ماقد نويت اتـرك الديـره واخليهـم=لاشك حظي .. بجور الوقت يبلانـي
ماقدر انا اغيب .. او ابطي ولا اجيهم=لأني انا .. لشوف اعز الناس شفقاني
يامـوت خذنـي اذا مانـي مواليهـم=لنفس طابت وانا .. يكفيني ماجانـي
من بعد فرقا رجالـن دوم اخاويهـم=ماعادني من زمـان البعـد طربانـي
يـوم اتذكـر معـي احلـى لياليهـم=اهل دمعي وله .. من كثر ما أعانـي
ياوجد قلبي علـى اجمـل حكاويهـم=سمرة سوالف لها ذا القلـب ولهانـي
متى على الله نعـود ونلتقـي فيهـم=وترتاح روحي .. بعد امقابل اخواني
اسرح واسافر.. واغيب بذكر طاريهم=وأصحا واقول الغلا .. وشلون أبكاني
ولاجيت انا بتصـل ليلـه واحاكيهـم=لازم اسـدد فواتيـرن مـن ازمانـي
يلعنك رقم(ن) عجز لحظـه يوافيهـم=ويلعنك حظ(ن) بكاس المـرّ أسقانـي
الله ياوقـت كنـت اسـلا وأسليهـم=واليوم ساهر بتـال الليـل وحدانـي
يالغيم الأسود طلبتك رح لاراضيهـم=ارجوك تسقي وطنهم قبل الاوطانـي
وأسلم وسلّم عل عزّ(ن) ربـا فيهـم=الصحبة اللي ماتلقى بغلوا الاثمانـي