منتديات الـــود

مات حبك وانتهينا ماعلى بالي تجين..
والخفوق اللي رفضتي لية جيتي تطلبينة..
انتهيتي من حياتي لا شعور ولا حنين..
والدموع اللي بعينك دور كنتي تلعبينة..
ماني خاتم في يدينك كان ودك تفهمين..
الهوى كله مشاعر والصراحه تجهلينه ..
ذنبي اني صرت وافي لكن انتي تلعبين..
ماانكسر يصعب عليك لا بغيتي تجبرينة..
ضاع عمري في سرابك صرتي غلطة للسنين..
منك قلبي يشتكي كيف ترجع له سنينة..
اذكر اني جيت كلي انسف العالم يمين..
تايه الخطوة غريب يرسمك حلم ومدينة..
من يقول انك نسيتي مانسيتي تذكرين..
الغلا كله عطيتك ماتركتك ترتجينة..
صادق شعوري وهبتك جيتك بحب يقين..
ماحسبت حساب مثلي في ثواني تتركينة
مرخص وقتي عشانك ماشكيته لو يشين..
كنت بحرك والمواني والشواطي للسفينة..
لا يغرك في دلالك ادري انك تفتنين..
اعرفك في جمالك من يشوفك تربكينه..
المحبة في خفوقك مالها معنا ثمين..
سهل جدا في حياتك من يودك تهجرينة..
وش بقالي مابقالي غير جرح لي دفين..
والنهاية جتك مني عيشي بدوني حزينة..
ماهقيت ان الموادع في خفوقي لك يحين..
انتهيتي من حياتي باعك الله ترخصينه...