|
اذوب انا يابنت من نظره العين وتذبح قليبي شفاهك النرجسيه
يقول انا اعشقك ياشيخه الزين ....................................ومهما ابكتب فيك ادري شويه دنياي لاشفتك تزهـــر بساتين .................................وان غاب طيفك ذقت طعم المنيه اذوب انا يابنت من نظره العين ...................................وتذبح قليبي شفاهك النرجسيه يقول انا وافــــــي وابيك توفين .................................ابيك انا ويــــــــاي صبح ومسيه ويقول احبك حيل ويحب عشرين ................................ونفس الحكي قاله لــــهاذي وذيه هذا ترا هو حال شبابنا الحين ................................يا للاْســـف ما عـــاد فيه حمــيه كثره فتن ولا هي قله الدين ................................ولا الــــبلا كله من ضعف البنيه يـــابنت مابه حب في وقتنا الشين ................................ والله يحــــبك لجل غايـــه دنيــه لامن قضى يرميك وانتي تخسرين ...............................ومحدن ترا غيرك يكون الضحيه والله من حبي لك ابــي تعرفين ...................................منهو يحــبك ما يجــي بالخــفيه دوسي على قلبك ولا لا تبوحين .................................ولايضـــــعفك حكيه وخلك قويــه وعوذي باسم ربك من الشياطين .................................والله يحفظك من كله زله وخطيه وحبي هلك كان بــــ ودك تحبين ...................................وربعك وناسك والوجيه الهنيه والصاحب الصادق بالعسر واللين ..................................ومنهو طلب ايدك بشمس ضويه ذولا الــــذي من حبهم ماتملين .................................ومايلحقك من دربهم شر واذيه نظمت لك حرفي من واقعٍ شين .............................وقت(ن) ردي ونفوس جشعا رديه لاتفكري قولي مجرد تخامين .................................ولامخــاوف بايته بصدر بدويه ولاانا مالــــــي بدرب المحبين ............................... ساقي كسرته لو وطى درب الخطيه سمعتي تسوى في عيوني ملايين ....................................والله ما ارخصها مادمت حيه وترا الحكي مقصور على الرديين ...............................و ادري به رجالٍ مارضت بالدريه |
صح لسانك
أبيات جميله ورقيقه تقبل تواضع مروري |
آول شئ صح لسانك ولآ هنتي على هالقصيده ...
موضوعها زين ومعانيها ازين وماشاء الله فيها حكمه بعد صراحه عندك تفكير واسع وحلو بس لو تكملينها وتتعلمين وزن الابيات تصير فل ميه وعشره هههههههههه... ااذا تحبين اساعدك نو بروطلم ... ونعم فيك والله بس ترى مو كلنا رديين على قولتك خخخ تقبلي مروري... آخوك..دمع همآل |
صـــح لســــــــانك
كلمـــــــــات صــــــادقه" تقبلي تواضع مروري |
صح لسانك
ولاهنت |
قصيدة جميلة صح لسااانك ولا هنتي أنا معك في كل اللي قلتيه بس أصابع اليد ما هي سوى ننتظر كل ما يبوح به خااااطرك دمتي بخير ,,,,,, مهآآآآآآجرة |
صح الساااااااانك وسلم بنانك
موضوع واقعي وموجود يعطيك العافيه على اختياره انا معك فيه شباب يأخذون موضوع الاحاسيس والمشاعر لعب وكذلك فيه بنات بنفس الصفه الصدق متوفر عند الشباب والبنات والخيانه متوفره ايضا عند الجنسين الله يحمي الجميع تقبلي مروري المتواضع ياغاليه |
صح لسااااااااااااااااااااااانك
|
كلمات رائعه استهوت الأعين وأسرت القلوب
سطور تحكي عن روعتها..وأبيات تخفي في مضمونها الورد لك مني أسمى تحيه ننتظر المزيد بشوق مودتي المخلص&ذايع& |
يسلام يسلام
ابدااااع في ابداااع استمتعت بمروري من هنا لك المتابعه تحياتي |
| الساعة الآن 02:24 AM. |