مابيني وبينك مشاريه وعتاب
شف دربك الي جيت منه تدله






ماراح تغلبني لو الحب غلاب
من حضرتك عشان قلبي تذله




في ذمتي لجعلك عبره للاحباب
لين الخل يتوب عن جرح خله




زلاتك الي مانفع فيها احساب
لاجيت اعددهن ثمانين زله





احرجتني بين القرايب والاحباب
كن الجفا سيف بوجهي تسله





ماكنت اقصر فيك من كثر الاعجاب
يومك تساوي عندي الكون كله




كنت القريب وكلهم كانوا اغراب
حتى القمر لاغاب شفتك محله






خلاص لاترجع ترا خاطري طاب
مابي طارى اللي كنت عايش بظله






رح واعتبرني واحد اذنب وتاب
ماني بثوب تلبـــسه ثم تــــــــمله






مايجتمع بالحب صادق وكذاب
رزقي على الله وانتى رزقك على الله

نديم الطيف