منتديات الـــود - التغيرات من 1300 إلى 1428 هـ هنا فقط

بدأت بعدة تساؤلات قبل ما أضيف الموضوع ياترى وش اللي تغير علينا من أيام زمان
لقيت الأمور زي ماهي بس الفرق الأبيض والأسود تحول إلى تشكيلة بنبي وبنفسجي لكن جوهر الأمور موجودة
مثال التعصب الرياضي كان موجود حتى في المواد الغذائية
http://vb.eqla3.com/attachment.php?a...3&d=1173305758
صحيح أنه لبن وحليب مو معقم <<<<<<<<<<<<<<<<<<<<<<<<< متعصب نصراوي:biggrin:
بس كان ماشي قبل 15 سنة أو أزود بشوي وكان المنتج يحقق مردود مالي مو طبيعي في حالة فوز الهلال
وكان نظام الشركة يوقفون المنتج يومين في كل هزيمة <<<<<<<<<<<<<<<<<< هذي من عندي:
وفي فترة من الفترات صار الهلال دايمن ينهزم وقفلوا الشركة <<<<<<<<<<<<< علينا جاهم المراعي والصافي:biggrin:
المهم ماعلينا ياحبيبي ما علينا .

نجي للنقطة الثانية الترفيه كان موجود وإن اختلفت الوسائل في الوقت الحاضر لكن الغاية كانت موجودة وهي السعادة الذاتية للأطفال والكبار في بعض الأحيان
http://vb.eqla3.com/attachment.php?a...5&d=1173305916
يعني زمان كان السيكل عبارة عن مجسم حديد ملحم دون أي دراية وكانوا يمسكون السيكل ويمشون على رجلينهم
لعدم قدرته على استخدامه وكان يتعبهم لكن كان فيه متعة مو مثل الآن يركبونه عشان يريحهم حتى الطفل الحين
إذا شريت له سيكل إذا نجح ناظر لك بنص عين وقال رجعه وزود عليه وجب لي جوال أن 91
المهم ما علينا ياحبيبي ما علينا .

http://vb.eqla3.com/attachment.php?a...4&d=1173306382
نجي للنقطة الثالثة وهي المزاج زمان كانوا يشربون الشاي بمزاج عالي ويتفننون بطريقة تصليحه وكان الواحد إذا عصب
جاب شرب له كاسة شاي وبعدها يروق ولو تقول له خلنا نمشي للعراق رجيلياً قال قدام ويلعن أبو ورى
لكن الآن الشاي ماصار له طعم زي زمان مدري لأنه كراتين الشاي تغيرت ولا كثرة المشاكل ولا صار عندنا مناعة
الحين مو كنهم خربوه أشوف لهم أسبوع يحطون دعاية لشاي بالفنايليا وشاي بالشكولاته تكرم النعمة حاسوا الشاي
المهم ما علينا ياحبيبي ما علينا .

http://vb.eqla3.com/attachment.php?a...3&d=1173306359
نجي للنقطة الرابعة كانت المشروبات الغازية لها طعم يمكن ما تشربها إلا بالأسبوع مرة إلا أنها تبقى مخمخة براسك
لكن هالوقت التالي خربوا نزلوا لهم مشروبات يدمن عليها الواحد مثل ديو صارت الشوارع كلها قزاز أخضر حتى الطلاب
صاروا يفركون من المدرسة يشربونه ويرجعون ولا يتفقون مع واحد يغيب ويجيبه لهم بالفسحة ولا مشروبات الطاقة
تلقى طوله شبر وماسك بايسن إذا قلت له يابابا مو زين هذا خزك بنصف عين وقال مالك دخل .
المهم ما علينا ياحبيبي ما علينا .

http://vb.eqla3.com/attachment.php?a...2&d=1173306337
نجي للنقطة الخامسة المناديل هنا يكون الاختلاف زمان ما كان ولا طالب ينشق خشمه كانوا رغم قلة المطهرات والشامبوات إلا أنهم يهتمون بمنظرهم وخاصة وجيههم في المدرسة وكانت الوزارة تصرف لهم مناديل لكن الآن تلقى
خشمة يتقطع من الزكمة وماعنده منديل وسبيله الوحيد للهروب من الموقف يقول تسمح يا أستاذ دورة المياة
المهم ما علينا ياحبيبي ما علينا .

الخلاصة : كل واحد ياخذ له مشروب على حسابي
http://vb.eqla3.com/attachment.php?a...1&d=1173306318
عفواً سيرفر كولا مشغول الآن

ملحوظة : إذا طلعت عندك العلبة فارغة حاول مرة أخرى .

تحيتي بابتسامة

نسيت هناك جائرة
لأفضل رد وهي
http://vb.eqla3.com/attachment.php?a...6&d=1173305996
وجائزة ترضية أخرى
http://vb.eqla3.com/attachment.php?a...7&d=1173306049

سلالالالالالالالام