.
.
.
.
.
.
.
.
.
.
.

وني معي يا ظلمة الليـل ونـي=مالي رجا الا رحمـة الله تعالـى
أقول طيّب و لاّ انـا والله انـي=مدري متى الجرح القديم يتشالا
والله غريبه تالي الوقـت كنـي=باقعد لحالـي و الليالـي تمـالا
على عذابي و الرجا و التمنـي=معاد فـي نـوه بـروق تـلالا
يا تل قلبي كل ما خـاب ظنـي=تل الرشا للغرب فـوق المحـالا
أضحك و أجامل و الخلايق تبني=على هقاويهـا علـوم ٍ طـوالا
ماهوب من زود الفرح يوم أغني=تكفون يـا عذالـة القلـب لا لا
خلوني أطفي حر جـرح سكنـي=كل الجروح أقفت و هو لا يزالا
له ضيقة ٍ ما تقدر تغيب عنـي=انا و هي نشرب سوى و نتدالا
الله مـن ليـل طويـل ٍ فتنـي=والله من دمع ٍ على الخد سـالا
ابطيت ما جاني صديق ٍ يهنـي=ما عاد كون أيـام حـزن تتـالا
مدري متى الدنيا بتفتـك منـي=مليت من عمـر ربيعـه تـوالا
أقفت طراته جعلهـا مـا تثنـي=خلاص يالقبر الطويـل الهيـالا
باون لين اجيك و اموت سنـي=و انا برجوى رحمة الله تعالـى

صح لسانك أخوي عساف القوافي

قصيده رائعه بالفعل لا فض فوك

والله إنك شاعر كبير

عسى عمرك طويل أبو أيام

وفقك الله

مشكله لا صار هقواتي بعيده=وضاعت الهقوات فاللي كنت هاقي
الزمان يحز رجليني بقيده=ماتقولي يازمن وش عاد باقي
يازمن لاتحسبن ماني وليده= لا يغرك دمع عيني يوم راقي