الكوفي شوبهات بسببكم(ايه هين

21- ظاهرة اللكززات والشبحات والكاديلاك واللنكن والبي ام دبليو والمرسيدساااات اللي بموقف السيارات ..طيب وين اصحااابها؟؟؟؟ يعني لو سمحتو كل واحد يمشي وهو معلقن بطاقه عليها نوع سيارته عشان نعرف نتنقى زين

ابيـ تفاعلـ فيـ الموضوعـ