منتديات الـــود - ^,^ ~ ويـــفـــزلـــــه .قـــلـــبـــي.ويـــفـــرح بـــطـــاريــة ~ ^,^

:wed3000: :weds19000: هذا الاسم أحـب راعيـه وغليـه
غلاه عندي كبـر الارض وسماهـا

وحتى لو أنه يطلب أعيوني أعطيه
وعطيه روحي لو طلبهـا وبغاهـا

ابيع كل النـاس بالـود واشريـه
وبعده مرض نفسي وقربه دواهـا

لاغاب عفت الكون كلـه ومافيـه
وضاقت علي الارض وظلم فضاها

ادري وعرف الاسم ومنين راعيـه
ولا بعد وشلـون نفسـي غزاهـا

وعلى الكرامه والمعـزه مخاويـه
ماهو على شيـن العلـوم ورداهـا

افديه في مملك وفي روحي افديـه
ومقدر عليه وتطلبـه مـن فداهـا

بس المهم بكل مايطلـب ارضيـه
واهم حاجه عنـد نفسـي رضاهـا

وحتى قصيدي يفتخر فـي معانيـه
فيها ويرقص قدمهـا مـن غلاهـا

ويفز له قلبـي ويفـرح بطاريـه
فرحت عقيم(ن)في بدايـت ضناهـا

الله يسعـد فـي حياتـه ليالـيـه
ويسهل دروب(ن)برجلـه مشاهـا

شيخه وبنت شيـوخ لبيـه لبيـه
تمشي وحراس الغلا مـن وراهـا

ماهي بشيخة خمسة ابيوت ياهيـه
لا تلوم قلبي يـوم يتبـع هواهـا

ولاصار حاكم حب والقلب قاضيـه
مالي مفر(ن)عن مواجـه قضاهـا

وحكمه على عيني وراسي وباغيه
حتى لو انـه زاد نفسـي عناهـا

اللي يبيه أمر على النفس تمشيـه
وليا عصت نفسي عليه اعصاهـا

وحتى قصيدي قام عرفـه يحليـه
وحلا المعاني يقتبس مـن حلاهـا

لؤلؤ بحر يغني من الفقـر لاقيـه
دره ثمينـه وهنـي مـن لاقاهـا

داره قريبه بس صعب(ن)انا أجيـه
ودونه شيوخ(ن)مايقـرب حماهـا

مادمت حين معي مانـي بناسيـه
ولامت شعـري ذكرياتـه حكاهـا

جاك الشعر سيل(ن)طفح فوق واديه
ودخل بيوت اللي سكنـه وملاهـا

دارن وطاها تزتهر مـن مواطيـه
وهني دارن خـف رجلـه وطاهـا

ليت المنـى يفيـد عنـد متمنيـه
أبا التمنـى كـل عمـري معاهـا

من شان محد(ن)يعرف اسمه اخفيه
قصيدتي به يبلـش اللـي قراهـا